عمارة هيكل

محمود عبد السيد كان مدير الوحده الطبية في شركة راكتا وكان بيشتغل بعد الضهر في عيادة الدكتور العمروسي في عمارة هيكل يحجز الكشوفات ويسوق عربية الدكتور

جمال عزب دكتور مخ واعصاب قرر انه يأجر عيادة دكتور العمروسي ومحمود عبد السيد ويحط يافطه معدنية علي جدار عمارة هيكل في اول شارع امين فكري علشان ينضم رسميا لألهه الطب بمدينة الرب

خيري السمرة استاذ مخ واعصاب في القصر العيني بعد لما كشف علي جمال مبارك طلب من مبارك نفسه انه علشان يتأكد ويطمئن اكتر يستدعي دكتور من اسكندرية اسمه جمال عزب

اخر دورين في عماره هيكل كانو عباره عن فندقين فوق بعض " ايليما هاوس " و " هايد بارك "

الخبرا الروس اللي كانو شغالين في القوات البحرية ايام عبد الناصر كانو معاهم نوته صغيره فيها اسعار اللبن والعيش والجبن والحلويات علشان لما يشترو مستلزماتهم من محل " السد العالي "  - اللي هو جزء من مبني سينما راديو -  قبل ما يطلعو فندق هايد بارك اللي كان الجيش حاجزلهم غرف فيه بصورة دائمة يبقو عارفين هما حيدفعو كام بالظبط لعم مصطفي شاطر صاحب المحل

البنات بتوع مدرسة المنار اللي فاتحه في نفس الشارع اللي فيه عمارة هيكل كانو بيشترو الكراسات والحلويات من عند عم مصطفي بس علشان هو كان بيدلعهم وبيعلمهم ازاي يعاكسو الولاد بالنوبي 

البوابين بتوع عمارة هيكل مكنوش نوبيين كانو كلهم صعايدة من الخطارة وكان في واحد مخصوص لنضافه السلم وواحد لمتابعه الاسانسيرات والعماره كان ليها بابين واحد للسكان والزوار والتاني كان للخدامين واللي شغالين في الفندقين اللي فوق

لما مؤسسه الرياسه استدعت جمال عزب علشان يأمن علي كلام خيري السمرة مبارك شاور علي محمود عبد السيد وقال لعزب مين ده ؟؟ راح الدكتور ضحك وقاله ده دراعي اليمين وتخيل يا سيادة الريس كان عايز يسيبني ويهاجر امريكا راح مبارك رادد وقاله ده احنا نجيبهولك من علي سلم الطياره

الخبرا الروس كانو دايما بيلبسو شرابات قطن وصنادل صيف شتا ودايما بيفطرو باكو بسكوت وازازه لبن سيكلام فعلشان عم مصطفي يسهل عليهم الدنيا عمل جوا المحل درج بيتشد لبرا يتفتح علشان يحط عليه الراجل الروسي ازازه اللبن اثناء ما هو بياكل البسكوت وبحيث يكون ضهره ليه علشان الراجل الروسي ميتحرجش وهو بياكل

ديموس

ديموس كان شعره ناعم وتقيل فكان بيطوله ويسيبه كده حر ورا ضهره وكان مكنف دمبلين 15 ووزن وبار زجزاج علي السطوح كان بيتمرن بيهم كل يوم بعد العصر فتلاقي جسمه كان شادد ومقسم

كان بيروح يصطبح في الجمعية النوبية في شارع ابن الخطاب في محطه مصر هو وصاحبه صالح وكان بيبير مع صاحبهم التالت علاء في الجراج اللي في سابا باشا قدام نادي المهندسين ايام ستيلا ما كانت بتنزل ازايز بني

كان شغال في ورشة ابوه من وهو في اولي اعدادي وبالتالي لما راح مدرسه محمد علي الصناعية كان متصيت فشخ لانه كان اسرع احد يخلص التمارين المطلوبة منه رغم انه مبيحضرش حصة الورشة اساسا

اوضته كانت مدهونة اسود ومليانه بوسترات حميد الشاعري اللي مكنش بيفوتله حفله او شريط ومغيرش لونها الا بعد الواقعة الشهيرة لما في عيد ميلاده صالح وعلاء جابو الساوندات الخشب الطويله دي ومايك علشان يحتفلو بيه وسربو بت شرموطه من " المأوي " شربت معاهم دبوس في الاوضه ولما راحت منها مسكت المايك وقعدت تغني وابوه قطع علي الحوار وشال بوسترات حميد وبيض الاوضه ازرق .

