Saturday, July 10, 2010

صوت الجاليه المصريه في مصر












لا بجد المره دي انا مليش ذنب خالص بس شكلها الناس ابتديت تاخد تجاهي موقف عدائي بدون مبررات واضحه
سيد عادل تقريبا كاتب او يشاع عنه ذلك (يسأل فيه سيد عادل نفسه ) ويؤيد ذلك كتاب بعنوان يوميات شاب مهزوم ومن المساهمين بشكل قوي وفعال في بث ايتمات جديده للراديو ذائع الصيت تيت




لا نسيت بيكتب بعض المقالات المتفرقه الساخره جدا من واقع الحياه والشباب المصري في مصراوي وبعض المواقع الاخري الذائعه الصيت بين الشباب المصري اللي بيذكرهم في مقالاته الساخره (الناس دي بتلاقي وقت تشخ امتي )





الله يسهل لعباده انا مليش دعوه ان شالله حتي يأجر البوريفاج من فرج ابو الحمد ويسرح اسلام الديزل ويراقب هو بوابه افلاطون لواحده
الراجل ضافني ايام تهديدات منظمه الملوخيه المتقطفه ليوسف المصري اللي انا كنت علي راس قوائم المطلوبين فيها الراجل كان معاه 1500 جنيه وبدل ما يحطهم في بطاريه ارانب يعيش عليها قالك اعمل بيهم كتاب اشيك وممكن تجيب عائد شهري اعلي بس بعد احداث منظمه الملوخيه الناشفه رجع احتار تاني كتاب ولا بطاريه ارانب





راح ضايفني علشان يسأل علي يوسف المصري وانا شتمته ليه علشان لو انا علي حق مينشرش تبع التنظيم
يبقي رقم واحد هو اللي سعي للمعرفه مش انا نثبت بقي النقطه دي والنبي علشان محدش يقول انا بجر شكل حد انا معرفوش اساسا
المهم الراجل استقر علي الكتاب وأجل مشروع البطاريه لحد اما يشوف الدنيا حتمشي ازاي
الراجل نزل الكتاب وانا هنيته وباركتله في قلب بروفايله عداني العيب رغم اني في داخل قلبي كنت شايف ان بطاريه الارانب ممكن تكون ذات نفع اكبر في الوقت ده

المهم من كام يوم بعد اما رجعت من الشغل قولت اشرب حاجه ساقعه وابص علي الفيس
لقيت نوت ظريفه للاخ سيد عادل اسمها اشرب طبيعي واتكلم طبيعي (نوت ساخره جدا جدا ومحمد فتحي بتاع جايزه ساويرس بذات نفسه معلق عليها وعجبته ) في فقره فيها بتقول




أنا عاوز أسأل واحد صحبى سؤال.. ماتش هولندا والأرجنتين..إنت هللت ورقصت مع كل فريق يجيب جون فى التانى..انت كنت بتشجع مين بالظبط؟




فانا قولتله مفيش ماتش كان بين هولندا والارجنتين في كاس العالم ده بس كده اه والله تصحيح عادي يعني علشان تبقي احلي وممكن ميشيل حنا المره دي هو اللي يعلق وتشتهر اكتر









غلطان انا!!! العالم خلاص مبقتش طايقه كلمه من حد
في نفس اليوم الراجل لقيته بيلعن سلسفيل ام نصر حامد ابوزيد وانا صراحه بحب نصر حامد قوي وبعتبره اخويا الكبير روحت اترحمت عليه بس فيها حاجه دي ( من قبيل الانشطه الفيسبوكيه المتعدده) عادي يعني





