ساحر خورشيد

اول مره اشوف "طوني" كانت لما اشتغلت في شركه النيل للمفروشات ، كان هو المهندس المسئول عن قسم "الجكر" .

طوني مهندس من مانشستر كان شغال في مصر من 3 سنين وكان لسه معلن اسلامه من 8 شهور وبقي اسمه " ابو احمد " .

كان طول الوقت في المصنع بيعمل العاب سحريه للعمال اللي شغاله معاه في القسم ، من اول ما اشتغلت في الشركه وطوني حاببني وعلطول بيصرفلي مكافأت ، أنا حبيت اعمل معاه واجب وعزمته علي الغدا عندنا في البيت وهو قبل ( احنا عندنا بيت 3 ادوار في خورشيد ابويا اساسا من اوائل الناس اللي راحت خورشيد ، هو فاتح محل تموين وواخد الارض اللي عليها بيتنا دي يجي من 40 سنه ) 

لما طوني وصل خورشيد طلعته الدور التاني علشان يبقي رايق ويعرف يقعد ويتغدي براحته ، افتكر انه في الفتره دي انا كنت قاري فاتحه علي "رحاب" جارتنا بعد عركه رب السما مع ابويا ، هو مكنش موافق علشان امها ، انا عارف ان امها ست شايفه نفسها شويه وكل لبسها بنطلونات استرتيتش وباديهات من تحت التونيك وعارف انها اطلقت من جوزها علشان كان كابس علي نفسها وراحت اتجوزت واحد تاني " هلهل" بس هي الصراحه ست جدعه عمرها ما سابت بناتها . اهي "رحاب" بقي دي شبه هيفاء وهبي بس علي افتح وليها اختها  "ليلي"  بيضا برده وحلوه ورقبتها شبه رقبه "ورده" ،هي مطلقه وطلعت بقرشين من طليقها شاركت بيهم واحد في سنترال في "الزوايده" ، طوني وهو كان بيتغدي سمعت حس "ليلي" عندنا تحت ، اصل هي العشم كان  " نايكها"  وبتيجي تقعد مع امي شويه قبل ما تروح السنترال ، هي طبعا عارفه "طوني" لاني في مره روحت السنترال كلمته  من هناك علشان مكنتش لسه اشتريت موبايل وهي سمعتني وانا بتكلم انجليزي وبتاع وسالتني وعرفت القصه ، طبعا هي لما لقيتني بتغدي فوق وامي مرتبه البيت وبتاع خمنت ان "طوني" ممكن يكون معزوم عندنا راحت طالعه فوق قال ايه علشان تسلم عليا وانا قاطع انها عايزه تشوف طوني ، طوني كبير في السن 52 سنه بس صحته حلوه والبنش بتاعه فظيع  وكان حريف اوي في الكوره وسباح ماهر ( بيقولك ان كل الرجاله في مانشستر بالمنظر ده )، هو برده مطلق مراته زي "ليلي" ، انا اتحرجت من "ليلي" فعزمت عليها تقعد تتغدي معانا قامت قبلت وقعدت وسيطرت بالطريقه  ، طبعا طوني بعد لما روح اتصل بيا وقالي انه " ليلي " .

"طوني" ساعدني علشان اعمل الخطوبه وسلفني ألف جني من معاه ، هو مكنش حيحضر الفرح لانه طالع اجازته السنويه بس لما لقي ان اد ايه انا حتضايق لو هو محضرش اجل السفر وقال لصاحب المصنع ان في شويه مشاكل في مكن "الجكر" وانه حيأجل سفره لحد لما يظبط الدنيا ، ساعتها هو كلمني وقالي انه حيقضي معايا 

One week , one day , one hour

انا بقي ساعتها مفهمتش هو يقصد ايه بس بعد كده عرفت انه يقصد انه حيقضي معايا اسبوع في المصنع وحيقضي معايا اليوم اللي قبل الخطوبه كله في خورشيد علشان يساعدني تجهيزات الخطوبه وانه حيقضي معايا ليله الخطوبه ساعه واحده بس وبعد كده حيسيبني علشان يلحق الطياره بتاعته ، كان ساحر فعلا .

يوم الخطوبه لما حضر جابلي معاه البوم صور هديه وقالي متفتحوش غير بعد الخطوبه ، اليوم ده هو انبسط ورقص وكان مبسوط اوي من " أحمد شيبه" اصل انا جيبته في الخطوبه ، تاني يوم اتصل بيا من مانشستر وقالي افتح الالبوم فتحته لقيته حاطط مكان كل صوره ورقه بميه  ، قالي علشان لما ابقي اخرج اتفسح مع "رحاب" اعرف اصرف واقعد بقي براحتي علي "ديليس" واكل جاتوه وانبسط انا وهي ، مش بقولك ساحر .

