Friday, March 13, 2009

محمد الاحمر او3.10 الي سيدي جابر



بيقولك محمد الاحمر صايع اسطوره في اسكندريه تسمع انه كاتب علي بيته(متخفش من

ربنا وخاف من محمد الاحمر)ميه وكيميا ونسوان محدش عارف يوقفه عند حده من اول

نقطه محمد فريد لحد قسم منتزه اول مرورا بنقطه الجلاء ليه معارف و افضال علي

الظباط والمخبرين وحتي الشيوخ اصله وقف معاهم في انتخابات 2005(مصطفي محمد

مصطفي رمز النخله)لحد مخبط مع مشويات بلبع والحاج بلبع نفسه طلب 2 فرخه مشويه

وطبق محشي دليفري ومحاسبش المشكله مش في الفلوس المشكله في هيبه بلبع نفسه قصاد

حسني وقريه عبد الوهاب والحل(القضاء علي محمد الاحمر تماما) بس مين حيقوم بالمهمه

دي داخل حي المنتزه مين من اول الصيع لحد الضباط .

يبقي الحل يتسحب بره المنتزه في قسم ولا نقطه و مفيش احسن من قسم باب شرق شرح

وبرح وخارج نطاق سيطره الاحمر بس ازاي حيخرج من المنتزه الواحد سمع انهم بعد

حادثه صاحب التوكتوك الشهيره اللي ولع فيها السواق في نفسه وهو مقيم في شارع 45


وكانن هناك لانه عارف انه مستحيل تحصل مناوشات معاه هناك فبعد احداث الكنيسه

والتوكتوك والامن بيحاسب اوي ومبيحبش المشاكل يبقي لازم متطوع يعمل الموضوع ده

واحد لا هومن الامن ولا هو من الصيع خلاص نشوفلنا واحد من العيال بتوع الجيم اللي

بينامو وبيتمرنوا وبس

المكان(بوشه جيم)

بلبع:ازيك يا بوشه

بوشه: ازيك يا معلم والله الواحد جاع علي السيره

بلبع:عنينا ليك يا بوشه بس كنت عايزك في خدمه

بوشه: امر

بلبع: كنت عايز عيل من عندك يكون عفي وفي نفس الوقت غلبان ملوش في سكه الاشكال

الوسخه

بوشه: والله مفيش احسن من حمو السكران واشار الي فتي اسمر طويل وعريض

يقترب المعلم من حمو الراقد علي المكبس وحاطط 60و60 من الناحيتين

المعلم: احسن يا وحش

حمو: شكرا يا كابتن

بلبع: كابتن وماله بقولك ايه كنت عايزك في مصلحه

حمو: خير

المعلم:خير ان شاء الله الاول قولي انت شغال ايه؟

حمو: مبيض محاره وبودي جارد بعد الضهر في الميراج علي البحر

تمام عز الطلب وقص عليه المعلم الحكايه

بس انا مليش في السكه دي يا معلم ومحمد الاحمر مش اي عيل سرس رفستين ونرميه في

التونايه(مشروع صغير) منتا ابو المفهوميه يا معلم

اسمع اولا انا حشغلك عندي في المحل ثانيا ليك علبتين امينو كل شهر

بس بشرط الامينو امريكاني وحساب الجيم عليك بس مش الجيم ده ممكن دراجون جيم

علشان ريحه العرق هنا فظيعه

ماشي استبينا

استبينا

علي بركه الله

المكان(شارع 45)

تعا عصافره بحري تعا عصافره بحري العربيه اللي قدام يا شنتل

لا والله انا كنت عايز اسال علي حاجه

امرني

عادل زنجيري

يلتفت السائف حوله حذرا وينتحي بحمو علي جنب

خير عايز شغل ولا حاجه

لا يا عم الله يحنن عليك انا كنت عايزه في موضوع كده

ضروري

اه والله

خلاص الساعه 6.30 علي مون لايت علي اول الشارع عارفها

اه

خلاص متتاخرش انت عارف زنجيري مواعيده فوق النمره واحد بقولك معاكش سجاير

متغلاش عليك علبه روزمان بحالها

الله يسهلك الحال تعا بحري تعا بحري

المكان(كافيتريا مون لايت)

سامو عليكم

مرحب يا صحبي

الاخ عادل

ان شاء الله

ازيك يا غالي انا اللي من طرف اسطي..