ديموس كان مصاحب اخت صالح وكان بيروح هو وصالح واخته وعلاء البحر قدام وردة العصافرة كل يوم حد وصالح مكنش قافش خالص وبعدين يروحو يشربو تفاحة كاختراع جديد في قهوة  "حموده"    في ضهر قهوة "والي " في شارع تانيس

ديموس راح ليبيا سنة  ولما رجع اتجوز من شارع الجواهر في الحضرة ولسه شغال في الورشه بتاعت ابوه ومضيع فلوسه علي الفاكهه والكفته المشوية

• الصور من الاسكتدرية 1980 بعدسة manfred lentz

بدءا من نجوي وصولا الي أشرف

 انا وعزت ونجوي كنا صحاب 

انا ونجوي اتجوزنا 

انا وعزت ونجوي فضلنا صحاب 

لما كنت بقابل عزت كان وهو مروح علطول بيقولي " ابقي سلملي علي نجوي "

من فترة سمعت انه خد المحل اللي تحت البيت عنده وقلبه جامع ولما روحت اصلي العصر عنده واباركله قالي " متنساش والنبي تبقي تسلملي علي المدام "

عزت مكنش عاجبه نظام القلل اللي بتتحط علي مدخل الباب في الجامع راح دخل جمعية وقبضها التالت وراح اشتري كولدير للجامع وافتكر ا اني روحت الجامع اصلي المغرب  اباركله ع الكولدير راح قايلي " متنساش والنبي تسلملي ع الجماعة "

عزت طلع معاش وقرر انه يزود دخله علشان فرق الحوافز اللي راح لما طلع معاش بانه يعمل جمعية في الجامع ويطلع عمرات للرواد فانا روحت اصلي العشا اباركله راح قايلي " متنساش والنبي تسلملي ع العيال "

                                      

مقدرش امنع نفسي من ابتسامة لما اشوف واحدة ست راجعه من السوق ولمحت صاحبتها جاية من اول الشارع تروح قايلة " ازيك يا اشرف "  تقوم التانيه رادة عليها " بخير والله يا حمدي " 

وجدي غنيم .... رجل الملايه والكبرتايه

كان دايما من مفاجات جامع الاخوان اللي جنبنا انه يجيب وجدي غنيم في خطبه جمعه او في درس بعد صلاه العشا ، كانو بيوزعو ورق قبلها في سيدي بشر عند الحي او بطول شارع ملك حفني ، وطول عمري كنت بحب الراجل ده وبستني اليوم اللي بيجي فيه الجامع وكان مرتبط في ذهني بصورته وهو لابس قميص صيفي نص كم وعليه كرافته ومعاه شنطه صغيره فيها ملايه وكبرتايه ، الخطبه بعد ربع ساعه بتقلب ضحك وشقلبظات من كميه الافيهات اللي بيرميها وجدي غنيم في الخطبه ، ابويا كان بياخد منديل مخصوص علشان يمسح كميه الدموع اللي بتنزل من الضحك علي كلام الشيخ وكان بيحب يلبس زيه قميص نص كم عليه كرافته كرمز للشياكه ، كان ليا واحد صاحبي لما ميلقيش اعداد فلاش او سماش جديده من المكتبه اللي كنا بنبادل عندها الكتب ياخدني نصلي العشا في جامع عنده كل شرايط وجدي غنيم نخلص الصلاه ويروح مستعير شريطين لوجدي غنيم يتسلي بيهم في السهره

وجدي غنيم خريج تجاره وكان شغال في التجاريه للاخشاب وتقريبا وصل فيها لحد مدير عام ، وجدي غنيم حافظ كل افيهات الافلام وعنده سرعه بديهه في الرد مرعبه وخساره انه مطلعش ستانداب كوميدي كان حيبقي حاجه عالميه

هو كبر في السن دلوقتي وفقد كثير من بريقه ولطافته بس مازال بتطلع منه حاجات هايله تشفعله انه يكمل لحد دلوقتي