انا سيبت "رحاب" واتجوزت واحده تانيه جارتنا برده من خورشيد وعندي دلوقتي " ريماس" و "طوني" رفض يتجوز "ليلي" لانها طلبت منه شقه علي البحر في "المندره" وعربيه " ماروتي " وانا قولتله ان ده كتير علي اي واحده من خورشيد وهو سمع كلامي ، "طوني" قضي 7 سنين في مصر وبعد كده رجع مانشستر ، هو حاول انه ياخدني معاه بس انا رفضت مهو مش معقول اسيب " ريماس " ومكن "الجكر" واسافر

Galbi el Atouf by haitham_shater

خواطر فيل

كلمات : حسن بارا

الحان  : سليمان زين العابدين

غناء   : نور جيلاني والمجموعه

قبضـوني ليـه..ليـه.. ليـه جابـــوني
لـيه عايـــزني أعمــل إيـــه هنـــا
ختــــوني فــي ققـــص كبيـــــــــر
جابـــــــــوني مسجون لي هنا
أنــا مـــا عملـــــت هنـاك شــــئ
مستحيـــــــل هـــــذا العنــــــى
مــا عرفـــت قــط .. قـــط .. قــط
فــي دنيتـــى غيـر اللعـب والشيطنـة
قبضـوني ليه..ليه ليــه جابــــونـي
ليــه حرمـــوني مـــن طعــم الهنـا

******** 

أمـــي العزيــزة هنـــاك تكـــــوس
مــا عارفــة أبــدا ويــن مشيــــت
قايلاني حايم .. حايم .. حايم بالشجـر
زي عـادتـي كـل .. كـل مــا اختفيــت
المـــــــــــــــرة دي .. دي .. دي
الموضـوع خطير في حياتي أنا ما رأيـت
قبضوني زي .. زي .. زي مجــرم كبيــر
لا قــــــدرت أزوغ .. يـا نــاس أزوغ
لا قـــــدرت أزوغ حــــــد ما جريــت
قبضــونـي ليه .. ليه .. ليه جابـوني
ليـه حبســونـي ليه .. أنـا ما جنيـت

 

********
 

خــالفــــــــت أمــــي .. أمـــــي
قعـدت أحــوم بيـن الزهـور الناديــة
قبضـــوني جابــونـي الحبـــــــــس
حـــــــرمونـي خيـــــرات وافرة
يـا يـمة ويـن .. ويـن نلقى الشجـر
نلقـــى الميــــاه الجــــاريــــة
نلقــــــى الصحـــاب نلعــب ســـوى
بصــــحة طيبــــة وعــــافيــــــة
قبضـــوني ليه .. ليه .. ليه جابوني
ليـه حرمــــوني مـن عيشـة الصـافية

الجزيره

طول عمري كان عندي قناعه بفكره الجزيره في اسكندريه وان كل 10 سنين بيظهر مكان جديد يصلح لان يكون جزيره جديده تضاف للي موجود فعلا .

الجزيره هي مكان انت بتسكن فيه وبتشتغل فيه، موجود فيه سوق خضار وممكن تشتري كمبيوتر ودش من الجزيره  وتصلحه فيها برده وفيه مستشفيات ومعامل تحاليل ومدارس للاولاد خاصه ولغات وحكومه ووسائل ترفيه ووسائل انتقال داخليه  وهكذا، ودايما بيكون الربط بينه وبين باقي اسكندريه ضعيف ووسائل الخروج من الجزيره صعبه وزحمه وغير متاحه بصوره دائمه.

الجزر دي ممكن يجي عليها وقت وتتربط بباقي اسكندريه واحيانا بتظل جزيره زي ما هي حتي بعد مرور 10 و 15 سنه علي وجودها، العجمي مثال صارخ وصريح لده وأي حد ساكن في الهانوفيل او البيطاش او حتي ال 21 حيأكدلك المعلومه دي وانه ممكن يقعد 6 شهور ميطلعش من العجمي اطلاقا ، الفلكي والمندره قبلي وطوسون لعبو الادوار دي في مراحل سابقه انما لاتزال تجربه سيدي بشر كأول وأقدم جزيره في اسكندريه هي المثال الابرز والتجربه الاكثر اكتمالا

المواصلات :

