حبيت خواتمها الاربعه وده كان الطبيعي
وحبيت بوطها الاسود وده كان العادي
بصت يمين وشمال وهزت الديل حصان وقاليتلي ممكن تنزلي الشنطه وافقت ونزلتها وشيلتها وده كان المُتوقع
ولعت سيجاره وانا لسه شايل الشنطه وده كان المُستفز
سحبت نفس عميق وبعد اما طلعت الدخان وكملت ندغ اللبان لقيت شفايفها حمرا اوي وده كان المُسكن
اخدت مني الشنطه فلمست ايدها ايديا فده كان المُخدر
قولتلها لأ عنك اشيلها انا ودي كانت الحملجه
قالتلي اوكي وضحكت ودي كانت اللبونه
طلعنا من المحطه وركبت التاكسي وسابيتني
انا
من ديوان (راعي غنم معاه ناس كتيير) يصدر قريبا عن دار الخطياره
6 comments:
اسمها الختيارة يا حبيبي
ايه هي دي؟
الدار يا دار يا دار
نحن نبرأ بالختياره
هخيرها فى غيرها
يلا الدور ع اللى بعده
a7a
Post a Comment