Saturday, December 31, 2011

حديث الاربعاء


 
قال الامام المالتي (رضي الله عنه)
اذا نجحت الثورة كاملة فانها تكون قد فشلت
صدق الامام

Wednesday, December 28, 2011

قُتل كليطه





امبارح وانا مروح لقيت معظم المحلات اللي كنت بعدي عليها في الوقت ده في طريقي للبيت قافله وفيه جو كئيب كده في الشارع 
عرفت ان الليطه مات بمعني اصح اندبح في الشارع اللي انا كنت ماشي فيه  وقت متاخر
 

عمرو : الواد هشام صابونه بتاع شارع 63 يا عيني مسك الواد الليطه بهدله بالكرباج وبعد لما الوله اغمي عليه راح نزل بالسيف ودبحه زي الخروف وهرب ولسه متجابش لحد دلوقتي ربنا يستر

باشمهندس محمد : امبارح النسوان حطو الواد ليطه في عربيه نقل حمرا  وركبو حواليه علي الصندوق الخلفي وراحو بيه علي المبره بس الواد فيس منهم في السكه فرجعو ومكملوش للمستشفي وكانو بيصوتو علي الليطه وهما راكبين حواليه علي العربيه النقل

محمد النجاح : الظابط جه امبارح ولما لقي في عوء خد بعضه وساب الشارع ورجع للقسم بكل برود 

بشار : الواد ليطه وهو بيندبح اخر كلمه قالها " لا اله الا الله صابونه عدو الله"

حسني : الليطه معندهوش اخوات صبيان وليه اتنين ولاد عم صنايعيه بس ملهمش في حاجه ومش  حيعرفو يعملو حاجه لهشام صابونه يعني الواد الليطه راح فطيس

  انك ممكن تشوف هشام صابونه بعد كده وعارف انه هو اللي قتل ابنك ومش عارف تعمله حاجه فيها عجز خانق (تقريبا الدعاء بتاع قهر الرجال ده تنزل للمواقف اللي شبه حالات الليطه)

انا بعد المغرب اتشطفت ولبست ورحت اسمع ربع في شادر الليطه ، الراجل ابو الليطه سلم عليا وكأنه مش شايفني رغم انه بيرمي عليا السلام يوميا
لما خلصت الربع ورجعت البيت لقيت جارتنا اللي في الوش لسه راجعه برده من عزا النسوان وبتحكي لأمي تفاصيل قتل الليطه بس المره دي الروايه من بق ام ليطه

لما جارتنا قفلت باب الشقه وراها بعد لما اخدت قعدتها عرفت اد ايه اننا شعب زراط وليس هكذا قتل الليطه 


الليطه ديلر متواضع في شارع 66 كان بياخد بضاعه من هشام صابونه وبيصرفها مفيش جديد في القصه ، اليوم اللي اندبح فيه الليطه الصبح في عيال غفلته في شريط فراوله وهربو مدفعوش حقه بعد صلاه الضهر لما ليطه بيسلم ورديه راح يحاسب هشام وطبعا الحساب ناقص منه شريط فراوله قام هشام ملطش لليطه علي خفيف وسبله الدين وخلص الموضوع.

الليطه رجع البيت ووقف يشرب سيجاره مانشستر في البلكونه وفجأه صعبت عليه نفسه وحس انه عايز ينتقم من هشام ويعمل معاه اي نمره
استني لبعد المغرب وراح جاب شومه ونزل خد احمد ابن خالته وقالو يروحو يعاركو هشام لقو باني واقف علي ناصيه صلاح الدين سألهم رايحين فين عرف القصه وتحمس وراح معاهم وللحظ ده كان في مجية صابونه.

طبعا هشام ضرب العيال التلاته ورجع علي 63 ، وهو ماشي ليطه كان عايز يغفله ويضربه من ضهره راح هشام جه علي جنب وحاول يهوشه بالمطواه علشان يخليه يبعد ويمشي راحت المطواه جت في رقبه الليطه في وريد بالغلط

باني واحمد ابن خالته هربو وهشام وقف توكتوك وحط الليطه فيه وطلع بيه علي المبره.

