هيام عباس

الن تكف هذه السيده عن امتاعي

في ذكر المقطم وناسه

اسر ياسر حلوه وبتذهب بانتظام للكوافير رغم ان جلّ من يقابلهم في سنها تحولو من

الطرحه للخمار ولا يفعلو شيء سوي الذهاب بالابناء للسنتر في انتظار مدرسالانجليزي

الذي يتاخر دائما

نهي رشدي بيضه ونضيفه وبتلبس حلو غير صاحبته اللي من شبراخيت االي فرحانه

بالموبايل الصيني الجديد و حاطه اغنيه وائل جسار الجديده  ringtone

جيبه جينز وبلوفر وطرحه وفي بعض الاحيان بادي كارينا ممل لدرجه الانهيار

ابتسامه ضابط الامن ابو جونتي علي باب الكليه للبنت ام شعر كيرلي حتي في غياب

الكارنيه وطرده للواد ابو بلوفر بني لان ده مش باب طلبه اصلا

الانتظار لنصف ساعه كامله حتي انتهاء البادي الكات من سؤال المعيد للحصول علي

اجابه لاستفسار يتيم في جمله واحده(مسالتش في السيكشن ليه مش فاضي)

انتظاره للاوتوبيس علي الكورنيش في الصباح الباكريقابله قبله حاره من شعر به جل

رخيص لإسدال بني مرتخي وراضي معطيا ظهره للناس وصدره للحبيب.

يرمقه بحسد حين يضم فتاته بين فخذيه ليتمايلو معا علي نغمات الكون كله بيدور

متناسي منير تماما

نظرات الاستحقار والقرف تعلو وجه صاحبه الميني جيب له ولمن حوله من رواد

الموقف لتتغيرالي ابتسامه عريضه لصاحب الاوكتافيا الحليق الذي انقذها من براثن

الاتوبيس الهمجي

 
انتظاره لقبول requestمن جانب المزه صاحبه الprivate profileعلي الفيسبوك وبعد الرفض يجد نفسه مرغما علي قبولinvitation من جروب (تحجبي قبل ان تحاسبي)

قرائته لبوستات ليليت فيشعر بشعور غريب حار ينقلب لغيظ يدفعه للتعليق مطعما كلامه

بكلمات من عينه عاهره كافره تم ينقلب ليتابع جديد طريق السلف

يذهب للمقطم ومعه ورقه بيضاء كبيره ويخط عليها بقلم دوكو اسود ويرفعها لاعلي فلا 

تجد علي الورقه غير كلمه واحده

احا

حكمه اليوم

وبناشد كل الستات في مصر انهم ميخفوش من

 العضله

رساله بطله مصر والعالم في  الرست

من خلال برنامج الحياه اليوم

سلمي العسال

اهداء للعظيم
عبده شرف

Track 1 -

ارفعو ايديكم عنه بين قوسين فيليب رزق

مجهود يا ابني والله
اد ايه وقت عقبال ملقيت شانطه كروس
اد ايه وقت عقبال مظبطت بادي ابيض ولا قميص هاواي احمر
اد ايه وقت عقبال ماوصلت لفورمه الشعر دي
اد ايه وقت عقبال متخليت عن ميه حياه لتتعود علي بركه
اد ايه وقت وضحك ولعب وحب عقبال مقدرت تقنع المزز دي انهم يطلعو معاك في المظاهرات
اد ايه نضارات شمس اتكسرت علي المعبر
اد ايه ايس بوكسس اتشالت للمعبر
يا برنس انت بتتعرض لمؤامره
يا برنس غزه غزه يا برنس
واحب اختم
يا اخوانا enterيا اخوانا
enter
enter
يا اخوانا

اللي قصاد سينما مترو

مازال في فمه مزاق خروب امال
الذي اطفأ لهيب كبده الفلاح
محملقا في الواجهه الزجاجيه
التي تحتل جانبين متعامدين
لاشهر بائعي الكاسيت في الاسكندريه
متجنبا النظر لرواد سينما ريالتو
يعطيهم ظهره بكل اريحيه
محملقا في الاغلفه التي اصفرت بفعل الزمن
ABBA/JACKSON/RAY CHARLES
و
ACE OF BASE
ملوك الطفوله
وهي
الشقراء الاولي
فلا يملك الا دندنه هذه الاغنيه
التي مازالت تبكيه

