انا الجمهور يا عرص
يمكن الجمله دي حتلخص كل اللي انا عايز اقوله ولكن لابد من الشرح بحكم التسليه وملقتش شرح ليها احسن من مما سيلي :
لكن فى ناس مش راضيها غير انها تكون آلهة فوق مستوى الرفض أو انك تلعن اعمالهم و تقول انها بلا قيمه تذكر
و متنساش انك لما بتقول على حاجة انها زبالة فانت بتقول على الاعمال مش على الأشخاص
احنا ملناش دعوة بالأشخاص
الأشخاص ليها رب
لكن الأعمال احنا المستهلكين الأساسيين ليها مش حد تانى
و مش لازم نبقى كتاب عظام ولا دواويننا مالية رفوق المحلات عشان نقول رأينا
و متنساش انك لما بتقول على حاجة انها زبالة فانت بتقول على الاعمال مش على الأشخاص
احنا ملناش دعوة بالأشخاص
الأشخاص ليها رب
لكن الأعمال احنا المستهلكين الأساسيين ليها مش حد تانى
و مش لازم نبقى كتاب عظام ولا دواويننا مالية رفوق المحلات عشان نقول رأينا
a . s
والكومي يتألق كالعاده
أنا المتلقي
أنا اللي بادفع تمن الجورنال اللي ممكن واحد ملهوش لازمة في الحياة يكون واخد عمود فيه عشان يعرض آرائه اللوذعية الللي متسواش قشرة بصلة
أنا اللي بيدفع تمن تذكرة الاستاد بدون اي ضمانة ان المباراة تبسطني
أنا اللي بادفع تمن تذكرة السينما في فيلم ممكن اصلا ميكونش فيلم
أنا اللي بادفع تمن تذكرة حفلة عشان انبسط و ممكن مانبسطش
أنا اللي بادفع تمن تذكرة مسرحية و ممكن ميكونش ليها علاقة بالمسرح او ليها علاقة و العلاقة مش عجباني
أنا اللي بادفع تمن الكتاب اللي ممكن يطلع زبالة في رأيي حتى لو حلو في عين غيري من حقي اقول انه زبالة
أنا المستهلك
أنا اللي بيشتري البطيخة اللي مؤكد مش هاتقبل انها تكون قرعة
أنا اللي لو حتى مبيدفعش ممكن وقتي يضيع على حاجة من اللي فوق او حاجة تشبه لهم
أنا اللي بيعتمد عليه كل النحتجية اللي فوق دول عشان يفتحوا بيوتهم و يعيشوا
و زي ماعرفنا
الأصول أصول
و الزبون دايما على حق
و لكل ما تقدم
أنا اللي من حقي يكون لي رأي غير مشروط - و غير مطالب بشرحه الا بس لو ليا مزاج - في كل اللي فوق دول
أنا اللي من حقي اشتم اللاعب لو معجبنيش اداؤه حتى لو كان كاكا او ميسي
و اللي ممكن اشتم الممثل لو معجبنيش الفيلم و ممكن أسب و ألعن للفرقة لو معجبتنيش المزيكا و ارمي بيض و طماطم على النطع اللي واقف على خشبة المسرح
و أنا اللي ممكن اقول رايي بكل اريحية -في شئ يعتقد صاحبه انه حاجة قيمة و بياكل من اللي انا دافعه فيها - بدون اي اعتبار لاراء الاخرين اللي هما مستهلكين زيي وارد جدا - و حقهم أصلا - يكون ذوقهم مختلف عن ذوقي
أنا اللي مش واخد منها حاجة و لا منتفع بالعكس انا اللي بادفع عشان كل اللي فوق دول يتشقلطوا و انا انبسط
أنـــــــــــــا دافــــــــــــــــع الضرائــــــــــــــب الوحيد في كل الفيلم اللي فوق ده
كل اللي فوق ده أنا ماقلتش فيه جديد بس لوضع الأمور في نصابها الصحيح
و من أجل حياة أكثر عدلاً
لو مانبسطتش لأي سبب من الأسباب و مش لازم أقول السبب
أحب أن أوضح إن أنا اللي في أي وقت و بدون مبررات من حقي أقول
كس أم النحتاية عاللي نحتها
اصل انا لسه معيش 1500 جنيه علشان انشر وبالتالي انا الجمهور يا عرص
اكيد يتبع
No comments:
Post a Comment