قالك المركز التكنولوجي

المركز التكنولوجي

نطة اليوم

لقد اخترع المصريون القدماء الحب منذ ستة الاف عام ليتمكنوا من ممارسة الجنس مجانا

صديقه فنلنديه محبه

heshk beshk

randa kamel

 

anna borisova

 

Anusch alawedian

Ebru becker

الكفته اولا يا ولاد الكلب

 

شارع المعهد الديني في العصافره قبلي في عصر المحافظ محمد عبد السلام المحجوب كان عباره عن سوق من كتله واحده وممرات صغيره بين الاكشاك والعشش علشان الناس تعرف تمشي وتشتري وطبعا لا تكفي لمرور السيارات علي الاطلاق . اي حد من شرق الاسكندريه يعرف يعني اي المعهد الديني وايه اشكال الناس اللي كانت بتفرش وبتبيع هناك . عبد السلام المحجوب عمره ما فكر ينقل السوق من هناك اوحتي ينظم العمليه شويه .

عادل لبيب لما مسك اسكندريه عمل سوق بديل في شارع تلاتين مكان مغلق مجهز يكفي لكل الباعه الجائلين في سوق المعهد الديني ويفيض طبعا البياعين رفضوا وفضلوا متمسكين بالسوق القديم .

حمله من شرطه المرافق والامن المركزي نقلوا الناس من السوق بعد معركه طاحنه وبعدين الاكشاك والعشش اتشالت والسوق اترصف واتحط فيه زرع وبقي حارتين رايح جي وبقي طريق رئيسي زي شارع 45 بالظبط والبياعين اللي كانو فارشين في نص الشارع راحو السوق اللي في شارع تلاتين وبقت الحياه ممتازه .

علي فكره سوق المعهد الديني رجع تاني وبصراحه الناس الغلابه لازم تفرش وتسترزق والمفروض نأجل الدستور ونحاول نساعدهم في بناء العشش والاكشاك تاني وميرجعوش السوق البعيد الوحش لان الفقراء اولا

-----------------------------------------------------------------------------

انا مقدرش انسي شكل عربيه المطافي اللي اتسرقت وكان بيسوقها شاب عريان الا من شورت احمر ماسك ميكرفون بيغني العنب والعربيه عليها ما يزيد عن 40 او 50 فرد  ووراهم عربيات نص نقل مليانه بشر وسلاح ابيض مش فارق معاهم اذا كان الدستور الاول او لأ فعلا ، في طريقهم لاحراق قسم سيدي جابر بعد الانتهاء من مهمه قسم باب شرق . نظره الخوف والفزع في عيون المتظاهرين اللي هم من بتوع الدستور اولا لا تنسي ليس فزع من الشرطه او الامن المركزي بل فزع من سياره المطافي وما يحوطها من بشر .

 ------------------------------------------------------------------

ملاحظات غير ثوريه

الكلام اللي بيقوله محمود عزت في اللينك اللي فوق وهو كان احد اطباء المستشفي الميداني في التحرير تقريبا اتكرر معايا وناس كتير اعرفهم في القاهره واسكندريه ومحافظات اخري كان فيها مركز رئيسي للتظاهر والاعتصام . ناس كتير من اللي مش فارق معاها الدستور اولا كانت عايزه مبارك يكمل ال 9 شهور او حتي يكمل علطول (علشان احنا مش لازم ننسي انجازات مبارك ).

 كان ساعتها المفروض فعلا نسمع الفقراء اولا ونشوف كانو بيقولو ايه

-----------------------------------------------------------------

المفروض عسكري الامن المركزي الطبيعي لما الظابط يقوله اضرب يعمل ايه؟؟ مش حيسمع كلام الظابط ومش حيضرب وسينتصر للانسانيه .

بعد المظاهره لما تنفض والناس تروح بيوتها العسكري اللي مضربش ده حيروح المعسكر والظابط اللي قاله اضرب ومسمعش كلامه حيعرفه بحق ربنا ازاي ينتصر للانسانيه كويس بعد كده وابقي قابلني لو حد افتكره .

