رشفه اليوم

انا بحب المالطي

شقه

منا مقدرش اصاحبك من غير ما اعرف مساحه شقتك وعندك بلكونه ولا لأ

اقولك

شقه من 40 الي 60 متر البشر اللي فيها ليهم مواصفات خاصه عن شقه من 70 الي 90 انما 100 متر وانت طالع دخلت في حته تانيه

من 40 الي 60 متر الناس يا تخينه اوي يارفيعه اوي تخين ده بيحب القاعده في البيت بس مفيش مساحه يتحرك فيها انما لو رفيع ده مبيقعدش اصلا في البيت طول النهار بره من الخنقه

من 70 الي 90 دايما بيكون جسمهم كويس كرش صغير بس انما السمنه محدوده

من 100 وطالع يتلاعب بهم القدر براحته وملهمش شكل محدد

من 40 الي 60 مش متداخلين اوي مع الناس لانهم مبيعرفوش يعزمو حد ولو عزموه بيبقو مكسوفبن طول الوقت ومتكتفين فبيزورو ومش بيتزارو

من 70 الي 90 موضوع ان حد يجي الشقه ده لازم يكون لحاجه ضروريه الولد عنده امتحانان وصاحبه جي يذاكر معاه او عازمين نسايبهم انما برده متقفل عليهم العيال بقي بتبقي خبيثه بيعزمم صحابهم لما باقي الناس تبقي بره ويبرتعو هم بقي

من 100 وطالع بيلعب علي الحته دي عند باقي التصنيفات يعزم ابو 40 او ابو 90 ويتفشخر وهو متاكد ان التاني مش حيعرف يرد الزياره او مش حتكون بنفس الاريحيه العيال مش حتلعب في اوضه لوحدهم مفيش سفره بعيده عن الانتريه فبيزل الفئتين الادني اوض العيال بتبقي دايما اماكن تجمع الاصدقاء لانهم بيكونو مفصولين عن باقي الشقه(مساحه بقي)

واكيد اللي عنده بلكونه علي الشارع غيراللي عنده بلكونه في الزقاق اللي جنب الشارع غير اللي معندوش خالص البلكونه في الزقاق بتخليك سوس بس لانها غرضها الاول اعلان شيء ما زغرطه وقت النجاح او الخطوبه عراك مع الجيران نشر الهدوم الجديده المغسوله في اول المنشر انما فرجه واسترخاء مش دورها( دي صوره ثابته يا عم) اللي علي الشارع بتبقي اخلاق الناس وثقافتهم اقرب لثقافه الزحام اللامبالاه الثقه بالنفس البلكونه مقفوله اغلب الوقت ثقه في اعطاء العنوان لاي حد (مهو علي الشارع بقي) شديد الثقه بنفسه لدرجه انه ممكن يدي سواق مشرع عصافره بحري 75 قرش ويزعل بجد لما الراجل مياخدهمش منه طب اللي معندوش بلكونه بتلاقيه هادي جدا مش متوتر الشقه نضيفه اوي لانه عارف انه معندوش متنفس الا علي المنور يبقي يهدي ويؤدي واجبه صح لانه مش حيلاقي اوكسجين كافي في حاله النرفزه والفرهده ودايما ستاره شباك المنور بيكون ليها اثر كبير في ذكرياته بعد كده

تعالي ضم موضوع البلكونه علي موضوع المساحه تقدر تتطلع بمواصفات شخصيه لناس كتيير من مجرد معرفه مساحه الشقه ومكان البلكونه

