Tiffani amber Thiessen

قمر مش اسمر في الغربه

تحيه من القائد محسن

حدش تتحدث عن نفسها

ا

احنا مين يا كوته

1-            نحن حركه حدش ودي ملهاش علاقه خالص بحشد او حتي حدش الصعيديه (متتلغبطش بقي الله يرضي عليك) الحركه ظهرت في الهوجه بعد 25 يناير ، بالظبط بالظبط بعد لما البلطجيه حرقو قسم المنتزه وكتبو عليه حسني مبارك خول والحركه راميه الهلب علي الشباب "تماَ" وميمنعش لو في كائنات فضائيه اخري كالشيوخ والاطفال

2-             الحركه عايشه وبترزق علي مباديء ثوره 25 يناير اللي هي واضحه وصريحه وفي متناول الطالب المتوسط ( القضاء علي حكم التنانين المجنحه وكمان الاحتكار والاحتقار السياسي مننساش العداله الاجتماعيه ده شيء واضح كله بيطالب بيه مش عجبه احنا يعني ، اكيد بقي الحريات وفصل السلطات وكل كلام الانشا ده ورغم اننا قولنا لا للتعديلات الدستوريه والناس مسمعتش الكلام بس برده حنتدخل وحنهابر ونحاول نشارك في صياغه الدستور الجديد وده لو بيقول حاجه يبقي بيقول ان الحركه بتتبتع سياسه النفس الطويل مع الشعب ويا احنا يا هما 

3-             الحركه بتساند اي حد بيقول اي حاجه كويسه في اي حته سواء كان من "زعربانه" او من "اسكوت" سواء كان معهد لاسلكي سنتين او "بكلورسات" كله عند الحركه صابون

4-             الحركه مفيش حد مسيطر فيها يعني ترفع ايدك وتقول رايك وحنراعيك وحناخدك في الاعتبار بس كله بالادب والاحترام

5-             الحركه ولا مؤاخذه ضد الطناش والحلاقه يعني لو بكلمك تسمعني ومتعملش ليبي وفكك بقي من شغل حلق حوش وانا عارف وانت مش عارف ولو قولتلي نعم مع الله حقولك الله ياخدك يامتناك

6-             احنا مع الدوله المِتعه (بكسر الميم) المرحرحه الجديده فكك بقي من شغل الثيوقراط القامط شوف الناس بره شغاله ازاي واعمل زيها بلاش افتكاس والنبي 

7-            الحركه بتدعم لغه الخطاب الجديد ( يعني الحديد بولي واحنا لامبولينا) كمان الحركه بتتضايق اوي من المؤتمرات اللي بتتعمل في وسط البلد ومكتبه اسكندريه واتيليه مش عارف ايه ومركز هوبا فين للتوعيه يا اسطي انزل غبريال المعهد الديني مساكن الظباط في طوسون ، هو اللي في الجزويت ده اللي بتعمله مؤتمر مهو فاهم وزي الكحكه مش مستني البقين بتوعك بطل كسكسه وانزل تحت

8-            الحركه واخده بالها من الفكر التقدمي ايش واخدلي بالك انت 
      فكر تقدمي يعني ضد السيطره وانا واحد من الناس شايف ان اللي بتعمله الحركه عين العقل انا كمان ضد السيطره 

9-             احنا ممكن نقعد مع اي حد ونربط مع اي حد الكلام ده عادي بالنسبه لينا ومش بيهمنا اسماء  معانا المكان ومعانا الفيديو ومعانا التليفزيون بس ناقص الشريط يعني اي حركه او جمعيه او رابطه او اي خول في كيس يجي ومعاه الشريط بتاعه لازم ترمي بياضك برده السوق بقي زحمه والمنافسه بقت شديده .الحركه مع التنسيق والتربيط

حدش

 والكعبه الشريفة حريه وتغيير وعداله اجتماعيه مش كل شويه حفكرميتين امك

تعليق علي الفولكس الشقراء

     تدور القصة حول شقراء اوروبية الملامح أو لعلها ألمانية بالفعل كما توحى الاحالة للفولكس باسات  هبطت فجأة لتقطن حى شعبى مهمل , فأثارت حولها موجة تسونامى من الانبهار والافتتان , وأضحت هى المحور الذى يدور حوله كل ذكور الحى ,ومنهم الراوى بالطبع .

يحيط بالشقراء مجموعة من البشر لا يقلون عنها اثارة للدهشة . ابنتها ( ربما ) المراهقة التى تدرس الأسبانية فى مدرسة أجنبية . وخادمة متواضعة الجمال ( هزيلة الصدر ) هى قريبة للشقراء . والقريب ايضا النحيف الذى يعلمها القيادة  و ( السحر ؟؟ ) وهو مقيم لأجل محدود .