علي فكره عسكري الامن المركزي مجند مش موظف وغلبان ولما حيخلص الجيش بتاعه ويخرج مش حيكون فارق معاه الدستور الاول ولا لأ ده اذا كان لسه عايش ومتحدفش عليه مولوتوف في العربيه

----------------------------------------------------------------

دايما بافكر لو انا ظابط وجالي امر بفض تجمهر او مظاهره الحل حيكون ايه ؟؟؟

علي فكره في اليونان في الاحداث الاخيره لما اعتصمو قدام البرلمان الامن بردو ضرب عليهم قنابل مسيله للدموع لفض الاعتصام

 

فريق دعم المسلمين الجدد

حارس مرمي : علي فرج  (حرس الحدود)

الدفاع :

عمرو عادل                   (وادي دجله)

احمد زغلول                  (الانتاج الحربي)

حماده السيد               ( المقاولون العرب)

عمرو حسن                    ( بتروجيت)

الوسط:

محمد ثابت صاروخ         ( مصر المقاصه)

اشرف خميس            ( طنطا)

حسين فهمي                ( الاتحاد)

جمعه مشهور         ( الانتاج الحربي)

الهجوم:

سامح العيدروس        ( مصر المقاصه )

 عاشور التقي    ( وادي دجله)

الجهاز الفني:

مدير فني : مختار مختار

مدرب عام:  ربيع ياسين

مدرب مساعد : احمد الكاس

مدرب حراس مرمي : أحمد ناجي

مدير الكره   ( محمد رمضان)

استديو التحليل:

 طه اسماعيل

   

جمال عبد الحميد

برعايه الدعوه السلفيه بالبنيكه 

شكر خاص للشيخ محمد الكومي

كيله وسيله

وقعت هذه الحادثه في احد ازقه الجزيره الخضرا بمنطقه درباله

اللي بيقول ان الشرطه لسه مرجعتش وان في انفلات امني وان ده الشيء الاساسي اللي معطل عجله الانتاج عن الدوران عايز اقوله (حمرا)

كالعاده محمود عسل كان مدور عجله الانتاج وواقف بنصبايه عسل وطحينه وزتون اسود علي اول الشارع

 وكالعاده برده ابن ام كطاطا كان واقف بيبع بيسه علي اول الزقاق برده ومفيش اي عجل متعطل ولا حاجه .

هل بقي ذنب الشرطه ان يجيلك واحد ملتحي ويصر علي ان ابن ام كطاطا ميصحش يقف يبيع علي مدخل الشارع بحجه ان الحريم طالعه داخله طول النهار وان الاشكال اللي بتيجي تقضي من ابن ام كطاطا مش ولابد يعني .

طيب مهو ابن ام كطاطا بيبع من زبلين سنه والراجل الملتحي جاره من زبيلن سنه برده والحريم طالعه داخله الشارع من نفس المده اشمعني اليومين دول يعني وكمان مهو محمود عسل عامل اشغال طريق وده برده مش في الاسلام زي البيسه بالظبط ولا علشان محمود عسل ملتحي هو راخر.

طبعا ابن ام كطاطا شبط مع الملتحي راح محمود عسل انحاز للملتحي راح اخو ابن ام كطاطا نزل من بيتهم وانحاز لاخوه راح ابن محمود عسل نط من الشباك لانهم ساكنين في الدور الارضي وانحاز لابوه راح واحد من اللي كانو بيقضو من ابن ام كطاطا انحاز لابن ام كطاطا .

 بقت المعركه تلاته ضد تلاته واكيد كفة ابن ام كطاطا هي اللي رجحانه، راح واحد من بيت محمود عسل نزل هو وصاحبه يسلكو العركه قام الواد اللي كان بيقضي من ابن ام كطاطا مناوله واحده بالمطواه في دراعه بغشوميه قطعله وتر.

هنا بقي الزقاق زاط علي ابن ام كطاطا واخوه واللي كان بيقضي منه .

الانسحاب التكتيكي كان هو الحل الوحيد قدام ابن ام كطاطه واللي معاه راحو طالعين بيتهم وقفلو الباب الحديد وطلعو علي السطوح .

طبعا محدش في البيت بتاع ابن ام كطاطه قدر ينزل يفتح الباب للجحافل اللي تحت في الزقاق خوفا من الجحافل ومن ابن ام كطاطا برده.

