Anakato Hotel

البيتي بان في يد الجميع

البنيكه  واضحه وصريحه منذ بدايه انطلاقها في كشف المستور عن كثير من القضايا السكندريه الغامضه اللي بتفوح منها روائح ماسونيه واضحه زي  قضيه "الشيرنج" واسطوره "ام ماني" وصعود وهبوط "ال ديونه" وحاولت تقدم بعض التكهنات التي من الممكن انها قد تكون مفيده في بعض القضايا مثل "سنترعبود" و"ميدان الساعه" وصولا الي فضيحه "بلياردو التيتي"

ومن هذا المنطلق البنيكه ما زالت بتواصل دورها البناء والكاشف لكل المؤامرات الماسونيه السكندريه المعلقه في الهواء 

فكره سيطره العيش البيتي بان علي محال الفول والفلافل في الاونه الاخيره كانت لافته للنظر بشكل ملحوظ خصوصا مع ظهور العديد من السندوتشات التي لم تكن معروفه من قبل في جيل الاباء المؤسسين وتحمل اسماء من عينة صاروخ او فياجرا او المميز وتقريبا كلهم بيتفقو علي ان القالب الحاوي لهم هو العيش البيتي بان 

من المستحيل ان صاروخ ابو ربيع مثلا بيتعمل في عيش بيتي بان " ريتش بيك" كده مفيش مكسب والسبوبه حتروح وحتي لو افترضنا جدلا ان ابو ربيع محل كبير وممكن يتحمل الخساره الموقته في سبيل الربح البعيد المدي فكيف يمكن ان يحدث ذلك لمحال من عينه ابو اسلام وابو محمد وسعيد الطاير وهي ايضا تستخدم العيش البيتي بان !!! سؤال يطرح نفسه وبشده 

اي مواطن سكندري بيحترم نفسه اكيد لاحظ الصعود الرهيب لمحلات شهد الملكه علي حساب محلات اكثر عراقه مثل كلاسيك ومانا ولاماركيز  بالطبع لا يخفي علي احد ان تلك السلسله من محلات تتميز بالطابع السلفي المحبب اللي بيغلف معظم العاملين بها واصرارهم الدائم علي تاجيل اي عمليات بيع او شراء اثناء الصلوات الخمس المفروضه

ازاي ممكن تعمل سندوتش جبنه مقليه في عيش بيتي بان وسعره لا يتجاوز 1.30

 البنيكه بتقولك ان شهد الملكه هو الحل

شيء مذهل انك كمحل حلويات شهير تاخد ارض في طريق اسكندريه كفر الدوار ومتعملوش مصنع لمنتجاتك المتعارف عليها زي الهريسه او البسيمه او حتي الجاتوهات وتستبدل الموضوع ده بعيش بيتي بان وتغرق بيه السوق كله وبسعر خرافي في التدني وتغير المنحي الاستهلاكي في سوق محافظه بالكامل 

اصبح البيتي بان في يد الجميع وبارخص سعر للرغيف

هنا شهد الملكه بيقول للناس كلها حاجتين:

 1 مش شرط علشان انت سلفي متبقاش ماسوني وتفكر في خطط ماسونيه

2 رساله واضحه ومباشره لكل الشركات اللي بتغلف العيش البيتي بان " كس ام عيد الام"

مقر مصنع البيتي بان بطريق الاسكندريه - كفر الدوار

 

رشفه اليوم

البنيكه بتهنيء الامه المصريه بعيد الفطر المجيد

وتدعوكم لصلاه العيد علي البحر ما بين صلاه السلفيين بسيدي بشر والاخوان بمحمد نجيب

 صيف وعباده وقهوه زياده

خضر العطار... غرفه علي سطح بيت الفن النوبي

إلي ---->   الزرطنيك

وعلي رأي المثل

" اللي يقولك قتل واللي يقولك قتل ودفن في بير السلم واللي يقولك قتل وأكل ..عيال وسخه "

 

رشفه اليوم

بص يا باشا سعادتك لازم ترسمني لاني يحدخلك التاريخ يا إما انت حتدخلني التاريخ

 علي فكره كس امك مهو ممكن يلغو التاريخ

علي عاشور

رشفه اليوم

 

برجوله (6) ضل طول اليوم مبيخشهاش شمس ومن هنا ميه ومن هنا ميه يعنى مفيش صهد , وشبشبك الزنوبه عشان لو الحصو بيضايق رجل سعادتك

من وحي    أحييه الزرطنيك.. الزرطنيك أحييه

شياطين اسطنبول

انا استغربت اوي لما عرفت ان مجدي صابر السينارست اللي عمل للعداله وجوه كثيره والرجل الاخر هو نفسه اللي كان بيكتب سلسله الفرقه الانتحاريه اللي كانت بتصدر عن دار ميدلايت المحدوده للنشر ومعرفش ليه هي كانت محدوده

 .

رغم ان رسومات اسماعيل دياب هي اللي كانت ليها الصداره في التسعينات السعيده الا اني كنت بفضل اغلفه الفرقه الانتحاريه بالوانها الغريبه والنساء المنفلته اللي كانت ساعات بتظهر علي الغلاف بصراحه مش عارف الاغلفه كانت من تصميم مين بس كانت جذابه جدا ف الفتره دي.

المكان الوحيد اللي كنت ممكن الاقي حد بيبدل (كصص) الفرقه الامتحاريه كان راجل بيقف بصندوق خشب علي تقاطع شارع صفيه زغلول مع شارع كليه الطب في محطه الرمل قدام عينو اللي دلوقتي بقي ماكدونالدز

  .

  انا عن نفسي ارشح شياطين اسطنبول للقراءه في الجو شديد الرطوبه ده من هنا مضيق البوسفور حيرطب معاك 

بلياردو التيتي

انا منبهر بالحمله الدعائيه لبلياردو التيتي في الاسكندريه اظن ان دي اكبر حمله شهدتها المدينه بعد الحمله الخالده لأكاديميه الابن الصاعد

بعد ما شوفت بوستر شيك لمرشح الرئاسه المحتمل (عبد المنعم ابوالفتوح) قدام كافيه ستاربكس في سان ستيفانو أحب اهمس في اذنه بنصيحه صغيره عليك بالتيتي 

قالك المركز التكنولوجي

المركز التكنولوجي

نطة اليوم

لقد اخترع المصريون القدماء الحب منذ ستة الاف عام ليتمكنوا من ممارسة الجنس مجانا

صديقه فنلنديه محبه