megan fox

الحاجات دي بجد

حقد

زحمه خنقه حر عرق رطوبه احباط ترمس دره سلاسل شواطيء بفلوس وببلاش اغاني شعبيه بنطلونات جينز بجيوب علي الجنبين فانلات داخليه شورتات جينز بلح شامي و زلابيه غاليه كافيتريات علي البحر ضوء اصفر كئيب لب بايت جيلاتي سايح شباب متحمس وبنات ايضا

هما وبلاش احنا

كسري 2

درج ضيق يبدأ بباب علي يمينه امامه مساحه صغيره امام الباب ارضيتها بلاط مصقول تشعركانك داخل حمام بلدي اما الدرج نفسه كأنه سلم مقبره فرعونيه اذا كانت المقابر الفرعونيه تضاء بلمبات الجاز ضوء اصفر شاحب يصيبك بدوار فتمسك بدرابزين رفيع من القرميد بسمك قالب واحد فتشعر انه سوف ينفطر بين يديك معلق علي جدران الدرج حزم من الثوم والبصل وعقود من الفلفل الاحمر والباميه صفيحه سمن قديمه تستخدم كسله مهملات يتصاعد منها رائحه ليست مقززه بقدر ما هي غريبه تدير راسك فتصدم باب مصمت من ضلفتين عليه رسمه كردان وهلال وعلم وملصق عليه بوستر لخيول بنيه اللون ترعي في مرج اخضر بخلفيه سماء زرقاء صافيه تنظر لاعلي لتري سقف منقسم لجزئين الاول مسقوف بالوح خشبيه مدعمه بعروق خشبيه اخري اما الثاني فهو سقف من البلاستيك الازرق اللون علي هيئه مجاري لتصريف مياه الامطار تكمل صعود حتي تصل مفترق طرق باب امامك وممر ضيق قصير علي يمينك يفضي بك الي سطح البيت بما له من شمس وهواء ورحابه وما عليه من عشش طيور اكل طيرها من زمن واصبحت ماوي لكائنات حيه اخري بجوار مستلزمات الطير القديمه بجوارها سلم خشبي متهالك يفضي الي السقف البلاستيكي

كسري 1

نانسي عجاج

سنتر عبود

عبود واخد ارض في العيسوي باني فيها دورين لابنه وليه والتالت عامله سنتر

عبود مكيف السنتر

عبود قسم السنتر قاعات

عبود بيدي فيزيا في قاعه واحده وبيأجر الباقي

المدرسين في المدرسه بيكسكسو لعبود علشان ينططهم في السنتر

عبود بيشغل عنده الشناوي (مدرس الفيزيا) علي مكنه تصوير رغم انه عارف ان الطلبه اللي بيصورلهم الشناوي الورق بالليل في السنتر بيدرسلهم فيزيا الصبح

عبود بيحاسب علي الشهر مقدما

عبود بياخد فلوس المذكرات دفعه واحده اول السنه

عبود بياخد 160 جنيه في الشهر و 50 واحد في الحصه

عبود بيصور ورق للطلبه في الفصل لزوم الدعايه

عبود بيطلع عمره كل سنه

عبود بيعمل شادر ايام المراجعات علشان يكفي العدد

عبود بيجيب بلطجيه في الشادر علشان التحرشات

بنت مأمور الضرايب للمنطقه التابع ليها السنتر بتاخد فيزيا مع عبود

عبود بيجيب مدرسين شباب يصححو الواجب للطلبه و الامتحانات الشهريه

عبود جايب سكرتيره علشان تتصل بأولياء امور الطلبه اللي بيزوغو من السنتر

ابن عبود في الاكاديميه ومعاه لنسر وهو لسه في تالته ثانوي

عبود بتتصل بيه في شهر 4 سنه2008 علشان تحجز معاه فيزيا في شهر 8 سنه 2009

عبود لا يفصل بين البنات والولاد في السنتر لزوم الجذب السياحي

قالو في سنتر عبود:

1-الحق يا استاذ السنتيانه وقعت يا استاذ(سيد السيسي  للاستاذ بعد شرح قانون نيوتن)

2-والله العظيم البوكسر ده نايك اصلي(كريم مسمار موجها الينا طيزه العاريه الا من البوكسر)

3-القصه تتحفظ اسئله واجوبه اديك السؤال تديني الاجابه اديك الاجابه تديني ايه السؤال(مدرس الانجليزي في القاعه المجاوره لقاعه عبود بيشرح سيستم المذاكره )

4-اه اه اي طلعه وخد فلوسك  طلعه(عبد المؤمن علي سلم السنتر اثناء صعوده)