السطوح كان في ازازتين حاجه ساقعه وخرقه قديمه وجركن بنزين .

لو تاخد بالك انا راسم موتوسيكل في الصوره اللي فوق ده بتاع اخو ابن ام كطاطا  اصله شغال في كوبانيه الميه فني ومستلمه عهده وعلشان كده في جركن بنزين علي السطوح مش من اجل الحبكه الروائيه خالص يا خفيف.

كالعاده اي شاب ساذج حيقولك ازايز وخرقه و بنزين يبقي حيعملو مولوتوف كالعاده ويحدفو علي الناس اللي تحت مش بقولك ساذج يا باشا هما ازازتين بس مش حيعملو حاجه مع البشر اللي تحت دي.

في الرسمه اللي فوق برده لو مركز انا كاتب ان الزقاق ضيق جميل كده راح المعلم اللي علي السطح دلق من الجركن بتاع البنزين علطول علي بلكونات الزقاق بما فيها من غسيل او قماش ستاره البلكونه وعلي الناس اللي في الزقاق وقام عمل فتايل من الخرقه وولعها ورماها (حركه صايعه نيك).

طبعا انت متخيل ردة فعل الناس ايه لما تتحول سماء الزقاق الي قطع من الجحيم يتساقط عليهم ولما تمسك النار في كابل الكهربا العريان اللي من ايام شركه ليبون الفرنساوي.

طبعا ابن ام كطاطا كسب والناس هربت من الزقاق وبحركه تخلوا من رجوله كلمو مأمور قسم شرطه المنتزه(نياهاهاها)

 ظالمين انتم العالم دي علي فكره انت لو مكان مأمور القسم حتيجي لامؤاخذه في الظمبليطه دي؟؟ طيب لو ابن ام كطاطا رمي حاجه علي الظابط قام الظابط ضرب عليه نار موته حيبقي ابن ام كطاطا شهيد ثوره ، يعني كسم الناس علي كس ام ابن ام كطاطا  ومش رايح، بس كلمه للتاريخ الراجل جه الزقاق وخبط علي الباب والناس فتحتله وطلع مسك ابن ام كطاطه واخوه والولد اللي معاهم من علي السطوح وطلع بيهم علي قسم شرطه المنتزه ( علي فكره بنفس السهوله اللي كتبت بيها الجمله اللي فاتت دي ولا كأنه طالع يحصل وصل غاز) فين بقي الانفلات الامني !!!

عم علي ابو كطاطا كان في مستشفي االميري ساعتها محجوز ، حد من الزقاق كلمه وحكاله اللي حصل لعياله راح الرجل عمل محضر في القسم ضد اسلام سمك كإجراء احترازي بيتهم فيه اسلام سمك انه اتهجم عليه وضربه وبعد لما اخد رقم المحضر رجع علي الميري تاني من غير ما يكلم او يطمن علي عياله.

اسلام سمك ده القطب التاني في الزقاق مع ابن ام كطاطا ده سعادتك فاتح سايبر وعنده ترابيزه بلياردوا حتلاقيه بيعرج شويه ده بسبب انه اخد طلق ناري في ركبته من يجيي سنتين بسبب مشاده بينه وبين مجموعه عرباويه من شارع 30 ( قرايب العتي عضو مجلس الشعب عن دايره المنتزه 2000) وهو اللي تزعم حشد الناس في الزقاق ضد ابن ام كطاطا عم علي عارف ان ده الوحيد اللي ممكن ياخد حق الزقاق من عياله الاتنين.

طبعا اسلام سمك علي علاقه كويسه حتي الان بمخبر في قسم المنتزه بعد لما عم علي عمل المحضر المخبر اتصل باسلام وبلغه بإن في حد اسمه علي .... عمل ضده محضر بالتعدي

لو الناس تفتكر يوم الجمعه الفجر27/5 حصل محاوله هروب من حجز قسم شرطه المنتزه ونجح 28 واحد في الهروب كان من ضمنهم ابن ام كطاطا .

