Saturday, September 27, 2008

كل سنه وانت طيب


مشهد 1

الله اكبر الله اكبر يا عزيز يا رب ياه لسه حنطلع السلم ده كله هما ليه عاملين المسجد في الدور الاول كده امال الناس العواجيز الذي حالاتي يعملو ايه بس

يا حاج يا حاج

ايوه يا ابني

انا صعبان غليا طلوعك الدور الاول بص علي اليمين حتلاقي رصه كراسي اختار واحد اقعد عليه

ربنا يكرمك يا ابني بس حسمع ازاي

حاطين سماعات

الله يباركلك

بعد انقضاء الصلاه.....

كل سنه وانت طيب يا حاج

وانت طيب يا ابني

حاج كل سنه وانت طيب هه

منا رديت وانت طيب

2 جنيه بس لزوم الكرسي

ايه؟

والله انت عارف يا حاج بتوع الفراشه مش راحمنا وانت عارف بقي موسم كل سنه وانت طيب

حوار بين مصلي وخادم المسجد اثناء صلاة التراويح

*المسجد هو الجامع في اخر 5 سنوات

مشهد 2

ايه يا عم الزحام ده كله

منت عارف بقي الشيخ حاتم الله يباركله مسمع كويس السنه دي

للدرجه دي

امال الشيخ صوته رخيم وجميل وبصراحه هنا الناس المقتدره مبتبخلش كانزات وزبادي وتمر وكله ببلاش يعني بتصلي وترطب

مش تقول طب يلا نلحق مكان في الخن اللي هناك ده

وبعد انقضاء اربع ركعات التراويح والاستراحه الطويله نسبيا.........

ايوه اللي عايز شاي شاي ايوه اللي عايز شاي

لو سمحت كوبايتين

سكرك ايه

زياده واالله

اتفضل

شكرا

مش بقولك هنا الخير ايه ربنا يزيد الناس الطيبه دي

كله ببركه الشيخ حاتم

بعد انقضاء صلاه الشفع وفي انتظار الوتر......

ايوه يا حضرات اللي عنده حساب هنا ايوه يا استاذ

نعم

مش حضرتك طلبت 2 شاي

اه

يبقي جنيه ونص انشاء الله

مش فاهم

تمن الشاي

هو مش ببلاش يعني حاجه كده بمناسبه رمضان

لا وااله مكنش ينعز وكل سنه وانت طيب

*الشيخ حاتم :امام منتدب من احد جوامع منطقه ثروت للصلاه بالناس في مسجد القائد ابراهيم

مشهد 3

فنهايه الجامع حيث تصطف مجموعه الدكك الخاصه بكبار السن

اثناء الدرس في الفاصل بين الاربع ركعات

ركبت ايه الصبح

والله اخدت مشروع اصل الاتوبيس بتاع الشركه فاتني

ولقيت دي كانت زحمه اوي

ربك سهل والله ايام مفترجه

متعرفش كشف المرتبات وصل ولا لاء

والله انا شوفت حمزه بتاع الخزنه كان معاه ورايح يصرف اخر النهار

يعني ان شاء الله القبض بكره انت عارف العيد والعيال عايزه هدوم وكحك

في الخلفيه بعض الاطفال يتحدثون بصوت مرتفع اثناء الخطبه

يلا يا واد منك له بره المسجد ايه الدوشه دي مش عارف اسمع الدرس منكم قله ربايه صحيح

خلاص مشيو دول عيال برده كل سنه وانت طيب

وفي النهايه نختم المشاهد بالقول الماثور

(خلي بالك زيزو مش وحش)


Sunday, September 21, 2008

جمر




هي العين المشوبه بالصُفره
هي اليد الممسكه بالسيجاره دائما
هي النظره الضيقه الخبيثه
هي الضحكه العاليه الخليعه
هي الجلسه المنحنيه المتربعه
هي النهد الهزيل المتدلي من اثر الانحناء
هي الرداء الاسود الأبدي
هي الشخره التي لا تفارق الحلق
هي السّبه التي تخرج سهله كأنها تحية الصباح
هي الطبله التي لاتفارق الذراع
هي الترنيمه التي لا يهدأ لها بال
هي ليست مجرد عالمه بل هي عالم كامل من الصخب
هي جمر

