ذكري

حمكشه

ملك الخرز الملون

حكمه اليوم

ايه الكتاب اللي في ايدك ده؟

كيميا ان شاء الله

جيتو محمد نجيب

ما يزيد عن 10 بنيكات شاي بطول الشاطيء

3 بنيكات دره علي امتداد نفس الشاطيء

150 كرسي بلاستيك بالاضافه الي ما يستأجر من كراسي المحافظه علي الشاطيء

30 ترابيزه خشب تتوسط الكراسي سالفه الذكر بطول الشاطيء

30 شمسيه و 60 ايد شمسيه (الباقي للعراك علي الشاطيء)

مايزيد عن 100 نفس بشريه بتسترزق بالعده اللي فاتت علي الشاطيء

منفسمين ما بين(بياعين دره/سريحه شاي/عمال رمله/ديلرز/قوادين/شراميط/سماسره)

عبايه سودا شبشب زحافي شعر اكرت مصبوغ اصفر يظهر من اسفل الطرحه السوداء

بنطلون جينز بجيوب تشيرت شبشب جلد (سندبادي)

لا يمكن تمييز فرق السن ما بين20 حتي 40 رجالا ونساء

سامح كاريكا:26 سنه مبيض محاره

انا المافيا

ابراهيم شيواوا:24 سنه مبلط قيشاني

بتضحك علي ايه سامح عنده حق

تملي:22 سنه كار معمار

الحكومه مسميانا كده

سامح كاريكا:26 سنه مبيض محاره

ليه!! علشان بنشوف اكل عيشنا

ابراهيم شيواوا:24 سنه مبلط قيشاني

عالم وسخه الضابط سايب الشراميط علي الميه طول النهار وجي يقطع علينا

تملي:22 سنه كار معمار

منا عارف انهم تبعنا بس احنا بنتكلم علي المبدأ مقدرش علي الشرموطه يمسك القواد

ابراهيم شيواوا:24 سنه مبلط قيشاني

اه قواد اصل تملي طلع من تانيه مبارك كول فتلاقيه لسانه حلو

سامح كاريكا:26 سنه مبيض محاره

اقولك حاجه انا كنت واخد محل في المعهد الديني كا اسمه(دلع البنات) ببيع فيه طرح وايشاربات بس من الباطن ببيع فيه حشيش قعد 3 شهور زي الفل لحد ما حسيت اني اتكرفت والمخبر العرص بتاع الشارع قطع عليا قمت سيبت المحل اصله كان ايجار واخدت شقه في الابراهيميه شهرين لحد ما الامور نامت وادينا علي الرمله تاني مهما مبيسبوش حد في حاله

ابراهيم شيواوا:24 سنه مبلط قيشاني

الشط (تمن) تبعنا من اول سريحه الشاي لحد بتوع المحافظه نفسهم

تملي:22 سنه كار معمار

اه اصل المحافظه عمله كشك غيار ملابس ودش وكشك حلويات وبسكوطاط وبتأجر شماسي وكراسي

ابراهيم شيواوا:24 سنه مبلط قيشاني

يا ابني محنا بنأجر برده بس من الباطن ودي ليها طريقتين

نلم عده الحكومه كلها الصبح ونصرفها احنا بعد كده طول النهار بالسعر بتاعنا

بس ساعات الظابط بيكون موجود الصبح وبيقطع علينا نقوم نعيش علي الكوركات

سامح كاريكا:26 سنه مبيض محاره

لا مواخذه يعني الجماعه الفلاحين بتوع كفر الدوار ودمنهور بييجو مش عارفين حاجه انت تلقطو من بره وتسستمه وتصدره

ابراهيم شيواوا:24 سنه مبلط قيشاني

ايوه صح (كرسي علي الميه يا مدام)

تملي:22 سنه كار معمار

لا الحشيش بالليل بس وزباينه كتيير(هزها يا سيد شويه الميه مليانه شغل بس اللي يدور)

بس تعاملك يكون بالراحه

ابراهيم شيواوا:24 سنه مبلط قيشاني

لا العيال بتوع العوامات والشورتات دول تبع واحد بيدفع ارضيه لينا علشان محدش يجي جنبهم انت عارف ولاد الحرام كتيير اليومين دول(في حد بيناديك تحت يا سوكه)