ارجو من الناس اللي محضرتش وجدي غنيم نجم نجوم التسعينات في شبابه انهم يبطلو يقولو عليه عنصري او ارهابي او مخبول

وجدي غنيم اسطوره سكندريه خالصه لها بريقها ولها تاريخها اللي مش حننساه يا انجاس يا شراميط

الناس ممكن تبص هنا علي نوادر الشيخ وانا برشح حوار مع المفتي والضلال الفني   

كائن لا تحتمل خفته ...فشخ

Mia Tyler

 

Mia Tylerةة

mia tyler

 

Nikki Blonsky

 

 

Mia Tyler

Christina Schmidt

 

Charlotte Coyle

Charlotte Coyle

 

 charlotte coyle

Emme Aronson

 

 

Jill Scott

 

 

Natalie Laughlin

 natalie laughlin 

 

 

Natalie Laughlin

Natalie Laughlin

Natalie Laughlin

 

Charlotte Coyle

Charlotte Coyle

Mia

جمال بورتو

الجمال بقي في الصوت اللي في الفيديو اللي فوق 

اسم مجهول واغنيه عظيمه وخساره علي عدم امكانيه سماع شغل تاني ليه

بس الحياه دايما بتبهرنا وبتقولنا اسعي انت بس وانا حراضيك 

انا سعيت ولقيته وجيبت منه البوم كامل وانبسطت

الالبوم

فصول من مذكرات محبي احمد سراييفو

 “ لا يستطيع الاشخاص النابهون ، فيما وراء نقطه معينه ، ان يتخطوا موروثهم الثقافي والاجتماعي ، عندما يعزل الاذكياء انفسهم ويفتخرون بذلك ، فإننا نتساءل ما اذا كانو اذكياء فعلا .

ان علم الرياضيات يرينا كيف ان الثقافه عندما تعزل نفسها عن الحياه اليوميه كبشر تصبح كهنوتا ورياضه عقليه فقط ، فإنها محكوم عليها ان تسقط في الخرافه . 

لن يكون اي مجتمع امنا اذا وقع في ايدي حفنه قليله ( منعزله ) من الناس " الاذكياء"

 لانسلوت هوجبن

“ عندما يعرض علي الطلبه مساله تتطلب منهم تحديد مكان سقوط قنبله من الطائره ، تكون اجاباتهم خاطئه .

الاجابه الصحيحه – التي يرفضونها – هي ان القنبله سترتطم بالارض عند النقطه التي ستكون الطائره فوقها لحظه الارتطام .

العلم ليس فقط يفسر "اللامعتاد" باسلوب معتاد ، وانما ، علي العكس ، فالعلم غالبا يفسر "المألوف" بطريقه غير مألوفه .

لويس وولبرت

“ ان الحيوانات العليا ليست اكبر حجما من الحيوانات الدنيا لانها اكثر تعقيدا ، بل علي العكس هي اكثر تعقيدا لكونها اكبر حجما "

جي بي اس هالدين

“ نحن لسنا مثل مجتمع الحشرات ، فهم محكومون بطريقه واحده لعمل الاشياء وسوف يفعلونها للابد .

انما نحن مختلفون . نحن لا نتبع النظام الثنائي : اذهب او لا تذهب ، انما نحن نستطيع التفكير باربع طرق مختلفه : اذهب، لا اذهب ، ربما اذهب ، ثم لماذا لا احاول الذهاب .

نحن في تتابع مستمر للمفاجات طالما ظللنا احياء . نحن نستطيع ان نبني اشياء  للمجتمع الانساني لم تبن من قبل ، افكارا لم يفكر فيها احد من قبل ، موسيقي لم نسمعها ابدا من قبل .

لويس توماس

“ الاشياء التافهه مهمه في الطبيعه ، لكن العلماء لا يحبون ان يختتموا حياتهم بالكتابه عنها . فالعلماء البارزون من ذوي اللحي  يحبون في اخر حياتهم ان يكللوها بافكار واقتراحات فخمه تتعلق بتشكيل المستقبل .