ايون ايون خير ان شاء الله

محمد الاحمر

يلعن يحرق يخرب يا ابن ال.. هو الكلام ده يتقال هنا قوم حصلني علي النفق علي البحر

عقبال ما حاسب واجيلك

حاسب وحصلني وبقينا علي البحر وحكيتله الحكايه

اديني يومين وحرن عليك معاك موبايل

اه

خلاص حر ن عليك بس اوعي تفتح كانسل واتصل انت

ولا يهمك

لزوم الاحتياط بس

اه منا عارف

طب بالسلامه انت دلوقتي

المكان(كافيتريا جلاكسي علي البحر)

باشا

اقعد يا حمو

بس ..

لا دي ساميه مننا وعلينا اتاخدي كده اختي شويه

بقولك ايه انا كلمت الناس وبصراحه الناس مقلقه زي مانت عارف ده محمد الاحمر وحبايبه

يامه

ده برده بلبع وحيحينكم كويس وانت كده كده ملكش دعوه انا اللي حتعامل بيس

بيس استاذنك بقي علشان دي قاعده عائليه تعالي يا ساميه

اهدي بس احنا متفقناش حندبرها ازاي

اه صحيح بص يا سيدي حنخلي بتوع التكاتك يعملو اعتصام حدادا علي روح الفقيد

المكلوم وحيقفلو شارع 45وبالتالي العيال الامن المركزي بتوع الراس السودا حييجو

ويدورو الضرب فيهم هنا اكيد حيظهر محمد الاحمر علشان ميصحش يحصل كده في

منطقته كده كانك بتشتمه بالام لما يظهر فانت منه له فاهم منه له

طب وحنسربه في ايه

بص انت تاخد مشروع عصافره سكه حديد من فوق وتطلع علي محطه قطر سيدي بشر

هناك فتركبه القطر تروح بيه سيدي جابر وتنزل تاخد تاكسي لباب شرق

طب مهم ممكن يحصلونا علي المحطه في سيدي بشر

متخافش هناك في نقطه شرطه واحنا حنكون في عز الضهر فحتي لو محمد يعرف ناس

منهم مش حيقدرو يعملو حاجه حناخد احتياطتنا

ازاي

اولاانت حتكون مثبت محمد من جانبه بتلت كبير

ثانيا انا حبعت اميل لوائل عباس علشان ييجي هو وحسام الحملاوي وحيصورواالاعتصام

وعمليه الخطف مباشره فيما يعرف بالتدوين الحي وكله حيترفع اول باول علي يوتيوب

وانت عارف الداخليه من ساعت عماد الكبيروهما بيقلقو من المواضيع دي

طب تمام

لا لسه دانت مكلف يا ابني

فريق صوت في الزحمه هو ومسار اجباري حيكونو جايين يعملو حفله علي شريط السكه

الحديد فوق 45 بالظبط طبعا ده حيلخم الصيع وحيبقو مشغولين بالحريم اللي حتيجي

ومتخافش عملت اعلان علي الفيسبوك احتمال جار القمر يغطي الحفله متخافش انت في قلبي

امتي

ان شاء الله يوم الخميس لان اسكندريلا جي في الجزويت الاربع واحنا عايزين اكبر عدد

ممكن وخلي بالك النقطه علي محطه قطر سيدي بشر بتقفل الساع 3.30 يعني احنا مقدمناش

الا قطر 3.10 يتلحقه يا محمد الاحمر حيجاعيك فهمت

لازم تلحق قطر 3.10 والا حتتجاعا

يعني ايه حتتجاعي

لم يرد وابتسم في غموض وادار وجهه ناحيه ساميه

المكان( موقف المعهد الديني بس مش عنده بالظبط لانه اتشال والعربيات بقت تحمل قبله

بشويه علشان الظابط وحوارات الحضانه)

حمو: بقولك ايه يا بسكوته عايزك في خدمه

امر

يوم الخميس الساعه 3 الضهر الاقيك علي الشارع حناخد واحد ونطلع علي محطه سيدي بشر

طب منطلع بيه علي محطه العصافره قبلي

تصدق ياض انت حتتجاعا

يعني ايه

ابتسم له في غموض متنساش 3 بالظبط سلام يا غالي

المكان(شارع 45عند تاني ملف مكان وقوف التكاتك)

الزمان(الخميس الساعه 2.30)

اصوات احتجاج عاليه وسب دين وائل عباس يصور فيديو لاحد السائقين:

