Sunday, August 31, 2008

قبلي



اسكندريه مش بس ستانلي ومحطه الرمل و جليم اسكندريه مش بس سينما امير و مترو وجاد اللي عند البنوك اسكندريه مش بس الجزويت ومركز الثقافه الفرنسي اسكندريه مش بس اسكندر ابراهيم وميامي امال فين العصافره وابو خروف وارض التوته فين الفلكي والسكه الجديده وعزبه سكينه فين زعربانه وارض شاكوس
امال فين عمو فؤاد بتاع الكبده اللي لسه الرغيف عنده ب 75 صاغ امال فين قهوه السندريلا في الباب الجديد والشاي ابو نص جنيه فين بنيكات الحشيش في الضاهريه و 45 فين بلطجيه ابو خروف و الكتان فين ملاهي الفقي في الساعه فين فسقيه الميه اللي الناس حولتها حمام سباحه في الصيف عند سنترال مصطفي كامل امال فين السكه الحديد اللي بتقسم البلد نصين قبلي وبحري فين الاطه بحري و شعبيه قبلي فين نادي فيديو اشرف درباله وافلامه الهندي فين حلواني الرضا وعلبه جاتوه الافراح ام 2 جنيه فيها بست وباسته ومنديل ملون فين المعهد الديني وميكروبصاته اللي بتحمل في نص الشارع وعمر السواق ميزدش باي حال من الاحوال عن 15 سنه فين نادي التعاون اللي مفيهوش غير ترابيزه بنج واحده ومتصور جنبها مسئول من الحي فين ارض الفضالي ودورات الكوره فين مساكن فيصل والعيال اللي بتسبت بالكلاب ومدرسه الفاروق اللي بناتها بيتاخدو في جراجات المدينه
ولعب الكوره في الصيف فين سينما باكوس اللي فيها بروجرام تلات افلام ب 3 جنيه وريال ولما يجي الفيلم الهندي العيال تسخن وتضرب بعض فين كشري هدير والمدهش والصاروخ فين التجاريه وسوق ليبيا
هي دي اسكندريه اللي بنشوفها كل يوم ولينا فيها ذكريات هي دي الاماكن اللي بنروحها ولعبنا فيها واحنا صغيرين هي دي الاماكن اللي اتثبتنا فيها واتاخدت موبايلاتنا
في الحتت دي حتلاقي التوكتوك والمكن والفسب
حتلاقي الشراميط والبنطلونات الجينز ام جلد علي الجيب هنا حتسمع ايه يا صاحبي ولا مؤاخده اختي هي دي اسكندريه واللي يقولك غير كده يبقي بيضحك عليك