 سيدي بشر كانت  منطقه صحراويه غير مأهوله بالسكان لا يصلها الترام وخط السكه الحديد كان يصلها بخط  واحد بس للي نازل البلد او  اللي طالع ابوقير ولو قطارين قابلو بعض بيستنو في التحويله ، او تستني اتوبيس 224 الذي لا يأتي ابدا  

مش حتكلم عن الميني باص الاشهر 777 لانه تجربه لم يكتب لها الاكتمال رغم انها لو اخذت وضعها وفتره زمنيه معقوله كان ممكن تكون سيدي بشر بتلعب دور سموحه دلوقتي 

 

واحقاقا للحق ان سيدي بشر هي الجزيره الاولي اللي ادي تواجدها الي اختراع اعظم وسيله مواصلات في اخر 20 سنه ( المشروع)

الفكره ظهرت ان كان في راجل علي المعاش عنده عربيه بيجو 7 راكب راح سكن في سيدي بشر وجاله فكره انه يربط راكبي الترام بسيدي بشر ويحفز علي الانتقال لسيدي بشر حتي ولو لم يصلها الترام عن طريق وصله تربطك من محطه سيدي بشرترام ( ده مكان قبل فيكتوريا مش في سيدي بشر خالص بس هو اسمه كده ) لحد حي المنتزه اللي هو عاصمه سيدي بشر، طبعا الفكره انتشرت وبقي في اسطول بيجو 7 راكب واتطورت الفكره وبقي في موقف وبقي فيه بلطجي الموقف ودخلت الميكروباصات الياباني وبدأت اسطوره المشروع او الميكروباص في التحقق.

وده فيما بعد اللي كسر فكرة ان سيدي بشر جزيره لما ظهرت العربيات التويوتا الحمرا سنه 1995 واشتغل خط العصافره – بحري العظيم

الاسواق:

هنا بقي كان لازم سوق القاهره يظهر ويتحول من شارع هامشي غير مسفلت بتتصلح فيه عربيات النقل الخاصه بوالد عيد احمد لاعب الاتحاد السكندري السابق الي اهم سوق للخضار في شرق المدينه كله ويخفت صوت شارع سيف للابد .

ممكن نعتبر سوق درباله سوق مهم في الجزيره لكنه ليس الاول ولا الاشهر.

الخدمات العلاجيه :

ده كان مواكب بزوغ نجم مستشفي شرق المدينه لخدمه المرتحلين الجدد الي تلك الجزيره خصوصا بعد لما بقت نص استثماري ونص قطاع اعمال .

السياحه :

كان لازم يكون فيه ايقونه  خاصه بسيدي بشر لاستقبال السياح والوافدين للجزيره مش بس من باقي اسكندريه لأ ده وكمان من باقي المحافظات هنا بقي كان دور هريسه احمد حسنين ، ويمكن ده اللي ساعد شارع سيف شويه انه ميندثرش وياخد رقم زي شوارع كتير اتحولت من شوارع ليها اسماء رنانه الي مجرد شوارع باسماء ارقام زي شارع 15 شارع 66 وهكذا

احمد حسنين كان من اوائل الناس اللي بتعمل توليفه الهريسه اللي مليانه سمنه ومكسرات وبسعر متدني بالمعني الحقيقي للكلمه واظن ان سعر الكيلو ظل ب 5 جنيهات طوال النص التاني من التسعينات كلها مرورا بالالفيه وبعد كده ظهرت بقي المحاولات المشوهه للفكره متمثله في هريسه اولاد رزق في شارع الجلاء وابراهيم الغفير في محرم بك بس مازال حتي الان لاحمد حسنين رونقه الخاص

التكنولوجيا :

حد ينكر ان اشارع ملك حفني هو اهم سوق للرسيفرات واطباق الاستقبال في وجه بحري كله مش في اسكندريه بس ولو مش مصدق روح هنا حتلاقي بالتفصيل ان سيدي بشر من اول اعتبارها كجزيره صنعت اسطوره خاصه بيها

التعليم:

 

طبعا بزوخ نجم مدرسه علي بن ابي طالب ومحاولاتها احتلال مكانه جيده امام العملاق البرجوازي مدرسه عبدالله النديم في مسابقات اوائل الطلبه واعداد الطلبه اللي ليهم ترتيب علي المحافظه في المرحله الاعداديه لا يمكن نسيانها علي الاطلاق، وعلي الجانب الاخر مدرسه السلام اللي هي اول مدرسه الغت فكره التزويغ في اسكندريه بانهم شالو السور اصلا وطبقو نظريه التعليم ( المفتوح ) .