مهو مش معقول يا بيه ننزل الزبون ياخدونا حضانه نركب الزبون برده ياخدونا حضانه احا

تسمع اصوات بروفه فريق مسار اجباري علي اول الشارع الواد اللي بيلعب علي الباص

جيتار عيل مشكله

جار القمر مبدي علامات البلاهه وبيصور في الخباثه ولما ظابط وقفه استغل شكله الشبيه

باليابانيين وقاله انه مراسل وكاله اخبار صينيه بتغطي المعرض الصيني في شارع 30

والمشروع نزله غلط( يا ابن اللعيبه)

وفجاءه جت عربيه طوب احمر وقفت في وسط الشارع ونزل منها 5 انفار ويتقدمهم محمد

الاحمر

يالله يا ولاد الوسخه وهاتك يا حدف طوب

دانتم حتتجاعم كلكم

وهاتك يا سب الدين وشتيمه لحد مقرب الطوب اللي في العربيه يخلص وفي اثناء انغماس

محمد الاحمر في كسر القالب نصين علشان يكفي العساكر المبدورين في الشارع راح حمو

ظرفه بضهر التلت علي راسه وسحبه بهدوء محدش من حبايب الاحمر خد باله كانو

مشغولين مع مزز الحفله علي قمه الشارع لحد موصل بيه علي القمه كان ساعتها بسكوته

جاي بالمشروع الدايهاتسو العالي

ايدك معايا يا بسكوته عتبه المشروع عليا اوي

ايه ده دا الاحمر

منا عارف

لا يا عم انا مليش دعوه

حتتخولن دلوقتي جي في الاخر وتتعولق انجز دول لمحونا وشكلهم جايين بسرعه

طيب بس انجز

محمد الاحمر:بقولك ايه بصوت واهن(فاق من ضربه التلت)

بسكوته:ايون

الاحمر: ممكن تشغلي اغنيه انا مش عارفني للبرنس عبد الباسط (اللي هو حيرحل ويسيب

الشجر حزين)

تأثر بسكوته من الموقف وتأثر حمو وبكوا جميعا

المكان(محطه قطر سيدي بشر)

حمو يحاول جاهدا للدخول بالاحمر من باب المحطه بس بتوع الخضار سدين الباب(

بيفرشوا علشان يلقطو اللي جي من القطر وهو نازل او طالع من باب المحطه ورغم ان

الضابط بتاع النقطه مشاهم كذا مره بس هم كل مره بيراضوه وبيعملو الواجب) ومش

عارف يعدي بيه وبعد عذاب عيل شال قفص وعداهم بعد ما ظرفه حمو نص جني

علي المحطه وقف الناس كلهم ينظرو بحذر وهيبه لمحمد الاحمر المتثبت في جانبه بتلت

حمو خده قعدو علي استراحه المحطه وراح يقطع تذكرتين بجنيه

مينفعش

حتي انت جبان ومش راضي حتي تقطعلي

لا علشان التذكره غلت بقت فب الشباك ب75 وفي القطر بجنيه فهات كمان نص جنيه

طب والاشتراكات كده غلت هي كمان

امال ايه الطلبه ارتفع من 20 ل 25

طب والعادي

لا بقي ب 120

بس الصراحه وفر بردك

والله القطر ده زمان كان حكايه منهم لله اللي بوظوه علي العموم ربنا معاك

ربنا معانا كلنا

التفت حمو خلفه فلم يجد محمد الاحمر عس عليه المحطه كلها لحد ملاقاه واقف عند بتاع

الكتب

مهربتش ليه

اصل وانا جاي انزل من السلم لقيت روجرز بتاعت ناجي عن عم احمد قلت بدل ما

اوصي حد من القاهره يجيبلي قلت بالمره


شوفت بقي ادي اخره الكيف اللي بيذل

هم 5 دقايق وحتلاقي مشاريع المعهد الديني كلها هنا وساعتها حتتجاعا

بس الزمن حيفتكر ان انا الوحيد اللي قدر يوصل محمد الاحمر للمحطه

انت متجوز يا حمو

ايون وواخد شقه ايجار جديد في فرعون

فين فرعون دي

ورا عزبه سكينه وانت جي من السكه الجديده

وعلي كام الشقه تمليك في الحته دي

والله علي العضم ب20 الف

كسم المحافظ الجديد موقف البنا ومغلي علينا

شكله حيتجاعا وضحكنا سويا

سمعنا دوشه وصوت عالي وفجاءه المحطه اتمليت بشريه راح حمو شادد الاحمر عليه

وحاطط التلت في جنبه

حمو:حنقف مع بعض هاديين لحد قطر 3.10 ماييجي حركب ولا منشاف ولا من دري

واديكم شايفين عساكر النقطه مش حيسيبوكم ونظر لوائل عباس(اللي لسه واصل)