Friday, August 29, 2008

برجل



كان زمان البرجل بيشتغل بقلم رصاص تحطه في فتحه بمسمار وتربط عليه بس مش قوي علشان مينكسرش يدوبك يعمل دواير وحفر في القلم كان يبقي الطرف اللي فيه السن الحديد قصير والطرف التاني طويل شامخ لان القلم الرصاص لسه جديد متبراش كتير وبالتدريج يفضل القلم يقصر امام السن ينحني يرفع له القبعه يركع ثم يسجد حتي تكاد جبهته تلامس الارض من شده خضوعه للسن الحديد الذي صمد امام الدهر حافظ علي طوله ربما لم يلاحظ مرور الايام عليه وكانه لازال شابا بينما زميله الرصاص لم يتحمل فخضع له ولسنون المبراه فانقضت حياته سريعا اسرع من ما تخيل حتي الوانه انطفات من كثره الامساك به من كثره العرق الذي لامسه .
الان بدا عصر جديد انتهي العصر الرصاصي وبدا العصر السنوني اصبح القلم علي قدم المساواه مع السن الحديد بل ويجدد دمائه كل فتره لا يحمل ولاء الا لنفسه لا يهمه نوع السن او طوله المهم ان يجاري زميله الحديد في الصمود تخلي عن الاصاله عن الانتماء عن الوفاء قبل بجميع انواع السنون حتي الصيني منها فقد الغطاء الذي يحافظ علي السنون فيه اصبح جل همه زميله هل صاصمد حتي النهايه ؟ضحيت بغطائي وتقشر لوني وهاانذا صامد اخط دوائري ارتكز علي السن الحديد عله في يوم من الايام ينكسر ينثني يركع كما ركع اجدادي يسجد امام صمودي يستسلم ويرفع رايته ولكن العجوز لازال يضحك لي ويتحامل علي نفسه يقف بثبات حتي اكتمال الدائره اللعين يتفاهم مع جميع انواع الورق يعقد معهم الصداقات يتعمق في نوع وبالكاد يلامس النوع الاخر بدون ان يؤذي اي منهم خبرته تقوده بينما غيظي يعميني حتي اصبحت تائه في الورق لا لون لي لا أثر لما افعله ضاع اصبح هباء منثورا فانتبهت لن استطيع ان اكمل هكذا وهذا اللعين يترصد لي ومعه الورق الذي لاتسمح امكانياتي ومواهبي بالصمود امامه ابذل قصاري جهدي ولكن الا متي هذا العجوز السنين تزيده خبره وانا ازداد ضعفا تتاكل اطرافي تنسد فتحتي يضيق جوفي للسنون الحديثه تأقلمي اصبح ذكري منسيه خطوطي اصبحت علي شفي حفره من الاختفاء.
انا الان اوشك علي النهايه ترددت الاشاعات اني وهنت ولم اعد قادر علي اداء مهمتي والحاجه ماسه لضخ دماء جديده تحمل لون وثقل ووضوح الشباب لم تعد سنوني قادره علي الصمود امام هذه الاوراق الغليظه القاسيه لا تكاد سنوني تبرز حتي تتحطم امامها

وان صمدت ضاع خطها ورسمها فقدت روحها ولكني لن اذهب وحدي لن ادع السن الحديد يشمت بي لن اجعله مقبره للسنون
ولكن ماذا افعل لقد سبق السيف العزل مضي قرار اعدامي سجل في اللوح المحفوظ واااسناه وااابرجلاااااااه ولكن دعني انصت جيدا انها هي انها طبوله انه القلم الجديد يدخل ببهائه بحداثته بهيبته .
ها هو غطائه اللامع المصقول ينفتح وكأن باب سقر قد تجسد امامي هاأنا سوف اذهب الي مثواي الاخير تلاحقني شماته السن الحديد ربي لم هذا لقد كنت قلما مؤمنا لم اكتب اي الفاظ بذيئه
لم اخط اي شعر ماجن لم اكتب قرار ظالم لم ارسم امراءة عاريه ما هي الا دوائر ودوائرولم اكن اعلم ان الدوائر حرام اهي كذلك عذرا ربي فانا لم اتابع الجديد من الفتاوي فارحم عبدك الضعيف وتجاوز عن سيئاته ربي ولا تشمت السن بي ربي أره عجائب قدرتك
يا ألهي هاهي المعجزه تتحقق امامي هاهي الطير الابابيل
انه ليس قلم جديد انه برجل كامل برجل كامل انها نهايه السن الحديد حتي وان كانت فيها نهايتي ها أنا اري نهايته امام عيني ها قد استجيبت صلوات قلم بائس ياكل الطعام ويمشي في الاسواق ماهذا الذي اقوله ااطارت الفرحه عقلي ها نحن نذهب لمثوانا الاخير معا ها انا اري نهايته حتي وان كانت نهايتي معه
حمدا لك يارب نصرت عبدك وهزمت السن وحدك لا شريك لك