عرفني بلكونتك اقولك انت مين

انتقام الشاب المتعاص

متخيلك وانت بتضغط enter او publish وبترجع بالكرسي لورا وتتنهد تنهيده ارتياح  وتروح قافل شاشه اللاب بتاعك وتاخد شفطه  خروب ساقع الان قد حصحص الحق دلوقتي بدأت معركه الخلاص مفضلش غير دول كمان اللي حيشتغلونا ويقسمو علينا دي هانت والله دانا ربيع ابو الاشتغالات دانا ربيع اللي صورتي بتتقص وبتتحط في القاموس جنب كلمه اشتغالات انا ربيع خبره 4 او5 سنين في بلوج سبوت ضهرك والزيت يعني طيب عينيك لمعت من الفرحه وانت كنت بتكتب البوست مسحت كلام وكتبته تاني اخدت راي حد من المستشارين استعنت بما تعلمته في الورشه  استدعيت شيطان الهامك وشخيت علينا البوست الفظيع ده ولا ده اقل حاجه عندك بتكتبه وانت بطرطر في احدي جلساتك المهمه في كافيه اكثر اهميه مع فطاحل وسط البلد اللي باركوها بسيجاره كليوباترا

تصدق بتتعب ياض والله بتتعب

انتقمت وهديت وومكن تقعد من غير ما تنقح عليك

اقول اللي في نفسي

مجموعه تجتمع مع بعض علشان يكتبو علشان بيخافو يكتبو لوحدهم احسن حد يعضهم دي مقبوله عادي الخوافين كتيير

ان يتزيطلهم علي اساس انهم نواه السرد الجديد وتفتح اي جرنان تلاقي صوره نص للاخ ربيع يواجهك بابتسامه تريد الاكتمال لتوقن ان مستقبل الادب بين يدي هذا الرجل ممكن برده يا راجل ده غاده عبد العال بتكتب سيناريو هي جت عليك

صحفي عامل موضوع عن احمد ترانس مش معقول الديسك هو اللي حيتصرف في صوره لترانس لان مين يعرف احمد ترانس غير الصحفي مربوحه سريعه ملحوظه من الجميع

الغريب بقي ان الواحد يزعل وبين قوسين يتقمص ويقول دول عالم بيضان هجاصه بق جيص مش عارف ايه هوبا ايه وبيقتلو المواهب الشابه بالنئد الفاضي علي اساس المكتبه العظيمه اللي انت سايبها وراك اوناوي تسيبها

اذا بوليتم فاستتروا ولا ايه يا شيخ ربيع

 مستني انك بعد الكلمتين اللي انت بتكتبهم دول حنقعد مع نفسنا ونندم علي ما فعلنا وعزمنا علي الا نعود لانك لا ياتيك الباطل من بين يديك ولا من خلفك واد ايه الصوره اتضحت قدامنا

منتظر اننا نشتمك وانت ترد ونشتمك وانت ترد وانت ترد  وتجيبلنا عيال من الفيسبوك تثبتنا وتطلع علينا بعيال من الجايكو منت قديم برده يا ربيع وليك حبايبك من الالهه السبع انت ولا ملحقتش الميكروباص ده

بتفكرني بواحد مجنون جه قام ضرب واحد معدي في الشارع وبصله بابتسامه لم تكتمل ووقف يريل علي نفسه ويشتم انا لو من الراجل اللي انضرب امشي واسيب المجنون يشتم ويريل لاني لو ضربته او شتمته ابقي مجنون زيه وممكن اريل بعد فتره زيه

اعمل اللي يعجبك انت اتشقلط اتنطط اشتم سب  اعمل ما بدالك ان شالله حتي تريل وقتك معايا خلص شمشم بعيد وداري علي سبوبتك

وعيش يا خطرمنش الورش المفقوده

قبل الوداع بس تسمحلي ابتسم ابتسامه لم تكتمل زيك ومتخافش مش حتطلع في الاهرام المسائي ولا الشروق دانا غلبان  ومليش انا مزيطيه زيك حبتسم بس واقولك رغم ان كان نفسي مقولهالكش

ربيع...... طيزك فوق

ملحوظه:

اسف جدا يا ربيع علي تاخير الرد لان النت كان فاصل بقاله اسبوعين وارجو تقبل اسفي

رشفه اليوم

سنتين وكلها حتروح المراغي

صديق من المراغي

CH3

سيد منصور احد اشهر مدرسي الكيميا في اداره المنتزه التعليميه بس مش بيشتغل في سنتر عبود لانه ميكفيش العدد الرهيب اللي بياخد عنده ، بيعمل مجموعه تقويه في المدرسه كزكاه عن صحته بحيث بيخفض السعر من 150 جنيه لحد 40 جنيه للطلبه الغير مقتدره وطبعا العدد محدود وبيعملو للناس كشف حاله هل ينفع يخش المجموعه دي ولا في حالات تستاهل اكتر منها .