وللمخبرين نظره ذات معني

تعالت الاصوات (لا احنا مش حنمشي مين يقدر يسيب البرنس وحش الجبال) وراح جه

عيل مندفع بسيف وهو يصيح بعلو صوته(يالغاليييييييييييييييييييييي) قام رزعه المخبر قفا

قعده

حمو:اديكم شوفتم محدش عايز شوشره ولا قلق بلاش تهور فاضل 5 دقايق

راح واحد طلع قال ميهميناش يا جماعه وخطب في جمهور المحطه اي حد يموت عسكري

او مخبر ليه 2 كيلو هريسه من احمد حسنين واشتراك قطر لمده سنه طلبه او عادي

تعالت همهمات رواد المحطه وكثير منهم انضموا للعيال الباد فيوز واتكاترو علي بتوع

نقطه الشرطه لحد مفنشو واستنو

كبيرهم:خلاص يا حمو الموضوع خلص حتي لو القطر جه مش حيلحق يروح سيدي جابر

حمو:اوعي حد يقرب

كبيرهم: فكر وقول عقبال ماطرطر واجي

الاحمر: حتتجاعا

حمو:طب ممكن اعرف قبل ما ييجي يعني ايه

الاحمر:انا حعترفلك بسر انا معرفش يعني ايه حتتجاعا

حمو:طب انا كمان عايز اعترفلك بسر في لحظه الصفا دي انا مش متجوز انا مرافق

وكنت عايز اعمل حركه قدامها

نظر له الاحمر بتاثر وقاله:انت راجل يا حمو وانا حركب معاك القطر

ودار في ذهنهما جميع الذكريات المشتركه (التلت /اغنيه عبد الباسط/روجرز/تذكره القطر)

ودمعت عيونهم

3.10 القطر جي علي المحطه وكلك واقف مستني لحظه دخول القطر وفجاءه الاحمر

سحب التلت من حمو ودورالضرب في العيال كلها ومشاهم وراح زاقق حمو في القطر

ونط وراه

حمو:انت ليه عملت كده

الاحمر: انت راجل وانا مش عايزك تبان عرص قدام الشرموطه وحقولك سر انا روحت

قسم باب شرقي قبل كده مرتين ومبيتش ليله واحده غمزت المخله ب 20 جنيه وابتسم بحكمه

انزل انت يا حمو ارجع لفرعون لرفيقتك وقولها انا اللي ركبت محمد الاحمر القطر

حمو:بس مش حلاقي مشاريع عوايد دلوقت

الاحمر :اركب ساعه ومن هناك خد عوايد

وحضنو بعض ونط حمو من القطر

عند درباله شد الاحمر النفس بتاع القطر ونط

34 comments:

بنت القمر said...

هذا وبالله التوفيق
يعني قريت البوست ست مرات من الصبح مفهمتش يعني ايه نص الكلام ولا نهايته ايه
يعني حمود ده مقدرش علي الاحمررر
وكده بلبع خد علي قفاه ولا انا فاهمه غلط
وبعدين هما كانوا ها يخطفوه ويودوه قسم تاني ولا ها يخطفوة ويضربوه
اشرح لي الله يكرمك وبلاش تتجاعا وكلام العصافرة دي اكتب لي بالفصحي
:D:D

Unknown said...

انا شامم ريحه اسلوب خطاب طبقي ضد سكان العصافره قبلي الذين نكن لهم كل احترام
ثانيا ايون هو كان حيتاخد في قسم بره حي المنتزه لتتم محاكمته بنزاهه
ثانيا الموضوع بقي اكبر من بلبع والانتقام بقي حركه جدعنه من الاحمر مع اخوه حمو
ارجو ان اكون اجبت فوفيت وشفيت

Anonymous said...

هههههههههه
انا برضوا دخلت وقريت البوست ومافهمت اي حاجه

ممكن ترجمه يا افندم ؟؟

صافي الود

Unknown said...