ستيفان جولد

“ في كل ميادين الفكر التي تخص الفلسفه والعلوم وايضا في مجال الكتابه الادبيه فان الكاتب الذي لديه شيء مميز ومهم ليقوله للناس لا يمكن ان يغامر بكتابه شيء لا يفهمه الاخرون

ان الذين يتبنون الغموض في الكتابه هم كتاب اما غير موهوبيين او شريرون بطبعهم

بيتر ميداوار

“ هل نعرف حقا ان فلسفه العلوم توازي في اهميتها العلوم نفسها ؟

ريتشارد داوكنز

النائك من ورا والخائف من الخرا

الحزين : بس انت بتقول انها كبيره في السن ، بتعمل ايه بقي مع مشكله ال wide pussy   ؟

القبطان : والله ساعات كتير بنيك من ورا

الحزين : يا راجل بس انا اسمع انك لو نيكت من ورا ممكن يتعاص خرا ؟؟

القبطان بيولع سيجاره وبينفض للسؤال تماما

الحزين : اللي اعرفه انك لو نيكت من ورا بيجيب معاك خرا

القبطان : لا مهو الاجانب نضاف

الحزين : لا خلي بالك لو بتاعك طويل ( وشاور بصبعه علي السبابه)  حيجيب خرا

القبطان : يا سيدي لو خايف من الخرا متنكش من ورا

الوهج

" لو انت بالغ وشفت طير مهاجر فعربنه وعطف ولطف "

الحب هو تلك العلاقة غير المبررة غير الخاضعة لأية اشتراطات أو قوانين، لأية

 قيود أخلاقية واجتماعية، أو أية التزامات لقواعد بروتوكولية ملزمة، لا هدايا رأس

 سنة، الحب غير خاضع لمواعيد سنوية للاحتفال بأول لقاء وأول تلامس يدين، ولا 

أول قبلة ولا خطوبة بالطبع، ليس هدايا ذهبية أو ماسية متوقعة في مواعيد محددة، الحب ليس حفلات قران، وطفلين يملآن البيت ثرثرة، يأتون للحياة لتشغيل عدّاد الأحياء، وتزويد عدد التعساء على وجه الأرض، أطفال لاستكمال الصورة الجميلة الوديعة المستقرة في صورة امراة ورجل وبينهما طفلين تزين الصالونات والموائد الجانبية في البيوت، أوتستقر في ألبومات صور تعرض على الأصدقاء والأهل، لنيل بوانص الرضا والنصيب العادل من الحسد والغيرة.

ساتان رمادي

عزيزتي نورا  :

ازيك وعاملة ايه وياترى الحياة اخدتك لفين , اتجوزتي ولا لسة سنجل  , ياترى اتحجبتي زي كل البنات بتوع جيلنا تقريبا اللي كنا نعرفهم وضربتي كارينا زيهم, ولا لسة روشة وشعنونة زي ما انتي, ما تعرفيش انتي وحشاني ازاي وبتيجي على بالي قد ايه , اوقات كتير بالليل  بقعد افتكرك وافتكر ايامنا الخوالي وايام صياعتنا وشقاوتناو واصحى اكتب حبة في الفيس بوك عن جمل كنتي قلتيها او موقف حصلنا , من كتر ما انا نفسي اكلمك ومش عارفة اوصلك قررت ابعتلك رسالة كنوع من تفريغ كل شحنة الكلام اللي جوايا انا عارفة ان الرسالة مش هتوصلك بس اهو على الاقل اكون طلعت اللي جويا من ذكريات محصراني , وحنين ليك هيموتني