تصور القصة بتركيز شديد وموفق مظاهر افتتان الجميع بالشقراء الغريبة كايصال النت وشعار صفحة الفيس بوك ولم استسغ تسميتها ( كتاب الوجه ) , كما أن المشهد الذى يصور انعكاس صورة الشقراء فى البريق المنعكس من عيون الأصدقاء وذهولهم عن الصديق الذى صحبوه بقصد المساندة هو المشهد الذى تتنامى عنده الأحداث للذروة . فهو مشهد مكثف ويلخص التجربة .

الى جانب الشخصيات الهامشية هناك شخصيتان رئيسيتان سنقصر الحديث عليهما ,

- المغترب الايطالى ... وهو كما ظهر بالسرد ربما حائك يقوم باصلاح الملابس وكذا ماكينات الحياكة , وهو وثيق الصلة بالراوى بحكم اتصال الحديث بينهما فيما يتعلق بالشقراء الغريبة وتفاصيل حياتها , وموقفه من الشقراء واضح ومعلن اذ يتوقف عن اصلاح ماكينات الحياكة من ماركة مرسيدس . واعتمادا على اسلوب السرد نستطيع أن نعتبر أن ذلك يعنى هجره لكل عشيقاته السابقات من أجل عيون الشقراء . فدور الموروث الشعبى واضح هنا لدى شمعون , فالحس الشعبى يصور المرأة الفاتنة بأنها ( مكنه ) .. والسيارة الفولكس وكذا ماكينه الحياكة . كلتاهما ( مكن )

- واذا كان موقف المغترب الايطالى بهذا الوضوح فان لدينا شخصية مبهمة بشكل كامل , وهى شخصية الشيخ المالطى

يثير الانتباه فى البداية أن سماه الراوى ( شيخى المالطى ) بما فى ايحاءات لفظ شيخى من معانى الولاية , فربما هو أستاذ أو معلم أو راعى بمعنى من معانى الرعاية , أما لماذا هو مالطى فهذا مالم توضحه القصة ولنا فى ذلك عودة .

كما أن علاقة قديمة ربطت بين المالطى والايطالى انفصمت عراها الآن . ولم توضح القصة دلالات ذلك . عموما فالملطى شخصية غامضة لا ملامح لها ولا تستطيع تلمس دوره الحقيقى فى الأحداث . الشىء الوؤكد أنه أيضا مفتون بالشقراء , ولا تستطيع أن تجزم هل حصل عليها بالفعل أم أن هذا مجرد حدس لدى الراوى . فالزيارة التى قام بها الراوى للشقراء واستغرقت ساعات ثلاث غادر بعدها منهك وخائر القوى تماما وسعيد , هى زيارة فى الحلم أو فى غياب الوعى .

أخيرا لابد أن يلفت النظر تعدد الجنسيات , فلدينا الشقراء الألمانية , والمغترب الايطالى , والشيخ المالطى . اجتمع هؤلاء فى منطقة شعبية ,ولو كانت أحداث القصة تدور فى الأربعينيات لكان ذلك مفهوما . فالاسكندرية كانت وقتها مدينة كوزموبولوتينية , والبديل أن يكون شمعون يحكى واقع جديد فى شرق المدينة , فهل هذا هو الواقع فعلا , أم أن الأمر لا يعدو أن يكون متعلقا بطريقة شمعون فى السرد التى نحتاج أن نعتادها ؟  .. فلا الشقراء ألمانية , ولا المغترب ايطالى , ولا الشيخ مالطى . وانما هى كلها احالات علينا أن نكتشف دلالاتها . الاجابة لدى شمعون نفسه

  لغة الكاتب سلسة متدفقة . متمكن من أدواته .  الا أن توظيف الموروث الشعبى فى النص جاء بفاعلية أكثر من استخدامه للموروث الدينى الذى جاء قاطعا للسياق . لكن يحسب له نجاحه فى تحقيق التماهى بين الفولكس الباسات السوداء وبين المرأة الشقراء مع شدة التباين بين الأصل والصورة .