Monday, August 25, 2008

جراتزيا


الزوجه:ولاه شو عم تعمل عندك؟

الزوج: راح افهمك يا حياتي

الزوجه:هات لهون بدي شوف شو احلي مني ها جراتزيا

الام:يا مجدوبه........في حدا ما بيعرف جراتزيا

هايدي سمن من الحليب الطبيعي ومفيهاش مواد حافظه

وبتفتح بلا مفتاح

رونيت الكابتس






بس خلاص

Sunday, August 24, 2008

عروستي



عندي العوق البوق
الاصلع المربوق
الاقرع المعروق
المنتفخ العروق
يسد الشقوق
ويفتق الفتوق
ويرم الخروق
ويقضي الحقوق
اسد بين جبلين
بغل بين جملين
منار بين صخرتين
راسه راس كلب واصله مترس درب
اذا دخل حفر واذا خرج قشر
لو نطح الفيل كوره أو دخل البحر كدره
اذا رق الكلام وتقاربت الاجسام
والتفت الساق بالساق ولطخ رأسه بالبصاق
وقرعت البيض بالذكور وجعلت الرماح تمور
فطعن الفقاح وشق الاحراج
صبرنا فلم نجزع وسلمنا طائعين فلم نخدع

Saturday, August 23, 2008

مزه مجاوره





المزه:حد قاعد هنا
ادير راسي ببطيء فتصطدم بوركك انثوي بض فوقه جسد ممتليء يرابض اعلاه صدر عرمرم وبعد لأي وصلت للرأس اخذت نفس عميق واستجمعت شجاعتي
انا:لا مفيش
المزه:طب ممكن اقعد هنا
انا:مفيش مشكله اتفضلي
المزه:طب حسيب الاسكتش احجز بيه
انا:ابتسامه بدون رد ثم النظر امامي فجأه تستدير المزه وتعطيني ظهرهافيستدير معها عنقي لاصطدم للمره الثانيه بما لا تحمد عقباه بما يضعك في المقدمه برمز الانوثه الشعبي وللحق كان الرمز علي قدر المسئوليه يحمل هموم وطنه بشموخ وعلو واريحيه في نفس الوقت
انعدام ثقه رهيب اجتاحني يتبعه احباط
تكافح لطرد هواجس المستقبل المتمثله في المحاضره القادمه كيف سيكون الوضع مع الجلوس بجانب المزه اعطائها المساحه كامله والتزحزح قليلا بعيدا عن موضع جلوسها ام الثبات علي الموقف والمكان معا ومرحب بالاحتكاك الافضل ان تحدد هي اذا وقفت ونظرت للمكان ولي قبل الجلوس فيعني التزحزح قليلا اما اذا جلست مباشره فاعتفد ان الحياه ستصبح مكان افضل
طالب مجاور:وحش معاك الجدول
انقطع حبل افكاري والتفت جانبا لاجاوب:ايوه
نفس الطالب المجاور:طب ممكن
فاقف لاخرج الجدول من جيبي الخلفي وظهري لمكان المزه المنتظر:اتفضل
استدير واعاود ادراجي اهبط بموخرتي لتصطدم بشيء لين انظر بطرف عيني لاجدها متمركزه في المكان بدون مقدمات والادهي انا ملتصق بها تماما من اين جأت ومتي لا ادري فاتزحزح من مكاني كالملسوع بدون النظر اليها
المزه:هو الدكتور اسمه ايه؟
.............................:يا باشمهندس
انا:انا
المزه: تضحك ايوه انت
انا:نادر اسمه نادر فهمي
اعطي للسوال ولها اهتمام يفوق الوصف اخرج من هذه الحاله بدخول استاذ الماده انظر حولي فاجد المدرج خاوي الا من قله
الطالب المجاور السابق:هو الدكتور ده تعبان
انا:لا تمام اوي
هو نفس الطالب:امال فين الناس؟
انا:اقولك اصل الطالب لا مواخذه يحب السيستمتيك
ط.م(طالب مجاور):ايه؟
انا:السيستمتيك يعني البقين بتوع المسائل انما ده بيدي فاندامنتال لوز
ط.م(اختصار):ولا لوز ولا جوز اهم حاجه المسائل فكك من الشرح والوهم اللي بيعيش الطلبه فيه انا حخلع بعد كده