هذا ما فعلته الحضاره بكم
انسيتم لغه ابائكم واجدادكم الاولون

ربيع said...

عمي
بص انا عادة مش بادخل أقول تدوينة جميلة و الكلام الحمضان ده
بس و الله انا اتمزجت نيك من البتاعة دي

كلام على بلاطة said...

عيد ميلادك عيدنا
عيد ميلادك عيـــــــــدنا والكل بيه فرحان
يا اغلى الغاليين يا احلا بشر وانســـــان
وجودك بيسعدنا يا من جاد به الزمـــــان
ويعطى لحياتنا طعم وريحة الفل والريحان
وصرت الاهم لنا ولا رمانه المــــــيزان
وبوكية ورد يغمر حياتنا بالحب والحنان
====================
عيد جوازك
====================
عيد جوازنا يا حبــــــــيبى عيد الاعياد
عشنا الحب حبة حبة وحـــــــبينا الولاد
اللى هيكملوا المسيرة ويصنعوا الامجاد
ونشوف نفسنا فيهم هدية رب العباد
وعيد سعيد يا حب عيد سعيد يا اولاد
نسعد فيه انفسنا واسرتنا والبلاد
وده طريق هنمشيه دون ارتداد
طريق الحب والخير
طريق الحب والاسعاد
فحافظ معايا على العطا والرضا والوداد

Unknown said...

مربوحه يا ربيع باشا

Wael Abbas said...

هاهاها
عجبتني
بس ما فهمتش يعني إيه أنا جيت متأخر ؟ :P

Wael Abbas said...

بالمناسبة
يعني إيه ها يتجاعا؟

Unknown said...

يعني حيتناك لا مواخذه

Anonymous said...

سمعت عم شخصية محمد الاحمر من
6 سنين

لكن القصة دى حقيقية؟

tamer.sala7 said...

طبعا انا مستكيف جدا من البوست ولذلك يجب عليا التوضيح وليس النقد


قطر 3.10 عمرة ما بيجي في معاده
محمد الاحمر مات من سنة وشوية
الحج بلبع يبقي نسيب محمد عزب يعني ح يعرف يجيب حقه

سر علي بركة الله

خمسة فضفضة said...

بالغم من اني عانيت في فهم تلات ارباع الكلام المكتوب وفك الطلاسم اللي فيه

بس كنت مشكحه وانا بقرا
ياريت تبقي تنزل الترجمه علي جمب



سلام

خمسة فضفضة said...

** بالرغم

Azza Moghazy said...

رغم انى بتخنق موت من بوستات الشتايم دى
لكن بوست جامد جدا يا عم

انا لسة سايحة من الضحك ودى تالت مرة اقراه

Unknown said...

باشمهندس تامر:
انت تهدم ما بنيته منك لله
5 فضفضه:
بالرغم من ايه؟
عزه مغازي:
وانا برديك بس القافيه تحكم

Anonymous said...

احب اقولك ان لو حد من بتوع ابو سليمان شاف الموضوع ده

حتتجاعي :D

Unknown said...

هو اللي بنعمله في الناس حيطلع علينا ولا ايه

sarab said...

بص يا شمعون يا بتاع البنيكة انتا لازم تلف على العشوائيات ونواحيها المحترمة وبعد 10 سنين من دلوقتى تكتب زى ما الابنودى كتب السيرة الهلالية تكتب سيرة ابناؤنا الوسخين فى الارض الطيبة

Unknown said...

بتوع الشروق كلموني واتفقنا عاي الخطوط العريضه وحتكون تحت عنوان مبدئي
(عايزه اتجاعا) شرفت

Alexandrian far away said...

لا أملك سوى التصفيق الحاد
لواحده من أجمل القصص الكوميديه التي قرأتها في حياتي
ملحمه سكندريه حقيقيه
أشكرك على البهجه التي منحتها لي هذا المساء

Unknown said...

مربوحه يا سيدي وربنا يفرحك كمان وكمان

Alkomi said...

ماهو لو الاحمر كان عايش ماكنتش قدر انت تكتب عنه قصيدة شعر تمدحه حتى غير بعد ما تدغع له الفردة

بس اشطة

Unknown said...

ادغدغله الفرده
ممكن دي ذكرياتك السابقه انما انا زبي علي اي حد

Alkomi said...