عصام علي مدرس كيميا في نفس مدرسة سيد منصور هو مدرس عادي عدد الطلبه اللي بياخدو درس خصوصي عنده برده عادي في المعقول واكيد شهرته لا تقارن بسيد منصور علي الاطلاق وهو معترف بذلك ودايما بتيجي علي شفته ابتسامه ساخره خفيفه لو شاف مذكرات سيد منصور ذات الغلاف المصقول اللامع في ايد واحد من الطلبه في الفصل عنده او لو شاف الطلبه وهي بتجري ورا سيد منصور في الحوش علشان تسلم عليه مجرد ابتسامه ولا يمكن ان تتجاوزها الي سب او لعن او حقد ينفس في وجود طلبه درسه الخاص او حتي بين مدرسين الكيميا العاديين زيه اللي عدد الطلبه في الدرس الخصوصي عندهم عادي برده .

احمد السيد ده طالب عادي بيزق علشان يلحق علوم او هندسه لو الحظ جامله ، الظروف الماديه متعثره شويه مع اهله فبيضطر يعس في المعاهد علي مدرسين كويسين وبسعر معقول بدل الدروس الخصوصيه  اللي اكيد مش حيتحمل تمنها ، احمد اكيد هو اول طالب حجز عند سيد منصور في مجموعه التقويه وهو متاكد انه حيجيب 50 كيميا واللي بيدي احمد كيميا في الفصل استاذ عصام ... صدفه ملهاش اي معني خالص.

طب هي مجموعه الالكيل ch3 مشبعه ولا غير مشبعه؟؟!!

 ده اول سؤال يجي في دماغ احمد بعد اول حصه في الكيميا العضويه عند سيد منصور،  عادة سيد منصور مش بيجاوب علي اسئله في الحصه لان وقته يدوبك مخصص للشرح علشان يلحق المجموعه اللي بعدها اللي عامله دوشه بره قاعه الشرح  ، احمد سأل استاذ عصام كحل بديل استاذ عصام بكل حسن نيه قاله مشبعه وشرح وجهه نظره .

احمد اصر انه يسأل سيد منصور اللي جاوب بكل اريحيه وثقه مطلقه غير مشبعه وشرح وجهه نظره برده بس أحمد مقتنعش برأيه زي ما اقتنع براي استاذ عصام لحد هنا مفيش مشكله الازمه بقي جت لما قال لسيد منصور انا مش مقتنع بوجهه نظرك وشرحله وجهه نظر استاذ عصام مع ذكر اسم عصام في اخر الشرح .

سيد منصور قلع البالطو (هو بيشرح علي السبوره ببالطو علشان الطباشير ميبهدلش بدلته ) ومرضيش يكمل الحصه علشان ازاي شاب غر ساذج زي ده يعدل عليه ويقعد يجادله قدام الطلبه ويستشهد بوجهه نظر مدرس اقل ما يوصف به انه عادي شعبي في منه كتير.

تاني يوم استاذ عصام جايب مرجع لاحمد ومخطط تحت سطرين بالقلم الازرق علي الكلام اللي يثبت ان مجموعه الالكيل مشبعه وقال الكلام ده جهرا قدام الطلبه في الفصل اللي نصهم بياخد عند سيد منصور ولسه علي وجهه الابتسامه الساخره .

الحصه التاليه لسيد منصور في مجموعه التقويه دخل من غير بالطو وكان معاه مرجع وراح مقوم طالب وخلاه يقرا سطرين متخطط عليهم بالازرق برده بيثبتو ان الالكيل مجموعه غير مشبعه ولما الواد خلص السطرين سيد منصور سلم علي الطلبه وروح ومكملش الحصه.