انا:براحتك هات بس الجدول الاول .
اركز مع الاستاذ ومحاولاته المستميته لايصال المعلومه لتلك العقول البائسه امامه التي في حاجه ماسه الي فاندامنتال لا ومش اي فاندامنتال دي لوز كمان
يا عم خلينا في المزه المجاوره الكتاب قال اهم حاجه الثقه بالنفس يعني متتزحزحش اوي من جنبها عادي كانك واخد علي قعده الحريم واظهر ردود فعلك الطبيعييه في المحاضره يعني انتخ ساعه الشرح قبّل علي الكراسه ساعه مايكتب اسال المزه علي حاجه مسمعتهاش كويس بتلقائيه واياك تفشخ بقك بضحكه فاشله تفضح اللعبه
بس احه الواحد مش عارف يركز خالص في المحاضره كله يهون في سبيل المزه
الواحد عامل زي العيال الفلاحين اللي اول مره يشوفو حريم في الكليه
المزه:هو قال كم عنصر؟
دي بتسال
انا:اتنين مع اطاله النظر وضحكه خفيفه
المزه تعطي ري اكشن متجهم
ايه اللي حصل هي الضحكه مش في وقتها مش مهم الخطه ماشيه والعبره بالخواتيم
اتقل لاخر المحاضره وحاول تسالها علي اي حاجه اجابتها تحتاج جدل وانت وشطارتك
بس ايه هو السوال ؟
اه انتي بتحضري لدكتور حاتم باين عليه اشد من ده؟
بس اشد دي مش عاطفيه عايزين رقه
انتي بتحضري لدكتور حاتم؟
اه دي احسن وممكن تجيب سكه كلام يعني تقولي اه اقولها وايه؟ الفرق تقولي.........................
حوار وحيكي وميكي كده تمام اوي خلاص ركز وضبط حالك واسال في الوقت المناسب
الاستاذ:نكمل بكره
ها قد حانت ساعه الصفر
انا:اغلق غطاء القلم والتفت مبديا علامات الاهتمام
انت بتحضري لدكتور حاتم؟
المزه:لا اصل المحاضره بتبقي زحمه
دي ردت وزودت عن لا يعني ادت ملاحظه يعني مهتمه الله عليك تسلم رجليك
المزه:ليه انت ناوي تسيب نادر
السؤال ده لمين ليه الله ايه يا ابني الحلاوه ده فاجر والله العظيم ما الحياه سهله اه
انا:لا انا مرتاح مع ده
المزه:وانا كمان
خلاص كده المزه دي جت سكه بيس
انا:انت اسم......
طالب ليس بمجاور:علااااااااااااااااااااااااا بينادي من بعيد اصله مش مجاور
المزه:ايوه يا تامر عن اذنك يا باشمهندس
انظر للفراغ بعد مغادره المزه لبرهه ثم التفت للطالب المجاور:هو ميعاد دكتور حاتم امتي؟


*****************************************************

Thursday, August 21, 2008

مربوحه




مدونه جديده من اسكندريه يعني بنحك في سولو وجار القمر وكنبه حمرا
مدونه بذيئه يعني بنحك في وسع خيالك و يا اخي احه وخجل
مدونه اخباريه يعني بنحك في الوعي المصري ومالكوم اكس
وعرباوي
مدونه سينيمائيه يعني بنحك في بحب السيما وشريف نجيب (سابقا) وفرجه
مدونه تعالي علي حجري يعني بنحك في عايزه اتجوز وحرمه مثليه
مدونه توهان يعني بنحك الله الوطن فاطمه واراجوز
مدونه قديمه يعمي بنحك في العميد ميت ولنتعد الطبيعي
مدونه مشهوره يعني بنحك في البرنس علاء مع الاعتذار لمنال
مدونه أليطه يعني بنحك في أحد و الكتابه تنين بمبي بشنب موف
مدونه مقلّه في كتاباتها يعني بنحك في ربيع و أحمد العايدي
وسمعنا مزيكة اختارنا لك وعلي صدرها تنور