ذكرياتي السابقة بحكم الجيرة تتمثل في رؤية ظباط الشرطة يجرون في شارع احمد ابوسليمان من قنابل المولوتوف و سواقين مشاريع ابوسليمان محطة يترجونه العفو عنهم بعدما رفعوا الاجرة من اربعين الى نص جني جتة واحدة بدون اذنه

بالمناسبة انا دوري في هذه الاحداث كنت باقوم بدور المتفرج بشطارة منقطعة الفطير

و بعدين زبك على اي حد ليه يعني مفكر نفسك حسن شحاتة

و برضه انت بس بتقول كدة عشان هو ميت خللي بالك لو قابلك في الاخرة مش هيسيبك


ههههههههههههههههههههههههه

Unknown said...

بعد المولوتوف وبعد ابوسليمان وبعد ذكريات الشباب المتعاص مازالنا نوكد ان زبي علي اي حد

Alkomi said...

loll

sarab said...

بص يا شمعون يبنى فى شطر بيت لابى العلاء المعرى كويس حطه فدماغك جنب اغنيه انا مش انا لعبد الباسط لزم
(أرى العنقاء تكبر ان تصادا فعاند من تطيق له عنادا)

Unknown said...

استاذنا هانيبال اوجز فأوفي
ومازال يؤكد علي كلامنا
فله الشكر ولنا الوفاء

AMoAMen said...

بص يا عم شمعون
البوست قديمه قوى
بس جامده
وخصوصا لما شفت العنوان تانى فى التعليقات واخدت بالى انك ماشى مع الفيلم
ماقدرتش امسك نفسى من الضحك رغم انى فى الشغل وشكلها فيها رفت علشان خاطرك
راسل كرو بقى محمد لحمر
وكريستيان بال بقى حمو
والله انت فقرى
اسمحلى احييك على المدونة الجميلة

Unknown said...

بص ياشمعون انتا

انتا ولا تعرف ولا اى حد من اللى هنا يعرف محمد الاحمر علشان يتكلم عليه

اولا ماكانش كاتب على بيته حاجة

الكلام اللى كان مكتوب كان مكتوب على ظهره بنفس الطريقة دى ( لو مابتخافش من ربنا خاف من محمد الاحمر ) مش اللى انتا قولته وبعدين مفيش حد من اللى أتكلم كان يقدر يتكلم وهو موجود وانا ببات أسكندريه تما أبوسليمان وكرموز محمد الاحمر واحنا ومفيش ثالت والجديد كله خيش وقش مع تحيات ببات أبو سليمان وكرموز

وائل عيسى بتاع عمان said...

جامدة خول الحكوة دي ... من ده اكتر ياابو هيثم وحياة ابوك ...

mayuo said...

شغلك حلو يا هيثمو القصة حلوة
وعلى فكرة انت حكيت الحكاية كانك موجود فيها
ثانيا
انا عندى ليك موفجئة اول حاجة حمو السكران دة حبيبى و كان بيتمرن معايا فى ش 30
تانى حاجة قريب قوى حقعدك معاة
عشان انت تستهلها
واثبت ولائك
شكرا يا هيثم

Anonymous said...

على حد علمي في الموضوع ده ان الاحمر جاب الواد دة بعد كدة و ادهله في وشه عباسي، و بعدين رد ملوي على بطنه، سقطه

الواد راح مشتشفى و الاحمر خلى واد من صبيانه يحطله بانجو و تاتورة في أوضة المشتشفى و بلغوا عنه الحاكم

جه الحاكم ياخويا لقى المشوار كدة ركب الواد حمو العربية و طلع على قسم الرمل، يادوبك ساعة و العيال بتوع محمد الاحمر دخلوا، و الواد حمو اتكاظى في العمبوكة

و أنشد الراوي في هذا الصدد بما جادت قريحته و قال:

ياما حمو قطع ياما بكّت...وطياظه في الأمن اتحكّت

و كاظوه جوة العمبوكة...والكل عليه بينكّت

بقى كل الحبس يدقّه...والدنيا معاه اتعكّت

عملولو على طيظه تاتّو...وطياظه ختموها و اتشكّت

و محمد الاحمر بقى يا معلم كان في الوقت ده قاعد في حتة صحرا هو و بفّة شكلها غلط، و بيحضروا لمشوار ابن حايكة في امبابة في مصر

حاقولّك عالباقي بعدين عشان عندي نوّة دلوقتي في زعربانة