سيد منصور طرد احمد السيد من المجموعه واحمد كان كله حماسه انه يذاكر لوحده ويجيب 50 كيميا من غير سيد منصور.

استاذ عصام فضل زي ما هو مدرس عادي وعدد الطلبه عنده في الدرس الخصوصي برده فضل عادي .

سيد منصور كمل مجموعه التقويه وكل العيال جابت 50 وبيفكر يفتح سنتر قريب .

احمد جاب 40 كيميا ودخل كليه تجاره وملحقش لا هندسه ولا حتي علوم بس هو استفاد حاجه واحده وفهمها كويس اوي 

  " ان مجموعه الالكيل حتفضل طول عمرها مشبعه عند استاذ عصام وحتفضل برده طول عمرها غير مشبعه عن سيد منصور"

رشفه اليوم

ده مش مخاض ده احتضار

ياسر عبد القوي

حروف مقطعه لإله شبه متماسك

مليئه بالسموات امشي
وكرسي علي الماء يحلمني
هنا صغار
يلعبون تحت اظافري
دون خوف من حذف السماء
هنا نخيل
يعلم الريح الاتجاه الي اللقاح
هنا مطر
يعطش للصحاري
أنزل الأن الي الارض

مصطفي علي

فاطمه نعوت

عندما تتألق المرأه في الاربعين

ذكريات الشهوه

عشق في عينيك مصابيح الحارات . . و رحيق نسمات شاطئ الإسكندرية في أمسية سبتمبرية . . سبتمبر الحزن و النسيم و الجنون . . الإسكندرية تسترخي تستلقي علي الرمال و تنام علي ظهرها تعد النجوم و تزيح الهموم و تغني للقمر . . "آه يا قمر يا اسكندراني نص عمري تاه في لفي على المواني" هكذا يقول الأبنودي في أغنيته . . أذوب عشقا في شفتيك و بين نهديك . . أعشق إبداع الله في خلق الأنثى والحياة . . يا جنوني واحتوائي . . ضميني بين فخديك لأولد من جديد

أمسكت يدي زينب . . أجمل بنات الدفعة . . أرق كائنة . . كانت عندما تنطق اسمي كنت أسمع موسيقي بيتهوفن و سيد درويش و مقامات العراق . . كنت أذوب في شفتيها . . أنتظرها كل صباح عند محطة الترام من محطة الرمل إلي سابا باشا نركب سويا الترام. . كانت عندما تسير تهتز الأرض من رشاقة الجسم الفتان و العيون الزرقاء والشعر الأصفر والصوت العذب و كانت مع كل هذا "بنت بحري" تتحدث كأنها من سكان الزمالك و هربت إلى بحري . . و طقم الذهب على صدرها وفي أذنيها يدل على ذوق شعبي صاف .
كانت تمسك يدي فأذوب بين يديها . . قلت لها : يا زينب ارحميني أنا أذوب . . قالت : انت يا واد مجنني . . مجنني . . آه يا زينب أحب بحري والأنفوشي والبحر واليود وزرقة عينيك ولمسة يدك البيضاء
البضة . . يا بطتي يا رقة الدنيا

