تاخد فكره معانا يا افندم
وماله ناخد بس عن ايه
طب اتفضل معانا في البارتشن
نتفضل
تعطيني فتاه منقبه فلاير
بص حضرتك عندنا كاميرا ديجيتال
ومترجمات بس اللي حاسس انه
حيناسبك اكتر المصحف
الاليكتروني
اتحسس ذقني فاجدها مازالت حليقه
اكيد ناخد فكره
هاتي يا مي المصحف من وراكي
بص حضرتك ده عليه القران كله وممكن تزوم وتشوف
أيه أيه وأماكن النزول وكمان ممكن تسمع الاذان وبيديك رنه في مواقيت الصلاه
طب ويفرق ايه عن ال mp4العادي او اي موبايل عليه السوفت وير ده
مش بس كده ده ده فيه كارته ميموري ممكن حضرتك تنزل من الكمبيوتر فيديوهات
اسلاميه او القران بصوت اي شيخ تحبه وتسمعه وانت ماشي
مينفعش انزل فيديوهات مش اسلاميه
وكمان احنا حاطيين عليه الفواصل بتاعت قناه اقرأ والرساله وبروموهات الشيخ محمد
حسان وحسين يعقوب
ليه؟
وانت شايف حضرتك انه حجمه صغير ازاي وهو اصلا واخد جايزه اصغر جهاز فدي
حاجه كويسه
خدها فين
والسعر حضرتك مفاجاءه 1150 كاش و 1750 تقسيط
طب اسم حضرتك ايه
مايكل... مايكل ميلاد واتشرفنا حضرتك في اي وقت
4 comments:
فكرتنى بفيلم الرهينة لما واحد قال لصاحبه نفسى اشوفك تصلى معنا مرة رد صاحبه على ايديه ونفسى انته تشوف ده
واشار الى الصليب عادى يا مان الدين لله والمعارض للجميع
تحياتى
بصراحه انا عاجبتني الفواصل بتاعت قناه الرساله
احه ولا برومو حسين يعقوب فوق الفظيع
تصدق اقنعني
لوووووول جامدة جداً آخر حاجة
تصدق أنا فى 5 طلبوا منى دقيقة بس فعلاً كنت مستعجل أشترى حاجة و ماشى
شكلك مش متابع قناه الرساله
شرفت
Post a Comment