طبعا بعد لما الاهالي طفت النار اللي في الزقاق عملو قعده عرب بقياده اسلام سمك وخدو قرار ان عيله كطاطا كلها تعزل من الشارع يا اما عيال كطاطا الولاد الاتنين يتقتلو.

اسلام سمك اخد موتوسيكل اخو ابن ام كطاطا رهينه.

 يوم الجمعه بعد الصلاه كانت في مظاهره حاشده طلعه من درباله بتنادي بالدستور الاول قبل انتخابات مجلس العشب و اسلام سمك كان قاعد ساعتها علي الموتوسيكل علي اول الزقاق مستني ابن ام كطاطا يجيي علشان ينتقم.

كيله وسيله: يعني كلام كتير بلا فائده

يقضي: يعني يشتري مخدرات من ديلر

زبلين: يعني زبروميت يعني عدد كبير

 

تيمور الملواني

" من رأى منكم منكرا فليغيره بيده، فإن لم يستطع فبالجزمة يا ولاد الكلب"

مخلوقات البلوجلايز

فى يوم من الأيام ، ظهر لغزان محيِّران ، حيَّرا أهل البلاد ، وشغلا أحكم حكماء القرية لسنوات طويلة ، فكلما بحثوا عن قلم رصاص ، لم يجدوه

وكلما بحثوا عن مبراة ، وجدوها محشوة بنفايات برىّ الأقلام . لقد كان الموقف مزعجا للجميع

فلما بلغ قلق الجماهير أشده ، وثارت الناس، شكَّلت الحكومة لجنة من من المفكرين والفلاسفة المرموقين لبحث الأمر ، ولإعداد تبرير مناسب لتهدئة

الجماهير الثائرة ، اجتمع الفلاسفة وتشاوروا تحت ظروف مرهقة وشاقة للغاية ، الاضطرابات فى ازدياد ، كما وأن صبر الناس آخذ فى النفاذ

حتى علا صخبهم مطالبين بالنتائج ، وأخيرا ، وبعدما بدا للجميع أنه وقت طويل جدا ، مثلت اللجنة أمام رئيس الدولة ، للإفصاح عن نتيجة

مشاوراتهم بشأن اللغزين المرتبطين

فى النهاية ، كان الأمر بسيطا للغاية ، فنظريتهم تقول : بأنه يعيش تحت الأرض ، أعداد كبيرة من الأقزام اسمهم ” البلو جلايز” ، يصعدون فى المساء والناس نيام ، وينطلقون بسرعة ، فيجمعون كل الأقلام الرصاص، ثم يُسرعون إلى البرايات ، حيث يقومون ببرى الأقلام حتى آخرها ، ثم يعودون بعد ذلك إلى باطن الأرض ، وبهذا هدأت ثورة الجماهير

من البديهى أن هذه النظرية العبقرية جاءت بالإجابة عن اللغزين بضربة واحدة

والسؤال

لماذا يا ترى تُعتبر نظرية ” البلو جلايز ” نظرية غير علمية

الإجابة واضحة وبديهية ، فالنظرية مخطّطة لتتلاءم مع مجموعة واحدة من المعطيات ، ولا يمكن تطبيقها فى أى مكان آخر

كما أنها لا تتنبأ بشئ جديد. من المعروف فى السابق، أن النظريات المشابهة لنظرية “البلوجلايز” ، لم تنتج أية معرفة جديدة، كما لم تعط

أية قواعد أو مؤشرات يمكن الرجوع إليها لتخبرنا متى يمكننا الاشتباه فى تورُّط هذه المخلوقات فى أى حدث من الأحداث الأخرى


لا يجب نسيان أن “البلوجلايز” – بالتعريف – ، مخلوقات لا يمكن مراقبتها ، فهم يصعدون فى الليل حيث لا يراهم أحد ، كما أننا لا نعلم

شيئا عن طباعهم وميولهم الأخرى . على ذلك لا ندرى ماذا يمكن أن نتوقع منهم عند خروجهم فى المساء، بخلاف مسألة الأقلام الرصاص

بمعنى آخر، لا توجد نواتج يمكن اختبارها فى نظرية ” البلو جلايز” ، وعليه ، فلا يستطيع أحد حتى أن يفكِّر فى تصميم تلك الاختبارات