عارف ان مدرسه جمال عبد الناصر الثانويه في فيكتوريا وانها المنافس الوحيد للمكان القميء المسمي بالعباسيه وان جمال عبد الناصر فخر شرق المدينه كله مش سيدي بشر بس ، بس انا حابب اسأل كل اللي كان في جمال عبد الناصر ( هل حسيت وانت فيها انك خرجت بره سيدي بشر وان فيها جالك شعور الاغتراب ولو لحظه؟؟)

الترفيه :

عصام الساحر كان بيلعب نفس الدور اللي كان بيلعبه احمد الامريكاني في الابراهيميه ممكن تقرا عن عصام الساحر هنا بس انا كنت عايز أأكد  علي نقطه ان عصام الساحر مش بس كان بتاع العاب ومقالب زي احمد الامريكاني لأ اكاد اجزم انه اول من ادخل فكره تبادل منتجات المؤسسه العربيه الحديثه للنشر بدلا من انتاج محمود سالم والمكتبه الخضراء ، عصام الساحر هو من اهم الابواق الاعلاميه اللي لمعت نجم نبيل فاروق واحمد خالد توفيق في شرق المدينه قاطبه مش بس سيدي بشر

كل فتره بحاول اكتشف الجزر الجديده في اسكندريه ودعائم الحياه فيها وبزعل لما بتتربط بباقي المدينه  لانك بتتشوه في الحاله دي ومش بيكون ليك خصوصيه وذكريات مغلقه وتقعد تشير كوبري استانلي زي الاهبل علي الفيسبوك او تطلع من المسيره اللي في القائد ابراهيم وتتجاهل المسيره اللي طالعه من خليل حماده اللي هي طالعه من نفس جزيرتك.

عزيزي المواطن السكندري قاطن الجزيره افخر فانت تغير معالم مدينه موجوده من الالاف السنيين وتصنع مستقبلها

حكمه اليوم

احا دي الثوره مستمره نيك

مايو كمال

الانسان دعيف

باشا هي صناديق الزباله بتاعت المقاولين العرب من غير عجل ليه؟؟

علشان متتسرقش يا حبيب قلبي

طيب مدام مفيش عربيه زباله و الزباله بتتفرغ علي الارض الاول وبعدين تتشال باللودر  حاطين صناديق ليه اساسا؟؟

علشان لو مفيش صناديق والزباله حتترمي في الشارع العربيات الملاكي حتركن حوالين الزباله واللودر مش حيعرف ييجي بالليل يشيل الزباله من حوالين العربيات يعني بنستخدم صناديق الزباله لحجز المكان يا فنان

طب وفين عربيات الزباله المخصوص  اللي كانت تقدر تشيل الزباله من الصناديق بالطريقه؟؟

دي كانت تبع الشركه الفرنساوي ولما الشركه انهت التعاقد معانا اخدت العربيات معاها يا برنس

طيب وهي انهت التعاقد ليه ؟؟

علشان المفروض ان مكسب الشركه قائم علي اعاده التدوير بلاستيك بقي علي كارتون علي صفايح بس للاسف الشركه مش بتلاقي اي حاجه من الحاجات دي في صناديق الزباله وبالتالي هي بتلم مخلفات عضويه بس يا برنجي وده ميأكلش عيش ولا مؤاخذه

طب والبلاستكات والحاجات دي بتروح فين؟؟

بص يا باشا في حاجه اسمها مقاول زباله ده بيشغل تحت منه ما يعرف بالنباشين بيسرحو طول النهار يفرزوا الزباله اللي في الصناديق وياخدو الحاجات اللي قولنا عليها فوق في صناديق الشركه الفرنساوي أم عجل ( من دقنه وافتله) وهو يشتري منهم بالكيلو والتمن علي حسب الصنف مقاول الزباله ده بقي بيقسم ويكوم عنده لحد لما تتجمع كميه مناسبه ويروح بيهم علي مصانع الورق او البلاستيك اللي في البرج يبيع بالطن والسبوبه ماشيه يا كينج

طب ليه المقاولين العرب متجبش عربيات زباله مخصوص وتريح الدنيا دي كلها؟؟

مفيش ميزانيه يا وحش

طب  ليه الشرطه متمسكش النباشين ونرجع الشركه القديمه؟؟

الشرطه بتلعب دور الخول اليومين دول ومش بتمسك حد

طب ايه ؟؟

ريح ضهرك انت ومتشغلش بالك وكله بالحب

سبعة اسباب لحب منتخب الكاميرون عام 2003

1- اسماء لاعيبه الفريق مذهله ( دومبي – ديجامبا ديجمبا- موديستمبامي )