اختار الكاتب أن يصنع قصته على لسان راو لا يعلم الا مايراه ويدركه , ويتدفق السرد من خلال زاوية الرؤية الخاصة به , وكل ما نعلمه عن الراوى أنه شاب قليل الخبرة جاء تعامله مع الأحداث على المستوى الرأسى , بخلاف الشيخ المالطى الذى تعامل مع الموقف على المستوى الأفقى فنجح فى الحصول على الشقراء . أو هذا مابدا للراوى .ومابين استاتيكية الراوى - قليل الخبرة – وديناميكية المالطى ( المرقع ) تكمن أزمة القصة , أما الانفراجة فربما كانت فى الكلمات الختامية   ( وقال انطلق فانطلقت وكان ما كان ) وهو مالم يقع فى دائرة القص , بل يقع فى المستقبل وهو مالم نحط به , انما بالضرورة يحيط به الراوى , اذ أن التجربة بالضرورة أيضا جزء من خبرة ماضية يرويها وهو مشرف من نقطة أكثر تقدما فى الزمن .

.

                                                           محسن الطوخي                      

القصه كامله

رشفه اليوم

علشان تعمل رابطه عايز تلات حاجات

1 قاعه مش واسعه اوي

2 مصور فوتوغرافي ممتاز

3 موقع علي النت متقسم حاجات كتير منها قسم الصور  الفوتوغرافيه وقسم فيديوهات فيه تسجيل اجتماعات الرابطه في القاعه اللي مش واسعه اوي

 

ملحوظه:

رابطه او حركه علي فكره

اندريا

يا الزارعنك في الصريف أندريا.. بسقيك بلا خريف
كان ما الصبر تكليف اندريا.. من بيتكم ما بقيف
حلاوة القرطاس اندريا.. يا الفي الخشيم تنماص
لو ما كلام الناس اندريا .. برحل معاك خماص
نشلعه ونبنيه أندريا.. وما تقولوا عاجبني
همك طاردني اندريا ..تفسيرك غالبني
القمري قوقا وطار اندريا .. خلاني للافكار
خلاني للافكار اندريا.. بالكبري قوقا وطار
اللوري جا منقل اندريا.. وشايل قزاز الخل
اموت ويدفنوني اندريا.. قدام شركة الشل

يحكى ان فى خمسينيات القرن الماضى، فى واحدة من مناطق كردفان..كان هنالك شاب من ابناء الجنوب يدعى (اندريا) فى الثلاثينات من العمر..كان يعمل فى حرس الصيد.. اشتهر اندريه بالكثير من الصفات الجميلة و التى جعلت منه محط اعجاب الجميع..فقد كان دقيق التصويب بالبندقية، شجاعا، يمتلك الفراسة و يجيد قص الاثر..و هكذا طبقت شهرته الافاق.. و اصبح كل رجل يمتلك شئ من صفاته يكنى باندريه.

طيب انا كان نفسي اقابل اندريا واقوله انت اول واحد اشوفه البنات بتقول فيه شعر واقوله اني نفسي ابقي زيك والبنات تقول برده فيا شعر .

اندريا كان ليه في كل بلد محبوبه بس انا مش حينفع اعمل زيه لاني مش بسافر كتير ولو سافرت بيبقي يوم واحد وارجع لبلدنا علطول مش بطول في السفريه .

اندريا بيرقص كويس جدا وعلشان كده البنات بتحبه علشان كده اكيد الخاصيه دي مش عندي وكمان انا معنديش جلابيه بيضا علشان ارقص بيها انا لما بروح الحنه بقف علي جنب وبستني اكل طبق العشا واروح علطول.

اندريا هربان من العداله وعلشان كده البنات بتحبه بس انا ملتزم ومبهربش من العداله ده حتي في الثوره انا محدفتش ولا طوبه علي اي عسكري امن مركزي وكنت بقول سلميه..سلميه.

اندريا شجاع جدا وعلشان كده البنات بتحبه انا برده شجاع بس مش جدا يعني لو بتمشي علي البحر مع صاحبتي وشويه شباب ضايقوها او ضايقوني بكلمه مش حعرف ارد عليهم حتجاهلم وحمشي بسرعه واجرها من ايديها علشان متقولش كلمه ممكن تضايقهم وتخليهم يتهورو زياده .

اندريا كيس فطن عنده فراسه علشان كده البنات بتحبه بس انا معنديش فراسه خالص لما البنت بتتدلع عليا مببقاش عارف هي بترمي علي جواز ولا عايزه تنام معايا وخلاص دايما بعكس الامور وفي الاخر بخسر البنت ومش بتجوز ومش بنام مع حد.

اندريا شغال في شركه شل (الصبح في حرس الصيد وبالليل في شركه شل)  وعلشان كده البنات بتحبه انا بقي لسه متخرج ومستني الجيش ومش عارف لما اخرج من الجيش حلاقي شغل ولا لأ.