ابو ليطه عنده عربيه نقل حمرا لما جاله الخبر طلع ورا الليطه والنسوان ركبت علي الصندوق راحو المبره لقو الليطه بس وهشام كان خلع
المبره قالتلهم ده مات خدوه بقي رجعوه مكانه علشان البوليس لما يجي وفعلا رجعو الليطه جنب الرصيف مكان الحادثه والظابط جه عاين المكان واتصل ببتوع البحث الجنائي علشان يحضرو يخلصو الموضوع وطلب من ابو الليطه الانتظار راح ابو الليطه مرضيش واتعارك مع الظابط راح الظابط خد الناس اللي معاه ومشي وابو الليطه اتصل بالاسعاف تيجي تشيل الليطه.

الظابط لما رجع القسم لقي هشام مستنيه علشان يسلم نفسه.

جارتنا قاليتلي ان المفروض كانو يصلوا العصر علي الليطه بس الاسعاف جت متأخره والجامع كان قفل فصلوا علي الليطه في الشارع والدنيا بتشتي وربنا يحسن ختامنا كلنا.

اللِّيطَةُ : قشرةُ القصبةِ والقَوسِ والقناةِ وكلِّ شيءٍ له متانة. والجمع : لِيطٌ، ولِيَاطٌ، وألْياطٌ.

Sunday, December 25, 2011

بجرالله في زرع الله





في علم الاسلام السياسي في حاجه اسمها الحالات ، يعني ارمله عندها عيال او زوج عاطل عن العمل نتيجه عاهه او مرض او حتي رجل عجوز يعيش علي معاش السادات فقط 

الناس دي مجدول عناوينها وارقام تليفونتها وبيطلعلها شهريه منتظمه ، في نفس الوقت دول المخزون الانتخابي الاستراتيجي لمخرج الشهريات 

يحكي  في غزوه الصناديق الاخيره ان اخوان خورشيد وحوض 10 بأبيس رفضوا استخدام الحالات ككتله انتخابيه في دائره المنتزه 
ويحكي ان الدعوه السلفيه  بنفس المنطقه قالت جمله واحده ( زي ما الناس الطيبه دي بتعمل خير احنا لازم نقف مع الناس الطيبه دي في الانتخابات وإلا الخير حينقطع )

بكاء سيده حوض 10 بأبيس بعد علمها بانقطاع شهريه الدعوه السلفيه التي نما لعلمها تأييد السيده للميزان في الغزوه الاخيره لم يقابله الرب في الاعاده سوي  بأرسال ملائكه  بيض بأجنحه تؤيد مرشحي الميزان في الدائره وتسقط المتحدث الرسمي باسم الدعوه

أما ان للمتحدث باسم الدعوه ان يعرف ربها



Friday, December 16, 2011

لا كينييلا...البرشطه الاولي علي خالد يوسف




"الساعة الكاسيو المزودة بألة حاسبة تشير إلى التاسعة إلا عشر دقائق، كتاب المعاصر الرياضيات مفتوح في منتصفه، دائرة حمراء حول مسألة في منتصف الصفحة ، الأربعاء الأخير في شهر مايو، أربعاء ما قبل سبت إختبار نهاية العام في الجبر.
هناك رغبة عارمة في فتح الملزمة الأخيرة الخاصة بحلول المسائل، ترفض الفكرة خاصة عندما والدك يبلغك بأن العالم كله وليس مسائل الجبر فقط تسير طبقاً لمنطق ما، أصوات المباراة المحتدمة في الشارع من أبناء الجيران من المنتمين للمرحلة الإبتدائية تقتحم نافذة الغرفة.
الحسد يدفعك للذهاب والتسلل سراً حيث زر التلفاز، انت تصلي لكي لا يتم "فقسك"، كل شيء يمر بطيئاً، إعلانات قاصد كريم، قبنوري، الشمعدان، جيلي كولا، جيرسي، الساعة التاسعة وباقي خمس دقائق، جنونك يصل إلى ذورته عندما ترى أن ست دقائق قد تجاوزت التاسعة، لا أمل، يبدو أن القمر الصناعي سقط في البحر، كابوس قصير لا يقطعه سوى وجه منى عبد الوهاب ومن ورائها تلك الخلفية القرمزية اللون.
إسم مارسيليا ورد ستار على شفتيها تسقطان على مسامعي كترانيم دينية، من الخلفية القرمزية إلى الصور الأولى من ملعب باري، تلك الألوان، اللون الأحمر البرتقالي الخاص باخر ساعة نهار يكسو سماء إيطاليا، جان بيير بابان وعبيدي بيليه وكريس وودل، روبرت بروزينتشكي، وبانشيف يدخلون الملعب، كل إسم كان على مدار عام كامل مجرد قصاصة ورق من مجلة الأهرام الرياضي أو لقطة يتم قطعها من منتصفها من كل نشرة أخبار الساعة التاسعة أصبح شحماً ولحماً الآن، أهازيج جمهور مارسيليا وألعاب رد ستار النارية هي الجنة، إنها أجمل 90 دقيقة في حياتك مؤقتاً قبل أن تعود "للقفص" مجدداً، قبل أن تعود لمسألة الجبر التي لا حل لها"