و من الطبيعى ، فى هذه الحالة ، أن يستمر الناس فى الاعتقاد بوجود ” البلوجلايز ” – كموضوع إيمانى – كيفما شاءوا ، طالما رغبوا فى ذلك

وندل جونسن

شكوي للعسكر

هوامش علي دفتر الوكسه

" أنشيء علي مبعدة من وكاله الخضار بالحضره منطقة سكنيه بنيت علي أرض زراعيه ، وهي منطقه سموحه ، سكانها شريحه إجتماعيه لها أسلوب حياه متأمرك ، شريحه تعيش بمنطق المستفيد غير المتورط . تخطو نحو التمايل والانعزال داخل مساحه عمرانيه تحتوي علي مصادر الاشباع مولات وعلب سينمائيه وصالات بلياردو ومقاهي انترنت ومطاعم علي الطراز الماكدونالدي ووسائل علاج سياحيه ومدارس للصفوه . ان المستعمرات أو المستوطنات المعزوله أحد ملامح التغير الاجتماعي العشوائي ، وأحد مستلزمات إضعاف التعارض وشل وحدة الافراد الاجتماعيين، فوجود وسائل الاشباع وممارسه الحريه الفرديه في دائره الذات التي تعي احتياجها فقط ، جعلها غير مهتمه بالتاريخ أو التفكير في المستقبل كيف يكون ."

حودايت الشوارع-عادل النحاس

علشان كده الرب غاضب علي سموحه وتقريبا مفيش وسيله مواصلات داخلها تنقلك الي أي مكان خارجها

"ما ملأ ابن آدم وعاءً قَط شراً من بطنه، بحَسب ابن آدم لُقيماتٍ يُقِمنَ صُلبه ، فإن كان لابد فاعلاً :،فثلُث لطعامه، وثلث لشرابه، وثلث لنَفَسِه"

حديث شريف

معرفش ليه متهيألي ان الشيخ عبد المنعم الشحات –المتحدث الرسمي باسم الدعوه السلفيه بالاسكندريه- مخدش باله من الحديث ده بالذات لما بشوف الكرش وهو حيهرب من القفطان بتاعه

"وما يفعله بعض ادبائنا الذين شاركوا الغواني في لباسهن والمخنثين في اخلاقهم، من ارتيادهم الطرقات والمنتديات، وهم كلما رأوا سيدة عارضوها في طريقها، وأسمعوها من بذاءة أقوالهم ما يحمر له وجه كل حر خجلا . وأنكي من ذلك وأشد وقاحه شراؤهم الصور القبيحة وإبرازها أمام كل مخدرة يلتقون بها . فتأخذ تلك المسكينه الرعدة من هذه السفالة. ولا يزالون في اثرها حتي تلج حانوتا ،أو تركب مركبة تخلصاً من شرهم، فيغرقو إذ ذاك في الضحك . هؤلاء غير رجال وخط الشيب رأسهم ، تجدهم عصاري كل يوم في محطه الكهربائيه العموميه ، يركبون القطار ذهابا وجيئه، وليس لهم من أرب سوي التهكم وإبداء سفالتهم لكل امرأة يجدونها في القطار وحدها ، ولا رجل معها.

وفد اتخذت محطات الترام أمكنة صالحة لتقابل العشاق، ومغازلة النساء والاحتكاك بهن ومطاردتهن وبلغ الفساد مبلغا لم يشاهد في البلاد الاجنبيه ، فقد عثروا في يوم واحد علي ثلاثة عشر لقيطا في جوانب القاهرة "

صحيفة المقطم

19-8-1898

انا كنت بحسب التحرش ده ظاهرة جديدة ظهرت في نفس وقت ظهور المدونات وبرنامج العاشره مساءاً واشتدت وطئتها مع انتشار الفيسبوك بس ظهر ان الترام الكهربائي هو السبب والعتبه علي صحيفه المقطم .

"مازالت أغاني مايكل جاكسون تشعرني بالقشعريره والنشوة أكثر من دعاء الشيخ محمد جبريل في ليله القدر بمسجد عمرو بن العاص"

محب لمايكل جاكسون