Monday, September 15, 2008

رابح خالفه



رابح خالفه يستحق ان يكون ابن قبلي البار اول مره شوفته ببنطلون سندبادي و قميص مشجر من الساعه(وكاله سفير البلح سابقا)
كان في حفلة سعاد ماسي لما جت اسكندريه قولت دول نسو ضابط الايقاع وقالو يستعينو بواحد من بتوع مسرح الحبايب وقولت سعاد شعبنت وحنقضيها العبد والشيطان طلع ان انا الشيطان علشان افكره بالشكل ده
ابن الذين فضل هادي لحد ما جت خلوني وبدع والقميص المشجر تحول لجاكت بدله من BTM في عيون المتحلقين
هو جزائري وبيستعد لاطلاق البومه مش عارف طلقه ولا لسه بينازع فيه صوته في دفء وطبطبه
وبيضرب دف ودربوكه بس معلم ولا اجدعها عيل في اي زفه نوبي محترمه في قلب العشوائيات
انا بحبه لاني بحس انه موظف في بيع المصنوعات وطلع علي المعاش بعد ما كان ماسك الكساء الشعبي في الفرع في المنشيه بتاعت الجزائر وبعد المعاش قال يزود دخله مع سعادواهو كله رزق العيال
صوره سعاد متكتملش من غير اغاني معينه وهو كان عامل اساسي فيها سواء بالغنا اوالضرب علي الدف
علشان كده بنقوله
روح روح مربوحه مربوحه
مرضيتش احط خلوني لان كلنا سمعناها لما اتكرعنا قلنا نجدد
نسمع طلت علي البير

Sunday, September 14, 2008

رشفة اليوم


عريان الطيز يحب التأميز ويقول فين طريق الخماره

Wednesday, September 10, 2008

ازاي تبقي مدون خطرمنش



ا - اعمل حساب علي بلوجسبوت وسيبه وروح وردبرس
2 - متحطش لنكات لاغاني منير او الشيخ امام خليك مع عزيز مرقه والشيخه ريمتي
3 - جيفارا راجل عرص ابن مره وسخه
4 - حط لينكات سكس في المفضله
5 - متعلقش عند اي حد يعني ميكونش اقل من حواديت او ربيع او حتي جار القمر
6 - كل شويه انقطع عن التدوين وقول انا ناوي اسيب مش لاعب
7 - اقرا لرؤوف مسعد
8 - اسمع شعبي واتحفنا بتحليلك ليهم
9 - لو جتلك اي سبوبه من حوار المدونات دي نط واسترزق
10 - حاول تتعرف علي مدونات بكسر الميم ويا حبذا لو يساريه ومزه وروح معاها مظاهرات كفايه
11 - حط لينكات لاغاني فرق السبعينات من علي يوتيوب
12 - اسمع بينك فلويد
13 - متروحش الساقيه لانها محافظه ومبتعرضش عروض ستربتيز
14 - لو طلعت في اي برنامج حواري اقعد زي اللباس ومتردش علي اي سؤال ولما ترجع قول دول فبركه الحلقه والعن بوذ ام المعد
15 - حاول تكتب اي حاجه وروح اطبعه في دار ملامح وخلي عمر مصطفي يعملك الغلاف
16 - اياك تقرا لباولو كويلهو
17 - استخدم كلمات من عينه الكتش استمناء فكري
18- تعامل مع مدونين مغاربه بكثره
19 - اشرب سجاير كلوباترا

Monday, September 8, 2008

البطه المرتاحه للسفر والسياحه





ياناس يا لوكال يا شعبيين فككو من اليساريين التانيين

و
come babe come






الصوره لمني قبيسي احدي الناشطات اليساريات اللبنانيات





Saturday, September 6, 2008

من وحي الكشر


الي محمود السيالي...
الذي نصح يومها ناسه بأن يصعدوا الجبل
حيث لن تصلهم امواج الطوفان.
قال.. لا تنحدروا شمالاً..
فلم يستبينوا النصح الا ضحي الغد.
وكان ما كان


Thursday, September 4, 2008

احد الفواصل الترفيهيه لقناه الحكمه الفضائيه


الشيخ:السلام عليكم من معايا
المتصل:ناديه من دمنهور
الشيخ:اتفضلي يا اخت ناديه سؤالك
ناديه:والله يا شيخ انا ربنا انعم عليا بالالتزام واتحجبت من فتره قريبه
الشيخ:ربنا يكرمك يا اخت كمان وكمان
ناديه:بس والله يا شيخ كان عندي كاميرا تصوير من ايام الجاهليه قبل الالتزام ولما عرفت ان التصوير حرام قررت
ابيعها واتبرع بيها لمسجد لسه بيتبني
الشيخ:بارك الله فيك يا اخت بس ايه السؤال
ناديه:هل اديه للاداره المشرفه علي البناء علي طول ولا اجيب بيهم زلط واسمنت لاني خايفه احسن يستخدمو في زخرفة المسجد
الشيخ:والله بارك الله فيك يا اخت كمان مره هو ده النموذج للمرأه المسلمه الفاهمه الواعيه
بس قبل ما ارد ليا تعليق يا جماعه ايه ظاهره التصوير اللي انتشرت اليومين دول الاب يتصور مع عيلته والجد مع احفاده وحاجه بقت لايصح السكوت عليها بلا قيمه يا جماعه والله وربنا يهدينا ويبعد عنا البلاء ده وبالنسبه لسؤالك يا اخت يفضل شراء الزلط والاسمنت مباشره
والله اعلم