Sunday, February 28, 2010

ام ماني





الصوره اللي فوق هي نص الحموله بس النص التاني علي الباب اللي في وشه
واحد زي حالاتي لما يفكر ينقل الشحنه دي من الوكاله في الحضره للمعموره البلد بالميت حيدفع 40 لنص نقل متهالكه من اللي بيقفو قدام الوكاله وحيبقي اكيد الواد السواق معرفه اوي هات لنا اي واحد من بتوع دار ميريت ولا اطلس ولا حتي العين ان شاالله تجيب وائل عباس مش ممكن يوصل للرقم ده ناهيك انه مش حيعرف ينقلها لوحده(ربنا يفك سجنه ويهونها عليه) انما هي لوحدها وب 4 جنيه يا مؤمن وفي ساعه زمن واحده الفتره اللي بياخدها اي مستخدم فيس بوك يحترم نفسه في كتابه عدد 2 استايتوس ويشير فرختين من فارم فيل و ويعلق علي لينك مقاله عمرو عزت الاخيره في الشروق تكون النقله ادفع فلوسها واتحملت واتنقلت وبتتباع وب 4 جنيه والازمه ان ال 4 جنيه مطلعتش بره الحضره يعني من الوكاله لمحطه القطر 4 جنيه ومن محطه قطر الحضره للمعموره البلد مفيش فلوس ادفعت

في وحش اسمه محمد غزلان عنده روايه اسمها (الواطي) انصحه بدل ميضيع وقته ومجهوده يجيب تريسيكل حلاوه ينقل فاكهه من وكاله الحضره لمحطه الحضره وحترزق معاه اكتر من موضوع الكتابه ده
الطريقه يا معلمين :
1 معرفه وطيده عميقه بالحاج سموحه اللي حيوفرلك حاجتين
·        حيخلي سواق القطر يطول شويه علي المحطه لحد اما تطلعي النقله كلها في القطر
·        حيصطادلك عيلين سرس واقفين علي الباب من بتوع الترسنه البحريه(تدريب مهني) يطلعو معاكي علشان تنجزي خلي بالك انت لوحدك لو مفيش سموحه انت علي المحطه لحد يوم الدين
2 انك تكوني ( حمله) يعني تقعدي علي سبت التفاح ولما الكمسري يجيلك اعملي من ليبيا وبصي من باب القطر علي شركه النحاس اللي خلاص بيكسروها علشان حتبقي مساكن حيشخط وينطر ويتشال ويتهبد ويقولك ممنوع ولازم غرامه 11 جنيه تضحكي وتطلعي جنيه الا ربع من الكيس اللي في صدرك وتديهوله رغم ان التذكره في القطر بجنيه شويه عطف علي شفقه علي عياط حيجيبلك الكمسري زميله وحيصمم تنزلي تتطلعي كمان جنيه يرفض تكون غبريال جت تقوليله طب نزلني
3  معرفه وطيده عميقه بالحاج فرج اللي حيوفرلك حاجتين
·        حيخلي سواق القطر يطول شويه علي المحطه لحد اما تطلعي النقله كلها في القطر
·        حيصطادلك عيلين سرس واقفين علي الباب من بتوع معادن حجر النواتيه (تدريب مهني) يطلعو معاكي علشان تنجزي خلي بالك انت لوحدك لو مفيش فرج انت علي المحطه لحد يوم الدين
4 انك تكوني ( حمله) يعني تقعدي علي سبت الكابتشو ولما الكمسري يجيلك اعملي من ليبيا وبصي من باب القطر علي مساكن شودس اللي ابن اختك اتثبت فيها اول امبارح واتاخد موبايله والكاب  حيشخط وينطر ويتشال ويتهبد ويقولك ممنوع ولازم غرامه 11 جنيه تضحكي وتطلعي جنيه الا ربع من الكيس اللي في صدرك وتديهوله رغم ان التذكره في القطر بجنيه شويه عطف علي شفقه علي عياط حيجيبلك الكمسري زميله وحيصمم تنزلي تتطلعي كمان جنيه يرفض تكون العصافره جت تقوليله طب نزلني
5  معرفه وطيده عميقه بالحاج ميمي اللي حيوفرلك حاجتين
·        حيخلي سواق القطر يطول شويه علي المحطه لحد اما تطلعي النقله كلها في القطر
·        حيصطادلك عيلين سرس واقفين علي الباب من بتوع زراعه الراس السودا يطلعو معاكي علشان تنجزي خلي بالك انت لوحدك لو مفيش ميمي انت علي المحطه لحد يوم الدين
6 4 انك تكوني ( حمله) يعني تقعدي علي سبت الكاكا ولما الكمسري يجيلك اعملي من ليبيا وبصي من باب القطر علي  شارع التلاجه اللي خلاص ستدوديو كرنفال اللي جنبه حيقفل ويفتح بحري السكه  حيشخط وينطر ويتشال ويتهبد ويقولك ممنوع ولازم غرامه 11 جنيه تضحكي وتطلعي جنيه الا ربع من الكيس اللي في صدرك وتديهوله رغم ان التذكره في القطر بجنيه شويه عطف علي شفقه علي عياط حيجيبلك الكمسري زميله وحيصمم تنزلي تتطلعي كمان جنيه يرفض تكون المعموره جت تقوليله طب نزلني
يا اخوانا احنا في المعموره ب 4 جنيه ومعايا فرش فاكهه كامل وفي الاخر يقولك البرادعي رئيسا