اندريه لسانه حلو واسلوبه ممتع في الكلام وعينه بتلمع لما بيتحمس وعلشان كده البنات بتحبه انا بقي مش بعرف اتكلم كويس وبتكسف لما اجي اكلم بنت .كلامي بيطلع مرتبك ومتلخبط وملوش معني ولابس نضاره يعني حتي لو عيني لمعت وانا بتكلم بحماسه محدش حيشوفها وهي بتلمع .

علشان كده انا مش اندريا ومحدش موافق يناديني باندريا

ابن سوعده

لم يعد لي اي دور في اللجان الشعبيه الان سوي السهر الليلي في الشرفه الخاصه بي بصحبه علاء  صديقي وجاري تزاملنا مجموعه من زجاجات المولوتوف تنتظر للانفجار صافره مميزه من فرقه التأمين السلفيه التي يقودها مسجد نصر الاسلام منذ بدايه شهر مارس .

نزجي الوقت بالحديث عن كلب ابن سوعده الهائل الذي لم يتجاوز السته اشهر سنا والذي ترفع به عن النزول للجان الشعبيه بحجه انه لم يكن كلب بلدي ولان ابن سوعده لم يمتلك حبل غسيل ليربطه به لتفتيش السيارات الماره بعد حظر التجوال . بعض محبي الكلاب من مساكن الضباط عرضو عليه شرائه في مقابل خمسه الاف جنيه ولكنه رفض . والحق يقال انه كان شرس ( بكسر الشين) وكان لا يهاب .

لقد سرق الكلب!!! هذا ما تم بالفعل قبيل الفجر بقليل او ما يطلق عليه ساعه الذئب . سرق من مسكنه الخشبي الذي شيده ابن سوعده فوق سطح بيتهم الذي لا يتجاوز ثلاث طوابق .

ابتسمت انا وعلاء فكنا نعلم السيناريو مسبقا وتوقعنا ما سيحدث ليلا من مشاجرات ولم يكن هناك بد من زجاجتين ستيلا مثلجتين وطبق بطاطس محمره للمتابعه بشغف ولهفه .

تريد ان تعرف القصه كامله تريد ان تنصت وتتسلي وتترك البلد لانصار الثوره المضاده ليعيثو في الارض فسادا ما لم تكن انت احد افراد الثوره المضاده ؟؟

لم ينقضي علي خروج عبد الرحمن من السجن سوي شهر بعد احتجازه في قضيه سرقه بالاكراه في المعموره ولم يمر علي زيجه اخيه احمد الرابعه سوي شهرين من منتقبه نهارا راقصه شاخره بائعه سارقه ليلا .

اعلم انا وعلاء جيدا ان ابراهيم لم يعد يعمل منذ وقت طويل وان ابنته عتاب العامله في احد مراكز التجميل بدبي كفت عن ارسال نقود له خاصه بعد حادثه سجن الاخ وزواج الاخ الاخر للمره الرابعه .

اول زجاجه مولوتوف قذفت لم تكن منا بل كانت من ابن سوعده علي شرفه ابراهيم وولديه كرساله اتهام واضحه منه لهما بسرقه الكلب وبدء الفاصل الترفيهي الذي استمر من الواحده صباحا حتي قبيل الفجر بقليل او ما يعرف بساعه الذئب .

تكنيكات مذهله من ما يعرف بالمشاجره الايقاعيه الحداثويه بين ابن سوعده  وانصاره من طرف وبين عبد الرحمن واخيه احمد من طرف اخر. اؤكد لك انك  لن تتمكن من استيعاب المشهد سوي بزجاجه البيره ومزيكا صوفي حالمه  وصديق وفي كعلاء يجعل المشهد بما فيه من دم وسب ونار ورقص احيانا عرضا حيا مميزا ومثيرا لاقصي درجه .

بالنظر الي اسفلت الشارع من شرفتي لم استطع تبينه لكثره الرؤوس المتواجده فيه او ربما بفعل البيره لا اعلم بدقه .

لم تكن ثوره مضاده ولم يكونو رجال امن دوله . انتظرت سماع صافره جماعه التأمين السلفيه لالقاء المولوتوف علي المتجمهرين تحت شرفه ابراهيم ولكنها لم تأتي .  صمد ابراهيم وولديه بمفردهما امام جحافل ابن سوعده حتي ساعه الذئب؟ اللعنه علي ابراهيم وسوعده وساعه الذئب . ياليت الشرفه كانت ضريح لصوفي زاهد ناسك لتهدمه جماعه التأمين السلفيه وتريحنا .