سامح كاريكا:26 سنه مبيض محاره

اه كلنا من محمد نجيب فاكر انت البيوت القديمه بتاعت الجماعه العرب احنا بقي بس بعد المحجوب مظبط الشارع كرشنا ومفضلش الا كام بيت كده تلاقيهم باينين جنب العماير العاليه وكلنا نسايب في بعضيهم(دعاء شوفي البيه كده بينادي عليكي 40 وساعتين بس ميضحكش عليكي)

ابراهيم شيواوا:24 سنه مبلط قيشاني

الله ينور عليك علشان كده بنسيب العده جنب مؤمن من غير محد يجي جنبها اصل كل ده تبعنا منت حلو اهه

سامح كاريكا:26 سنه مبيض محاره

بقولك ايه تاخد كرسي علي الميه

شارع محمد نجيب يمتد من السكه الحديد لحد البحر كان ارض رمليه ممتليء بعشش الصفيح وبعض المنازل المتناثره لا يبني فيها بيوت ولا يسكنها احد ليس من اهلها كانت واحه منفصله عن من حولها بعاداتهم بطباعهم بناسهم حراميه ممكن هناجره احتمال هجامه يجوز ولكن الاكيد انهم مختلفون

megan fox

الحاجات دي بجد

حقد

زحمه خنقه حر عرق رطوبه احباط ترمس دره سلاسل شواطيء بفلوس وببلاش اغاني شعبيه بنطلونات جينز بجيوب علي الجنبين فانلات داخليه شورتات جينز بلح شامي و زلابيه غاليه كافيتريات علي البحر ضوء اصفر كئيب لب بايت جيلاتي سايح شباب متحمس وبنات ايضا

هما وبلاش احنا

كسري 2

درج ضيق يبدأ بباب علي يمينه امامه مساحه صغيره امام الباب ارضيتها بلاط مصقول تشعركانك داخل حمام بلدي اما الدرج نفسه كأنه سلم مقبره فرعونيه اذا كانت المقابر الفرعونيه تضاء بلمبات الجاز ضوء اصفر شاحب يصيبك بدوار فتمسك بدرابزين رفيع من القرميد بسمك قالب واحد فتشعر انه سوف ينفطر بين يديك معلق علي جدران الدرج حزم من الثوم والبصل وعقود من الفلفل الاحمر والباميه صفيحه سمن قديمه تستخدم كسله مهملات يتصاعد منها رائحه ليست مقززه بقدر ما هي غريبه تدير راسك فتصدم باب مصمت من ضلفتين عليه رسمه كردان وهلال وعلم وملصق عليه بوستر لخيول بنيه اللون ترعي في مرج اخضر بخلفيه سماء زرقاء صافيه تنظر لاعلي لتري سقف منقسم لجزئين الاول مسقوف بالوح خشبيه مدعمه بعروق خشبيه اخري اما الثاني فهو سقف من البلاستيك الازرق اللون علي هيئه مجاري لتصريف مياه الامطار تكمل صعود حتي تصل مفترق طرق باب امامك وممر ضيق قصير علي يمينك يفضي بك الي سطح البيت بما له من شمس وهواء ورحابه وما عليه من عشش طيور اكل طيرها من زمن واصبحت ماوي لكائنات حيه اخري بجوار مستلزمات الطير القديمه بجوارها سلم خشبي متهالك يفضي الي السقف البلاستيكي

كسري 1

نانسي عجاج

سنتر عبود

عبود واخد ارض في العيسوي باني فيها دورين لابنه وليه والتالت عامله سنتر

عبود مكيف السنتر

عبود قسم السنتر قاعات

عبود بيدي فيزيا في قاعه واحده وبيأجر الباقي

المدرسين في المدرسه بيكسكسو لعبود علشان ينططهم في السنتر

عبود بيشغل عنده الشناوي (مدرس الفيزيا) علي مكنه تصوير رغم انه عارف ان الطلبه اللي بيصورلهم الشناوي الورق بالليل في السنتر بيدرسلهم فيزيا الصبح