ام ماني رئيسا

Tuesday, February 23, 2010

رشفه اليوم



يعني ايه الدوري المصري
يعني كله يعيش الوهم
والاهلي ياخد الدوري

التالته شمال       

Friday, February 19, 2010

امنيات قبل معرض اسكندريه



1- نرجو الا يكون هناك اشتغالات اخري علي غرار باب البحر الذي اختفي تماما بعد انتهاء المعرض بأيام و لم نتذكر منه سوي العيار الطايش الفرد الشديد الماسوره المزدوجه




2 - نرجو ان يخلو المعرض من الخرفان اللي بتعينهم دور النشر امثال الكاركتر اللي فوق اللي اخره يقف في شارع القاهره يبيع ملوخيه متقطفه للستات اللي معندهاش وقت تقطف علشان بيرجعو متاخر من الشغل(ممكن يبيع ملوخيه ناشفه ويخلص)  


3- يا ريت منشوفش حفلات توقيع خالص مش ناقصه زحمه وتلوث بصري علي الفاضي كفايه العيال بتاعت المجمع النظري





4- بلاش الاكشاك بتاعت الكاميرات الديجتال و القرأن االرقمي بحس اني في سنتر الصفوه بشتري تركيبه هوجو ايموشن من دلع البنات



5 - لو في حفله او ندوه يا ريت مشوفش ماهر شريف واقف جنب الفرقه او الراجل بتاع الندوه  كانه منسق حفلات او حيلم للفرقه النقطه اقعد عادي وروح عادي

 
معا من اجل ذكريات المعرض قبل الفيسبوك

 

 
 

Thursday, February 11, 2010

والمصحف الجميل ادريس علي




يعني ادريس علي ده ملوش نصيب صاحب دنقله والنوبي والمبعدون مينفعش يتقال قبله الجميل وحد يعمله حمله علشان كتابه اللي اتصادر قريب (الزعيم يحلق راسه) مهوطول النهار خصي وايفنتات ومش عارف حمار مين حيوقع كتاب اديني في الترمسه وخروف مين حيعمل ندوه لكتاب ازاي تضرب عشره بدون معلم
ورقه علي باب المدونه
بنيكه شاي وجميع العاملين فيها متضامنون كليا وجزئيا مع الجميل ادريس علي والناشر بتاعه الغلبان ومستعدون لتقديم يد العون قدر المستطاع
                                                 شمعون

Monday, February 8, 2010

بناتنا في الخارج











اتذكر صديق قديم كان يرفض السفر للعمل في اوروبا والدول المتقدمه بشده فربما يوقعه حظه العاثر ان يقيم في قريه ظالمه فلا يستطيع ان يحفظ الله في نفسه 
وانا الان قد امنت بكلامه 

الجوب السوداء القصيره فتنه
الكاش مايوه فتنه
الكانزات مجهوله المصدر فتنه
علبه سجاير ميريت فتنه
والان اقول لك
لا تسافر
لا تسافر ولو منحوك الذهب والفضه
لا تسافر ولو قيل صدر بصدر
اكل الصدور سواء
اصدرالغريبه كصدر اختك؟
اهيبته كهيبه صدر اختك؟
لا تسافر
فما السفر الا معاهده بين فخذين
فخذ كان لك والفخذ الاخر عليك
لا تسافر ولو قيل ما قيل عن عادات الامريكان
كيف تستنشق الرئتان ذلك النسيم العليل؟
كيف تنظر في عيني امرأة
انت تعرف انك لا تستطيع تقبيلها
كيف تصبح فارسها في الغرام
كيف ترجو غدا ....  لشاب حيحان
كيف تشرب او ترقص وخلفك محمد حسان
عزيزي
لا تسافر

Tuesday, February 2, 2010

شمعون كساب



حبيت خواتمها الاربعه وده كان الطبيعي

وحبيت بوطها الاسود وده كان العادي

بصت يمين وشمال وهزت الديل حصان وقاليتلي ممكن تنزلي الشنطه وافقت ونزلتها وشيلتها وده كان المُتوقع

ولعت سيجاره وانا لسه شايل الشنطه وده كان المُستفز

سحبت نفس عميق وبعد اما طلعت الدخان وكملت ندغ اللبان لقيت شفايفها حمرا اوي وده كان المُسكن

اخدت مني الشنطه فلمست ايدها ايديا فده كان المُخدر

قولتلها لأ عنك اشيلها انا ودي كانت الحملجه

قالتلي اوكي وضحكت ودي كانت اللبونه

طلعنا من المحطه وركبت التاكسي وسابيتني

انا

من ديوان (راعي غنم معاه ناس كتيير) يصدر قريبا عن دار الخطياره

Nigella Lawson




هي تترقص وتبتسم وتغمز وتمنع نهديها في اللحظة الأخيرة من القفز إلى الحلة