طب مفيش اعلانات جوجل ليه في البلوج ؟ شريط علي الجنب كده وتطلع مصاريفك منه بس كده فين التميز لمدونه ليها وزنها زي بنيكه شاي طبيعي ان حتي مصادر الاعلان حتكون غير تقليديه بل والادهي انها حتكون شعبيه وده اللي بناكل عليه عيش هنا والصوره اللي بنحاول نصدرها
مغسله الجنرال وذكريات المندره
طبيعي انك في الصيف وانت في رابعه ابتدائي علشان تجيب تمن السلبس اللي بتلعب بيه كوره بتوزع اعلانات مغسله الجنرال بعد صلاه الجمعه في جامع رب عائشه والناس لسه مسابتش حصير الصلاه
وانت في اعدادي جارك بعتك تجيب البدله اللي مأجرها من مغسله الجنرال قبل فرحه بيوم وظرفك 5 جنيه
وانت في ثانوي اكيد روحت مغسله الجنرال تضيق بنطلون المدرسه الجينز من عند الرجلين علشان تـأفزه في الجزمه السيفتي او في الفلاته النايك البيضا
بعد مشاورات مع الحاج جلال صاحب المغسله اتفق انه حيعلن هنا في البنيكه واي عروض حينزلها الحاج حنبقي ننوه عنها في حينه
3 comments:
وياتري هي فين المندرة البحري دي؟
وهل بيعملو غسيل ديلفري بين المحافظات ولا لأ?
:D
مجنون والنعمة
ابهجتني
:)))
يوسف
قولي بس انت منين ممكن تطلع جوه الكفرينج بتاع الشبكه بتاعتنا
Post a Comment