ده مش اسلوب كتابه المقالات الرياضيه باللغه العربيه علي الاطلاق دي مقاله لصحفي في كوريري ديللو سبورت الايطاليه مع اختلاف ان مفيش كتاب المعاصر هناك.
لما تقرا مقاله لشوبير او محمود معروف او حتي حسن المستكاوي لازم بقي تتوقف وتسأل مين يا اخوانا الراجل اللي فوق ده الناس القديمه دي مفهمتوش اللعبه هنا ماشيه ازاي ولا ايه
خالد يوسف شاب مصري خريج تجاره عين شمس  دارس سينما ومسرح لمده 6 سنوات وتقريبا اخد ماستر في المسرح قريب ، المعلم اول ما ظهر في الكتابه الرياضيه كان في الدستور الرياضي بعد كده اتنقل في كذا حاجه اونلاين لحد اما استقر في فيلجول2003 ورغم اني مخدتش بالي منه الا من 6 شهور بس وتقريبا مع ظهور سلسله المقالات الاشهر له ( لا كينييلا )

*لا كينييلا: القائمة الأسبوعية الخاصة بالمباريات التي يحق المراهنة على نتائجها في إسبانيا ، القائمة مكونة من 10 مباريات في الليجا ، و5 مباريات من القسم الثاني (لا سيجوندا (

هو مش بس بيكتب في الرياضه لا كمان بيكتب في السينما  والمسرح كان ليه شغل في مجله اليوم السابع وموقع ام بي سي وجريده القاهره ، علي فكره هو مخرج وممثل كمان
هو بيحب حنا مينا ،الطاهر وطار، تشارلز بوكوفسكي ، الآن جينسبرج ، كيروجا ، تشيكوف ، كيرواك وذكر اسم كاتب تشيلي لم اسمع عنه من قبل وهو بولانيو
طبعا المعلم بيقرا باربع لغات ( انجليزي، برتغالي ، اسباني ، ايطالي ) وبيتكلم عربي بالعافيه زي ايمن سعيد بتاع انبي سابقا
علي ايه حال هو يستحق الاشاده والتنويه ككاتب مقال رياضي مختلف وجديد تماما علي الذائقه العربيه بتخليك كل مره امام قطعه ادبيه تستحق الاستهلاك مرات عديده
ازمته بالنسبه ليا انه اولا مش مهندس ثانيا مش من اسكندريه ومش نوبي حتي ( الرب يتولاه بقي )
بيكتب قصص !!!  وحننشره هنا في البنيكه حاجه حصري علشان التزييط والمحبه




Thursday, December 15, 2011

رشفه اليوم



رشن مم , رشن مم اند سن , جانج بانج , انال , بي او في . جراني , ميلف
 
 

Wednesday, December 7, 2011

عبمنعم




اسم النبي حارسك وصاينك وضامنك
يا طعم يا نايتي

Monday, December 5, 2011

ترشيحات قناة ميلودي لجوله الاعاده في الرمل








اللي يقولك رصف واللي يقولك صرف واللي يقولك صرف ورصف.. عيال وسخه

ادعم طارق طلعت مصطفي وان سب ولعن واستمني بيسراه في ليالي الصيف الحاره
 
بوبي