عبود بيحاسب علي الشهر مقدما

عبود بياخد فلوس المذكرات دفعه واحده اول السنه

عبود بياخد 160 جنيه في الشهر و 50 واحد في الحصه

عبود بيصور ورق للطلبه في الفصل لزوم الدعايه

عبود بيطلع عمره كل سنه

عبود بيعمل شادر ايام المراجعات علشان يكفي العدد

عبود بيجيب بلطجيه في الشادر علشان التحرشات

بنت مأمور الضرايب للمنطقه التابع ليها السنتر بتاخد فيزيا مع عبود

عبود بيجيب مدرسين شباب يصححو الواجب للطلبه و الامتحانات الشهريه

عبود جايب سكرتيره علشان تتصل بأولياء امور الطلبه اللي بيزوغو من السنتر

ابن عبود في الاكاديميه ومعاه لنسر وهو لسه في تالته ثانوي

عبود بتتصل بيه في شهر 4 سنه2008 علشان تحجز معاه فيزيا في شهر 8 سنه 2009

عبود لا يفصل بين البنات والولاد في السنتر لزوم الجذب السياحي

قالو في سنتر عبود:

1-الحق يا استاذ السنتيانه وقعت يا استاذ(سيد السيسي  للاستاذ بعد شرح قانون نيوتن)

2-والله العظيم البوكسر ده نايك اصلي(كريم مسمار موجها الينا طيزه العاريه الا من البوكسر)

3-القصه تتحفظ اسئله واجوبه اديك السؤال تديني الاجابه اديك الاجابه تديني ايه السؤال(مدرس الانجليزي في القاعه المجاوره لقاعه عبود بيشرح سيستم المذاكره )

4-اه اه اي طلعه وخد فلوسك  طلعه(عبد المؤمن علي سلم السنتر اثناء صعوده)

5-داحنا منجيش قمله في لباسه(مدرس العربي اثناء شرح قصه الايام لطه حسين اطراء علي طه حسين)

6- اي شاب خول متعاص حيزوغ بعد كده يقولي وانا اروحه(مدرس عربي اخر في السنتر)

عبود هو المدرس المثالي لمنطقه الاسكندريه ثلاث سنوات متتاليه

كلنا عبود

Lolita

كانت (لو) فقط في الصباح

وكانت (لولا)وهي تسترخي وقت القيلوله

وكانت (دولي) في المدرسه

وكانت (دولوريس) في الاوراق الرسميه

ولكن بين ذراعيي.....كانت دائما

لوليتا

 

صرف صحي

كمواطن سكندري اصيل تثار العديد من التساؤلات في ذهنه دائما ومن اهم هذه التساؤلات كيف كانت الحياه في الاسكندريه قبل شبكه الصرف الصحي وبعد البحث والاطلاع عثرنا علي كشكول  ابراج الكويت بها مذكرات احدهم يرويها علي شكل قصه ترجع لسنه 1940

روح يا علي ازعقلنا اي عربيه نزح من المكتب اللي علي القمه

اجيب ام حصان رمادي

اللي يريحك

يذهب علي وياتي بعربه يجرها حصان رمادي يعلوها خزان اسطواني متربع عليه ثلاثه بضحكه بلهاء ينزل اثنان منهم ويبقي الاخر مكانه متململ

هو ده البير

ايون

ايدك معايا

لينفتح غطاء البير وتبدأ عملية النزح ، تونايه صفيح مزنوق فيها عصايه خشب مربوط بها حبل يدليه احد الرجال داخل البير ليمتليء بما لذ وطاب ثم يصعد بالتونايه الي الجزء الاسطواني من العربه ليفرغه فيه وتستمر العمليه عده مرات متتابعه حتي منسوب معين يليها صيحه من احد اثنين لثالثهم المتململ

تعالي كده يا سعد ينفعك كده

اه تمام اتكلو انتم علي الله 

تنصرف العربه ويتركون ثالثهم اذهب مع العربه حتي يجدو بربخ عمومي لافراغ حصيلتهم في لحظات من الترقب والحذر من افراد المحافظه وعيونهم ولهم في ذلك مسلكين

1 مد خرطوم الي البربخ للتفريغ البطيء مع تدخين سيجاره وهذا في الايام الخواليه الخاليه من تكدس عمل