5-داحنا منجيش قمله في لباسه(مدرس العربي اثناء شرح قصه الايام لطه حسين اطراء علي طه حسين)

6- اي شاب خول متعاص حيزوغ بعد كده يقولي وانا اروحه(مدرس عربي اخر في السنتر)

عبود هو المدرس المثالي لمنطقه الاسكندريه ثلاث سنوات متتاليه

كلنا عبود

Lolita

كانت (لو) فقط في الصباح

وكانت (لولا)وهي تسترخي وقت القيلوله

وكانت (دولي) في المدرسه

وكانت (دولوريس) في الاوراق الرسميه

ولكن بين ذراعيي.....كانت دائما

لوليتا

 

صرف صحي

كمواطن سكندري اصيل تثار العديد من التساؤلات في ذهنه دائما ومن اهم هذه التساؤلات كيف كانت الحياه في الاسكندريه قبل شبكه الصرف الصحي وبعد البحث والاطلاع عثرنا علي كشكول  ابراج الكويت بها مذكرات احدهم يرويها علي شكل قصه ترجع لسنه 1940

روح يا علي ازعقلنا اي عربيه نزح من المكتب اللي علي القمه

اجيب ام حصان رمادي

اللي يريحك

يذهب علي وياتي بعربه يجرها حصان رمادي يعلوها خزان اسطواني متربع عليه ثلاثه بضحكه بلهاء ينزل اثنان منهم ويبقي الاخر مكانه متململ

هو ده البير

ايون

ايدك معايا

لينفتح غطاء البير وتبدأ عملية النزح ، تونايه صفيح مزنوق فيها عصايه خشب مربوط بها حبل يدليه احد الرجال داخل البير ليمتليء بما لذ وطاب ثم يصعد بالتونايه الي الجزء الاسطواني من العربه ليفرغه فيه وتستمر العمليه عده مرات متتابعه حتي منسوب معين يليها صيحه من احد اثنين لثالثهم المتململ

تعالي كده يا سعد ينفعك كده

اه تمام اتكلو انتم علي الله 

تنصرف العربه ويتركون ثالثهم اذهب مع العربه حتي يجدو بربخ عمومي لافراغ حصيلتهم في لحظات من الترقب والحذر من افراد المحافظه وعيونهم ولهم في ذلك مسلكين

1 مد خرطوم الي البربخ للتفريغ البطيء مع تدخين سيجاره وهذا في الايام الخواليه الخاليه من تكدس عمل

2 وسطنه سنتر العربه فوق فتحه البربخ مباشره ثم فتح طاقه في منتصف العربه لافراغ الشحنه دفعه واحده

ولسوء الحظ لم اشهد الطريقه الثانيه التي بالتاكيد ستحمل الكثير من المتعه البصريه اعود للبيت لاجد البير مازال مفتوحا وكثير من المتحلقين حوله يراقبون في رهبه وإجلال انظر لاجد ثالث الثلاثه (بلبوص) داخل البئر يخرج المترسبات الثقيله وغائص لثلثيه في البير وفي فمه سيجاره يلوكها باستهتار اثناء تاديه عمله ، انه يسبح في خراء بالمعني الحرفي للكلمه والادهي ان له مزاج لتدخين سيجاره يخرج من البئر بعد اتمام المهمه وفرش الارضيه بالرمل الاصفر وينظر لنا طالبا استخدام الحمام للاستحمام 

لم اعثر علي باقي المذكرات وان لاحظت ان اخر ثلاث ورقات (متعاصه)

كمواطن سكندري اصيل تثار العديد من التساؤلات في ذهنه دائما ومن اهم هذه التساؤلات كيف كانت الحياه في الاسكندريه قبل شبكه الصرف الصحي وبعد البحث والاطلاع عثرنا علي كراسه  الشربيني2000 عليها صوره السفينه تيتانك بها مذكرات احدهم يرويها علي شكل قصه ترجع لسنه  1980

يا ابني متلعبش ناحيه الطرنش

يا ابني روح ادفع فلوس الطرنش

هات لنا التموين من عند عم عبده بتاع الطرنش

كس ام الطرنش هو احنا ما ورناش غيره محرم علينا الشارع ومكدرنا بريحته بدخانه بالكور اللي بيبلعها في بحيرته بتعابينه اللي محاصرنا في كل مكان اللي ممتده لحد المصرف المجاور الا لعنه الله علي الطرنش 

مش عجبك الطرنش يعني كنت عايزنا ننزح زي زمان صحيح البطران عيشته قطران

لا عيشته طرنش 

طب دانا كنت مع الناس لما اقترحو الفكره ، الصرف لا مواخذه بيتشفط وانت قاعد في بيتكم بتسمع علي الناصيه لأمال فهمي 