قالت هناء : انت فين يا واد يا اللي البنات بتقول إنك ساحر وكلامك بيسحرهم . . تعال فسحني . . ركبت معها الباص و في الباص بدأت تلعب بأصابعها في صدري . . آه يا هناء ابعدي يدك عني . . حرام عليك . . بدأت أصابعها تتحسس كل جسدي . . آه ارحميني . . نزلنا . .دخلنا كازينو في النزهة بالقرب من النزهة . . وجدت كل شاب يحتضن فتاة . . جلست وأنا خائف.. أمسكت يدي وقبلتني ونحن جالسان و لأول مرة أجدني في كازينو عام . . قلت لها : ما هذا يا هناء ؟ قالت : أعلمك الحب . . علميني الحب اغسليني من كبت السنين من نهر الأيام و الأحلام و الوطن الذي أعشقه حتى الجنون . . يا لحني الحنون . . يا عشقي الحزين . . علميني يا هناء كنت بريئا و كانت جريئة . . و طافت بي سبع أماكن للحب . . كل مكان كنا نمارس الحب جلوساً .. تجلس على حجري و تقبلني . كنت مثل طفل خرج من كهف الفضيلة إلى كهف الرذيلة أو من الظلام إلى النور أو من النور إلي الظلام . كنت أذوب معها و أترك لها حالي تفعل ماتشاء معي.
قالت : القبلة فن يا حبيبي . هكذا و هكذا و هكذا . . و يداك تنزعان الستيان هكذا و تقبل النهدين حتى تقف الحلمة يا سيد افهم و اتعلم . . علميني يا أنثى المتعة من أين تعلمت كل هذا يا بنت . ؟. قالت : فن . . الحب فن يا فنان . . انت عندك كام سنة ؟ قلت :18 سنة قالت : لسة بيبي . . دعني أعلمك

.

قالت المذيعة الخليجية و نحن على الهواء في التلفزيون . .
نحن الآن على الهواء مع الأستاذ . . كانت شقراء ساحرة . . غريبة أن تكون امرأة شقراء في هذا الجمال خليجية . . الخليج أسمر و أنا أحب السمرة لكنني لا أمانع أن أهوى و أغرق في الشقراء فالنفس تعشق كل جميل . انتهى البرنامج. أصرت أن تقوم بتوصيلي إلى الفندق. . في الطريق قلت لها : من فضلك ممكن أدعوك علي الغذاء ولو أن الساعة الخامسة قربنا على العشاء؟ قالت: لا . . سأتناول الطعام في بيتي مع الأسرة..قلت لها : أريدك بعد الغذاء في أمر هام . . قالت : ما هو ؟ قلت: أكتب قصيدة على جسدك بأصابعي و أضع بشفتي على لحمك الغض أسطورة فينوس والعاشق الصعلوك . . قالت: أنت قليل الأدب. . و نزلت معي إلى الفندق . . سألتها و نحن في السرير : ماذا يعمل زوجك ؟
قالت : أمن دولة

السيد حافظ

عن الساعه نتحدث

• انك تكون من الساعه ده بيفرض عليك انك تكون واحد من تلاته مدون/سواقمشروع/واقف علي فرش

• انك تكون من الساعه ده بيخليك تقعد علي حمزاوي ناحيه موقف كرموز او علي قصرالباشا ناحيه السيوف حيث الزرده ب75 قرش بس

• انك تكون من الساعه ده بيديلك اوبشن انك تجيب شباشب وبوكسرات بارخص الاسعار

• انك تكون من الساعه ده بيخليك تحب عادل لبيب جدا

• انك تكون من الساعه ده بيخليك تركب تونايات بشكل يومي وبصوره منتظمه

• انك تكون من الساعه بيعرضك لانك تشتري الاسطوانات ب1.5 والديفيدي ب2.5

• انك تكون من الساعه حتجبرك ان يكون طموحك انك تاخد شقه في المراغي علشان تتجوزفيها وتبيع شقه الساعه وتفرش شقه المراغي بفرق السعر

• انك تكون من الساعه ده معناه ان الحصه الواحده في احقر جيم حتعدي الاربعه جنيه حتي لو الجيم مفيهوش دش ولا مكنه ضهر

• انك تكون من الساعه ده معناه انك حتخطب واحده من الساعه برده بس رفيعه والباديالكات مهرهر عليها واليطه نيك

• انك تكون من الساعه ده معناه انك حتحلق ب10 كاقل سعر للحلاقه وبدون ماسك

• انك تكون من الساعه ده بيجبرك انك تصلي الجمعه في جامع النصر علشان تلحق درس الفرنساوي في الاوضه اللي فوق الجامع وتلحق مكان بدل متاخده علي السطح بره وسماعي بس

ابتسم انت في الساعه