علمت في اليوم التالي ان الغاره النكراء لم تكن محض استنتاج فقط ولكنها كانت بايعاذ من شقيق ابراهيم الذي وشي علي عبد الرحمن بانه رأه يساوم علي كلب ليس ببلدي لاحد قاطني مساكن الضباط .

ما استأجره ابراهيم وابنائه من مرتزقه التكاتك نهارا لم يكن للرد علي غزوه البارحه بل لمهاجمه عمهم عملا بمبدأ ( اضرب صاحبك لو هما كتير ) . لذا لم يكن مستغربا علي الاطلاق رؤيه العم يقف بجانب ابن سوعده ومن معه ويتبادل معهم قذف المولوتوف علي شرفه ابراهيم وابنائه لتتحول المعركه من فرديه معه الي جماعيه ضد ابن سوعده وفريقه .

كل من كان في الشارع كان في انتظار قرار المجلس العسكري لايقاف هذه المهزله والبعض كان يمني نفسه بان يذكر اسم الشارع في احد بيانات الجيش علي كتاب الوجه .

للاسف لم اجد اللواء اسماعيل عتمان ضمن القوه التي جائت بناء علي بعض الاستغاثات من سكان الشارع وللاسف لم يتمكن الجيش من القاء القبض علي اي شخص كان في الشارع فكل هذا التجمهر لم يكن سوي لتلقي عزاء متوفي لا اعرفه  ولا يعرفه  حتي المعزين . هذا ما قاله ابن سوعده لضابط الجيش وايده في ذلك ابراهيم وولديه وعمهما وحتي مرتزقه التكاتك. .                   ابن سوعده والمرتزقه ايد واحده .

بعد انصراف الجيش وانصرام معظم النهار مازال الكلب مختفي .

ومازال مرتزقه التكاتك يتداولون مع احمد وعبد الرحمن حول ما سيتقاضونه بعد تلك العطله الاجباريه واانتهو علي اتفاق نصه ان المبلغ لن يتجاوز ال 200 جنيه سيتكفل بهم عمهما !!!!!

علي غير المنطقي والطبيعي لم يوافق العم علي سداد المبلغ للمرتزقه المؤجرين لضربه 

لم يجد مرتزقه التكاتك سوي اخذ الهاتف النقال الخاص بزوجة عبد الرحمن كضامن لحين اقناع العم بسداد المبلغ المتفق عليه سلفا

لم يكن سارق الكلب سوي احد سكان المنزل الملاصق لمنزل ابن سوعده الذي ضاق به الحال وغاب عنه المزاج  فسرق الكلب في ساعة ذئب شيطانية

استطاع احمد بمساعده اخيه وعمه التهجم علي والدة السارق واغتصاب مبلغ 200 جنيه لتسديدهم لمرتزقي التكاتك لاسترجاع الهاتف النقال الخاص بزوجته . فماكان من جماعه التأمين السلفيه سوي الضغط علي العم لتسديد المبلغ لوالدة السارق التي لا ناقة لها ولا جمل في موضوع السرقة فما كان من العم سوي تفويض امره لله واعطائهم المبلغ المذكور .

اما ابن سوعده فهلل وكبر وجري بكلبه في كل شوارع الحي فرحا بكلبه وانتصاره .

واما والدة السارق فوجدت ان المبلغ المسترد لم تكن به سوي مائه جنيه واحده صحيحه والاخري كانت مزوره فاستعوضت الرب في الكلب وابنها السارق والعمله المزوره .

ومازال مسجد نصر الاسلام يرسل جماعات التأمين ليلا بدون كلل.

 هذا تأويل ما لم تسطع عليه صبرا

هوامش 

• ساعه الذئب : هي الساعه التي تسبق الفجر مباشره

• ابن سوعده : هو وليد ابن محمد ويلقب بابن سوعده كما جاء في البنيكه  عمه هو ديونه  

• اللواء اسماعيل عتمان : مدير اداره الشئون المعنويه بالقوات المسلحه

• ابراهيم : هو والد كل من احمد وعبد الرحمن وعتاب المقيمه حاليا في دبي والمتزوجه من ابراهيم احد ابناء كفر الشيخ المغتربين في دبي ايضا

• اخو ابراهيم : هو عم كل من احمد وعبد الرحمن وعتاب

• المسجد: هو الجامع في اخر 5 سنوات

• مرتزقي التكاتك : هم سائقي تكاتك لهم اعمال حره بعد الدوام الخاص بالتكاتك وهم يمثلون غالبيه افراد الثوره المضاده