, فاكرة يا نورا  قد ايه كنا صغيرين ومقططين وكنا ناقمين على ده اوي علشان كل البنات اللي من شلتنا كانوا بقوا عمالقة الا احنا , فاكرة مدى رغبتنا في ان يبقى عندنا خط الاستواء الخط اللي بيفصل بين الصدرين زي ما كنا مسمينه, فاكرة لما مدرسة علم النفس بنت الوسخة طبقت نظرية اللي بيعانوا من داء الفروق الفردية بمثال زي البنات اللي  صدرهم صغير وانا نزلتلك مبضونة وانتي قعدتي تقولي دين امها وتهديني, فاكرة يا نورا قد ايه كنا بنكره مياعة البنات وعلوقيتهم وكنا بنحب لبس الرابرز والجزم الاسبورتيف خصوصا ماركة ليكوكسبورتيف وتيشرتات اللي شبه بتاعة الكرة اللي كانت ماركة اسمها امبرخر المانية, فاكرة كنا بنمشي حاضنين بعض وطولنا تقريبا زي بعض و ونقعد نغني  اغاني لعدوية, فاكرة عربية البطاطس اللي كنا بنروح ناكل فيها شبه تلات مرات اسبوعيا جنب جراند مول ونقعد نتفرج على المزز, فاكرة لما فجاة انتي خليتي بيا وكملتي نمو وطولتي وبقيتي عندك خط استواء وسبتيني اعاني من داء الفروق الفردية لوحدي , انا فاكرة كويس اول برا جالك هدية من كندا وكان وهمي وشيك فشخ ولونه رمادي وفيه ساتان ودانتيل وكان مش قدك بعد ما كبرتي كدة وبقيت مقلوظة واديتهولي هدية وكان اول برا البسه في حياتي هدية منك و انا فاكرة قد ايه انا كنت ضد فكرة البرا وانه ايه لازمته لو احنا صدرنا مش محتاج , بس انتي بصراحة بهرتيني بالبرا ده وعجبني وخلتيني اغير فكرتي وبقيت مجنونة بشراء البراهات عموما, فاكرة يا نورا الواد خالد لما سميتيه خالد موج البحر , فاكرة قعداتنا في بيتك في دار السلام واحنا بنتفرج على افلام عادل امام بتاعة السبعينات والتمانيات  وايمان اختك تحضرلنا الجيلي والكبدة الاسكندراني, انا فاكرة كويس المش بتاع امك اللي عمري ما دوقت زيه لحد دلوقتي و امك وحشتني اوي يا نورا, فاكرة  لما كنا دايما نفسنا نسهر في راس السنة وكنا دايما بنروح نقضيها ياما عند عربية البطاطس ياما عند فاميلي لاند ونسيب البت بسمة عصام تظبط مع صاحبها واحنا قاعدين نتفرج على اللي رايحين والي جايين كعادتنا ,  كان نفسنا نسهر اوي  في راس السنة وعمرنا ما عرفنا نعمل ده  , دلوقتي يا نورا بعد ما بقيت ينفع اعرف اسهر احب اقلك اني مبحبش الجو الملزق والصخب والترتر واللي بيلعللط بتاع راس السنة ياترى انتي سهرتي مرة ولا لسة, فاكرة يا نورا اول بوسة اتبستها في حياتي كانت قدامك كانت مع اول حد ارتبط بيه فعليا فاكرة وعلقتيلي على البوسة بعد كدة  تعليق بهرني, فاكرة يا نورا لما فاتورة تيلفون بيتنا جتلي 8 الاف جنيه وطبعا ده كان رقم مهوول ساعتها   وانا كنت علشان برغي مع الواد صاحبي طول الوقت ولما عرفت ان اهلي هيجبوا كشف بارقام التيلفون بعتلك رقمه وقلتلك قولي انه رقمك  وشيلتيني في الموقف ده وعدى على خير و رغم ان التيلفون اتشال بس انتي دايما كنتي جدعة معايا يا حبيبتي , انا مش عارفة افتكر ايه ولا ايه بس انا نفسي  اشوفك اوي ونقعد نضحك ونرقص ونغني وناكل ونعاكس البنات زي زمان , فاكرة يا نورا لما كنا بنلبس واسع زي الرابرز وكاسكيت او بريه ونمشي مع البت بسمة مزة الشارع بتاعي وكانوا الولاد بيبقوا مش عارفين احنا ولاد ولا بنات, انا عندي امل يا نوراتي اني اشوفك وهفضل عايشة على الامل ده كمان نفسي تعرفي بنتي اوي اكيد هتحبيها وهتحبك هي مش بتعرف عربي اوي بس من اول الكلمات اللي عرفتها كانت نورا, بحبك  يا نورا واتمنى تكوني منطلقة وسعيدة وزي ما انتي وما اتغيرتيش زي ناس كتير نعرفهم , اشوفك على خير وتجمعنا قعدة مش وعيش من بتاع امك اللي بتعمله في فرن بيت جدتك. سلام يا صاحبتي