راح الراجل الطيب الطاهر اسمعني ما سيلي ذكره

الله يلعنه ابن ستين وسخه

ويحشره ف ذمرة الكفاره والمشركين

وهو اتباعه

صباحو

تعالي بضهرك يامعلم

وحياة دين امي لندمك علي مجرود تفكيرك علي ان تعكر صفوى

يعني ان مكنش نصر حامد يخش النار صفوه حيتعكر ايه الاحقاد دي ادي يا سيدي الكتاب الساخرين ويقولك مستوحاه من دخلهم يا حسين المهم الراجل مهمدش مصمم يفرك ويشتم راح قفل الفيس وفتح الياهو (اللاب بتاعه شكله توشيبا ومساعده )
قصيده الردح دي علي الماسينجر ( هو ضايفني برده مش انا)

وحياة دين امى
لندمك علي كلامك
وهخليك عبره
لكل ابن مره وسخه بيستظرف
خد مني ايتم علي تيت راديو
هنيك فيه كسمك
يبن العرص
فانا بطيب قلب قولتله خلي بالك انا مشتمتكش ولا قليت ادبي
راح قايلي
ولا هتعرف ياكسم
انت مفكرني كاتب بنضاره يامعرص
ده انا هنيكك
اتقل عليا
انا بس خايف اشهرك عشان انت نكره
بس شكلك عاوز تتظبط
وانا مستعد نييك
متجيش تعيط
سلام ياخول
وبعدين جاتله لحظه قلق مسح جبينه بمنديل هاندي وراح مكمل
ابقي خد محادتثتي بالشتايم
وحطها ع الفيس بوك

كل الردح ده علي ماتش هولندا والارجنتين اللي متلعبش اساسا اومال لو اتلعب كان عمل ايه طلعلي بتاعه مثلا




بعد ساعه زمن كان ساعتها معايا سندوتش كبده وبشيت مع صاحبتي من المجر (واخدلي بالك من صاحبتي دي الله يمسيك بالخير يا استاذ طارق)



في الفتره دي تقريبا جاله هاجس ابيض وبجناحين وقاله عيب انت كاتب كبير وبتشتغل في راديو اكبر وجأته البشاره متمثله في اذان الجمعه في ميكرفون الجامع اللي جنبه فبكي وقام وتوضأ وفتح الياهو وبعتلي (وعلامات وبالنجم هم يهتدون )
استغفر الله العظيم يارب من كل ذنب.. انا اسف ياعم علي الشتايم مكنش ليها لازمه
ده مش ضعف لكن انا محبش اسلوبي يبقي كده
ياريت تعذرني
واللي انت عاوز اعمله
انا جاهز
برده
سلام

1 انا مضيفتوش
2 انا مشتمتوش
3 مفيش ماتش بين الارجنتين وهولندا
4 نصر حامد ابو زيد كويس
5 بطاريات الارانب بتكيب فلوس اكتر من الكتب
6 انا يا اخوانا مسالم وهاديء بطبعي الناس ليه واخده عني انطباع سيء كده ومتحفزه لاي حاجه اقولها وتديها ميت تفسير زي الاخ
بتاع فصول السنه ده يلا خير خير كله في ميزان حسناتنا ان شاء الله
7 ان تيت راديو بيصفو بيه حساباتهم (بصراحه ده حقهم الناس مكلفه ودافعه فلوس وطول النهار بيعملو صور بالفوتو شوب لصور حلوه عليها اسم (تيت راديو)


ملحوظه:
في انتظار ايتم سيد عادل اللي حيشهرني ويبهدلني فيه ويعرفني انه مشهور وانا لأ وانه صح وانا غلط وحيفضح حقيقه اللي فاكر نفسه فاهم كل حاجه ومش بيغلط وهو ابو الغلط وبيساهم في تراجع النمو الانساني والحضاري اللي بتعيشه مصر حاليا وعايز يرجعنا لحقبه التسعينات الكئيبه الخاليه من الموهبه
فعلا ده صوت الجاليه المصريه في مصر




فكرة المقال,, مستوحاه من مقال "دخلهم
ياحسين" لعمر طاهر
,,


التعليقات في ملف بطاريه الارانب مغلقه لاني سلطوي وحاقد في نفس الوقت
Post a Comment