لم اعثر علي باقي المذكرات وان لاحظت ان اخر ثلاث ورقات (متعاصه)

كمواطن سكندري اصيل تثار العديد من التساؤلات في ذهنه دائما ومن اهم هذه التساؤلات كيف كانت الحياه في الاسكندريه قبل شبكه الصرف الصحي وبعد البحث والاطلاع عثرنا علي سكيتش 120 ورقه عليه صوره (الجولد برج) بها مذكرات احدهم يرويها علي شكل قصه ترجع لسنه 2006

السلام عليكم

وعليكم حضرتك 125 الخط الساخن لشركه الميه

ايون خير حضرتك 

لو سمحت المياه قاطعه بقالها 6 ساعات 

حضرتك ساكن فين

امبروزو

خلاص حشوف الموضوع وأرد علي حضرتك

تتكرر هذه المحادثه ما يزيد عن 9 مرات بنفس الديالوج تتخللهم متابعه اخر اخبار افراد 30 فبراير علي النت حتي الساعه 4 من صباح اليوم التالي

الو الاداره العامه لشركه المياه

ايون امر حضرتك 

الميه/امبروزو/قاطعه

خد نمره الباشمهندس عوض رئيس القسم الهندسي للحضره انت 010؟

الو باشمهندس عوض معايا

ايون حضرتك امر

الميه /الاداره/الحضره

لا والله انت تبع شرق خد نمره الباشمهندس خليل انت 010؟ 

الو باشمهندس خليل معايا

ايون حضرتك امر

امبروزو/الميه/ الحضره/عوض

اه فعلا الماسوره مكسوره بس مش مننا دول بتوع الصرف ودي تالت مسوره من امبارح واحنا فتحنا الميه ساعه شكلك ملحقتش تتشطف

ده حقيقي

لم اعثر علي باقي المذكرات وان لاحظت ان اخر ثلاث ورقات (متعاصه)

هيام عباس

الن تكف هذه السيده عن امتاعي

في ذكر المقطم وناسه

اسر ياسر حلوه وبتذهب بانتظام للكوافير رغم ان جلّ من يقابلهم في سنها تحولو من

الطرحه للخمار ولا يفعلو شيء سوي الذهاب بالابناء للسنتر في انتظار مدرسالانجليزي

الذي يتاخر دائما

نهي رشدي بيضه ونضيفه وبتلبس حلو غير صاحبته اللي من شبراخيت االي فرحانه

بالموبايل الصيني الجديد و حاطه اغنيه وائل جسار الجديده  ringtone

جيبه جينز وبلوفر وطرحه وفي بعض الاحيان بادي كارينا ممل لدرجه الانهيار

ابتسامه ضابط الامن ابو جونتي علي باب الكليه للبنت ام شعر كيرلي حتي في غياب

الكارنيه وطرده للواد ابو بلوفر بني لان ده مش باب طلبه اصلا

الانتظار لنصف ساعه كامله حتي انتهاء البادي الكات من سؤال المعيد للحصول علي

اجابه لاستفسار يتيم في جمله واحده(مسالتش في السيكشن ليه مش فاضي)

انتظاره للاوتوبيس علي الكورنيش في الصباح الباكريقابله قبله حاره من شعر به جل

رخيص لإسدال بني مرتخي وراضي معطيا ظهره للناس وصدره للحبيب.

يرمقه بحسد حين يضم فتاته بين فخذيه ليتمايلو معا علي نغمات الكون كله بيدور

متناسي منير تماما

نظرات الاستحقار والقرف تعلو وجه صاحبه الميني جيب له ولمن حوله من رواد

الموقف لتتغيرالي ابتسامه عريضه لصاحب الاوكتافيا الحليق الذي انقذها من براثن

الاتوبيس الهمجي

 
انتظاره لقبول requestمن جانب المزه صاحبه الprivate profileعلي الفيسبوك وبعد الرفض يجد نفسه مرغما علي قبولinvitation من جروب (تحجبي قبل ان تحاسبي)

قرائته لبوستات ليليت فيشعر بشعور غريب حار ينقلب لغيظ يدفعه للتعليق مطعما كلامه

بكلمات من عينه عاهره كافره تم ينقلب ليتابع جديد طريق السلف

يذهب للمقطم ومعه ورقه بيضاء كبيره ويخط عليها بقلم دوكو اسود ويرفعها لاعلي فلا 

تجد علي الورقه غير كلمه واحده

احا

حكمه اليوم

وبناشد كل الستات في مصر انهم ميخفوش من

 العضله

رساله بطله مصر والعالم في  الرست

من خلال برنامج الحياه اليوم