إياحه

بمناسبه اقتراب الشهر الكريم
نحب نقول للمسلمين في مشارق الارض ومغاربها
إياحه

دره

حق الرد

بضرب ايدي في جيب سروالي لقيت البوست ده بتاع بهظ بيه وحديثه عن التجاريه
في البدء هو ليس بسكندري فيجب اخذ الكثير من كلامه بالحذر والريبه
التصنيفات دي مش دقيقه وفي لبس واضح بين القهوه والكافيه
ثانيا بالنسبه للاسعار فهي تراث
فخد الحكمادي من اخوك الجعيدي
حسب اخر تصنيف للاسعار عام(2003)تبلغ قيمه حجر المعسل الواحد نص جنيه والتنباك جني واحنا 2009 يا برنس
طبعا بخلاف التفاحه وما شابهها ودي بالميت جني ونص في اقل حته
الشاي من جني وطالع و75 في قهوه الطلبات
بالنسبه لتصنيف القهاوي
1 قهوه طلبات: دي في الاساس بتطلع مشاريب للمحلات المجاوره وبيعملها سبوبه ويرص كرسيين بلاستيك يصطاد اي حد طياري ودي ارخص اسعار تلاقيها فيها بس دون المستوي خالص
2 قهوه معاشات :زي (والي) اللي علي الترام او البحروالقاهره ووادي النيل وان كانت تضم بعض شباب المدونين في الاونه الاخيره
والتجاريه بس بتاعه سيدي بشردي بقي حاجه عظمه شطرنج او طاوله الدمينو فيها ضعيف المستوي القهاوي دي بتتميز بالهدوء والرز باللبن والمعسل المظبوط
3 قهوه العيال السرس :دي بقي زي الصباحي في محمد نجيب والفراعنه في اسكندر ابراهيم ودي اسوء مكان ممكن تقعد فيه في الحياه الا لو انت شاب سرس ده موضوع تاني العيال كلها تيشرتات بمبي او ترتر وبيضربو سندوتشات دليفري وزبادي خلاط وتفاحه او كنتلوب وعايز يعيش دور الشاب البيئه بس بيبقي بيضه شمال
4 قهوه شقط:يعني تجيب شراميط منها ودي زادت في الاونه الاخيره علي راسهم جلاكسي والريحاني والشمندوره(ايون اللي في سيدي جابر جنب الملعب اللي بيتأجر)ودي لابيه سلطنه استانلي عندك ثلاث حلول(القهوجي/الصبر والنظرات/البلوتوث)وربنا حيكرمك انوي انت بس
5 قهاوي الافتعال: التجاريه و البوابين و القهوه اللي جنب اسعد بتاع المخبوزات في ضهر مسرح محمد عبد الوهاب فيها حبايبنا بتوع ازايز الميه وشنط الكمساريه وممكن تلاقي فيها حريم من بتوع المسرح التجريبي برضه ملناش دعوه بيها
هناك قهوات خارج التصنيف لتدني المستوي بشكل فظيع (زي قهوه وزه وولده كوكب)في الباب الجديد او لارتفاع المستوي بشكل ملحوظ زي السندريلا (برضه في الباب الجديد)وبالتالي لا يصح ادراجهم معنا
اما فريسكا وستاربكس وسيلانترو ولاتينو فلا تعليق وهم مش قهاوي اصلا
هناك بنيكات شاي علي البحر :) ودي موضوع سنخصص له بوست مستقل
بالنسبه لموضوع عربيات الفول فهو ايضا غير صحيح انما هي عربيات كبده وسدق زي عم عثمان جنب وادي النيل واشرف جنب الحجار وعلي جنب الاميره وحتي عربيات الكبده دي ليها ادبيات ليس محل ذكرها الان .عربيات الفول انقرضت من جنب القهاوي مذ ردح من الزمن ياه قديم اوي انت
الخلاصه:مش اي حد قعد كام سنه في اسكندريه حيتكلم عن القهاوي اللي فيها(الكلام ليك يا بهظ) تمام
اقعد في ابوشوشه او الدراويش حاله وسط
متتصورش وانت بتشرب شيشه لا بموبايلك ولا بموبايل غيرك
حلو كده كفايه

اين ذهبت هذه البطه؟

فينك

جنزير وكوميكس وسعاد ماسي وانيميشن
مفردات شريف التي لا تنسي
حاله البهجه التي كان يمنحها لي
بفونت اصفر وشمعه صفرا
وتصميم يذكرك بالهه تدوين اسكندريه
هذا الفتي لم يكن ينقصه إلا ان يولد في لوران
ويصبح منا
حتي وإن بُضن فأغلق فأحزن
لك التحيه

01 Abali - Lemonada