2 وسطنه سنتر العربه فوق فتحه البربخ مباشره ثم فتح طاقه في منتصف العربه لافراغ الشحنه دفعه واحده

ولسوء الحظ لم اشهد الطريقه الثانيه التي بالتاكيد ستحمل الكثير من المتعه البصريه اعود للبيت لاجد البير مازال مفتوحا وكثير من المتحلقين حوله يراقبون في رهبه وإجلال انظر لاجد ثالث الثلاثه (بلبوص) داخل البئر يخرج المترسبات الثقيله وغائص لثلثيه في البير وفي فمه سيجاره يلوكها باستهتار اثناء تاديه عمله ، انه يسبح في خراء بالمعني الحرفي للكلمه والادهي ان له مزاج لتدخين سيجاره يخرج من البئر بعد اتمام المهمه وفرش الارضيه بالرمل الاصفر وينظر لنا طالبا استخدام الحمام للاستحمام 

لم اعثر علي باقي المذكرات وان لاحظت ان اخر ثلاث ورقات (متعاصه)

كمواطن سكندري اصيل تثار العديد من التساؤلات في ذهنه دائما ومن اهم هذه التساؤلات كيف كانت الحياه في الاسكندريه قبل شبكه الصرف الصحي وبعد البحث والاطلاع عثرنا علي كراسه  الشربيني2000 عليها صوره السفينه تيتانك بها مذكرات احدهم يرويها علي شكل قصه ترجع لسنه  1980

يا ابني متلعبش ناحيه الطرنش

يا ابني روح ادفع فلوس الطرنش

هات لنا التموين من عند عم عبده بتاع الطرنش

كس ام الطرنش هو احنا ما ورناش غيره محرم علينا الشارع ومكدرنا بريحته بدخانه بالكور اللي بيبلعها في بحيرته بتعابينه اللي محاصرنا في كل مكان اللي ممتده لحد المصرف المجاور الا لعنه الله علي الطرنش 

مش عجبك الطرنش يعني كنت عايزنا ننزح زي زمان صحيح البطران عيشته قطران

لا عيشته طرنش 

طب دانا كنت مع الناس لما اقترحو الفكره ، الصرف لا مواخذه بيتشفط وانت قاعد في بيتكم بتسمع علي الناصيه لأمال فهمي 

لم اعثر علي باقي المذكرات وان لاحظت ان اخر ثلاث ورقات (متعاصه)

كمواطن سكندري اصيل تثار العديد من التساؤلات في ذهنه دائما ومن اهم هذه التساؤلات كيف كانت الحياه في الاسكندريه قبل شبكه الصرف الصحي وبعد البحث والاطلاع عثرنا علي سكيتش 120 ورقه عليه صوره (الجولد برج) بها مذكرات احدهم يرويها علي شكل قصه ترجع لسنه 2006

السلام عليكم

وعليكم حضرتك 125 الخط الساخن لشركه الميه

ايون خير حضرتك 

لو سمحت المياه قاطعه بقالها 6 ساعات 

حضرتك ساكن فين

امبروزو

خلاص حشوف الموضوع وأرد علي حضرتك

تتكرر هذه المحادثه ما يزيد عن 9 مرات بنفس الديالوج تتخللهم متابعه اخر اخبار افراد 30 فبراير علي النت حتي الساعه 4 من صباح اليوم التالي

الو الاداره العامه لشركه المياه

ايون امر حضرتك 

الميه/امبروزو/قاطعه

خد نمره الباشمهندس عوض رئيس القسم الهندسي للحضره انت 010؟

الو باشمهندس عوض معايا

ايون حضرتك امر

الميه /الاداره/الحضره

لا والله انت تبع شرق خد نمره الباشمهندس خليل انت 010؟ 

الو باشمهندس خليل معايا

ايون حضرتك امر

امبروزو/الميه/ الحضره/عوض

اه فعلا الماسوره مكسوره بس مش مننا دول بتوع الصرف ودي تالت مسوره من امبارح واحنا فتحنا الميه ساعه شكلك ملحقتش تتشطف

ده حقيقي

لم اعثر علي باقي المذكرات وان لاحظت ان اخر ثلاث ورقات (متعاصه)