Monday, December 7, 2009

روبوصلاح



مدخل:

( لقيت كده حط كده ملقيتش كده متخافش حط كده برده) المقوله الاشهر في التاريخ الهندسي
العباره قد تبدو مبهمه غامضه ولكنها تحمل في طياتها الكثير هي خلاصه علم احد اشهر واغني واتخن معيدي هندسه جمعاء علي مر العصور العظيم محمد صلاح تعال نفصصها كده سوا علشان نفهم الناس العظماء دي فكرت ووصلت للسر الاعظم ازاي مش تقولي عوليس وبيعرف سنسكريتي طيب والسنسكريتي ده بيأكل عيش بيفتح سنتر في سيدي جابر المحطه بيجيب عربيات دايو بيجوز بيجيب شقق اكيد لأ يبقي طيز عوليس علي السنسكريتي واسمع ووسع خيالك(مع كامل الاعتذار لبيسو وسيد الوكيل معا)


لقيت كده حط كده: الحل السيمبل السهل او زي ما بنقول العب السهل ومتصعبش علي نفسك الباصه كله علي الارض وفكك من الثروهات واعتقد ان اي معيد ممكن يقولك ده ان شالله حتي اسلام العشري (ده بقي اللي خد يمني بتاعت النوت اللي فاتت الله يسهله بقي) وانت اكيد مش جي الكورس عند محمد صلاح علشان كده التقيل جي وره

ملقيتش كده : دي الصدمه يا جدعان اللي احنا بنعاني منها من ساعه مادخلنا الكليه اننا مش بنلاقي كده دايما كده دي في السيكشن في المحاضره انما كده دي مبتظهرش في الامتحانات ابدا يبقي انت قاعد طول السنه علشان تلاقي كده في الامتحان وفي الاخر فس مفيش كده طبعا اول كده مش حتلاقيها في اول ميدتيرم لاعدادي هندسه وطبعا محمد صلاح هو الحل (بيفكر ينزل انتخابات 2010)

متخافش: السبوبه كلها والفلوس كلها في الكلمه دي لانه بيشيع حاله من الطمانينه في نفس الطالب (ولو كنت فظا غليظ القلب لانفضو من حولك) والطالب بيبقي محتاج اللي يطمنه فبتنزل متخافش عليه بردا وسلاما تحس وانت قاعد في السنتر في صهد طالع من الطلبه بعد كلمه متخافش (محمد صلاح ينفع داعيه اسلامي علي فكره عنده الحته دي)


حط كده برده : خبره عشر سنين في الكليه دي خطه الخداع الاستراتيجي انت ملقيتش كده صحيح عندك حق انما حتحط كده برده يا الله يعني الناس كلها بتكاكي علشان ملقيتش كده فمش عارفه تحط ايه انما شوف صلاح شوف السنس قالك حط كده برده وسكت حاله من التصفيق الحاد والهتاف المتحمس

ملحوظه:
فاكر يوم امتحان الفاينال الفيزيا راكب مشروع بحري مع بهاء احنا الاتنين معانا مذكرات محمد صلاح وبالصدفه
البحته تاكسي معدي جنبنا محمل موزه هندسيه راكبه فيه وماسكه ورق محمد صلاح برده
محمد صلاح انت ظاهره بتجمعنا كلنا
Post a Comment