2-  الجون الكرباج بتاع ايتو في البرازيل

3- وفاة مارك فيفيان فويه في الماتش قبل النهائي مع كولومبيا

4- التيشرتات الكات البوما اللي الفيفا رفضت انهم يلعبو بيها فحطو دراعات سودا علشان ميوقفوش المراكب السايره

5-  تعليق عصام الشوالي

6-  ايتو قبل الماتش النهائي راح اسبانيا جاب الكاس لمايوركا ورجع تاني يلعب النهائي مع فرنسا

7- عياط تيري هنري في البطوله دي من اول قبل النهائي مع تركيا لحد الجون الذهبي اللي جابه في الكاميرون في الماتش النهائي

سبع ملحوظات علي فيلم الصامتون يتكلمون

1- عمرو غربيه صوته واطي نيك وطول الوقت بيحاول يخلي الجمل الطويله توتات في السنس

2- أحمد ناجي ربرب وبيلعب دور ( تعالي افهمك اللي فيها ) أو ما يعرف حركيا بالكرسي الاحمر

3- أسماء محفوظ تنين قديم  ( ملحوظه قديمه علي فكره)

4- أحمد دومه حافظ مش فاهم

5- أسراء عبد الفتاح ممكن تحفظ قرأن عي الطريقه النورانيه في حضانه شهريتها لا تزيد علي 25 جنيه

6- اكبر اشتغالتين في 2011 هما ( العقيد عمر عفيفي - 6 ابريل)

7- حسني مبارك مازال خول

حكمه اليوم

السنيه بتحرم الخيار

السنيه هي السلفيه في اواسط التسعينات

حديث الاربعاء

 

قال الامام المالتي (رضي الله عنه)

اذا نجحت الثورة كاملة فانها تكون قد فشلت

صدق الامام

قُتل كليطه

امبارح وانا مروح لقيت معظم المحلات اللي كنت بعدي عليها في الوقت ده في طريقي للبيت قافله وفيه جو كئيب كده في الشارع 

عرفت ان الليطه مات بمعني اصح اندبح في الشارع اللي انا كنت ماشي فيه  وقت متاخر

 

عمرو : الواد هشام صابونه بتاع شارع 63 يا عيني مسك الواد الليطه بهدله بالكرباج وبعد لما الوله اغمي عليه راح نزل بالسيف ودبحه زي الخروف وهرب ولسه متجابش لحد دلوقتي ربنا يستر

باشمهندس محمد : امبارح النسوان حطو الواد ليطه في عربيه نقل حمرا  وركبو حواليه علي الصندوق الخلفي وراحو بيه علي المبره بس الواد فيس منهم في السكه فرجعو ومكملوش للمستشفي وكانو بيصوتو علي الليطه وهما راكبين حواليه علي العربيه النقل

محمد النجاح : الظابط جه امبارح ولما لقي في عوء خد بعضه وساب الشارع ورجع للقسم بكل برود 

بشار : الواد ليطه وهو بيندبح اخر كلمه قالها " لا اله الا الله صابونه عدو الله"

حسني : الليطه معندهوش اخوات صبيان وليه اتنين ولاد عم صنايعيه بس ملهمش في حاجه ومش  حيعرفو يعملو حاجه لهشام صابونه يعني الواد الليطه راح فطيس

  انك ممكن تشوف هشام صابونه بعد كده وعارف انه هو اللي قتل ابنك ومش عارف تعمله حاجه فيها عجز خانق (تقريبا الدعاء بتاع قهر الرجال ده تنزل للمواقف اللي شبه حالات الليطه)

انا بعد المغرب اتشطفت ولبست ورحت اسمع ربع في شادر الليطه ، الراجل ابو الليطه سلم عليا وكأنه مش شايفني رغم انه بيرمي عليا السلام يوميا

لما خلصت الربع ورجعت البيت لقيت جارتنا اللي في الوش لسه راجعه برده من عزا النسوان وبتحكي لأمي تفاصيل قتل الليطه بس المره دي الروايه من بق ام ليطه

لما جارتنا قفلت باب الشقه وراها بعد لما اخدت قعدتها عرفت اد ايه اننا شعب زراط وليس هكذا قتل الليطه 

الليطه ديلر متواضع في شارع 66 كان بياخد بضاعه من هشام صابونه وبيصرفها مفيش جديد في القصه ، اليوم اللي اندبح فيه الليطه الصبح في عيال غفلته في شريط فراوله وهربو مدفعوش حقه بعد صلاه الضهر لما ليطه بيسلم ورديه راح يحاسب هشام وطبعا الحساب ناقص منه شريط فراوله قام هشام ملطش لليطه علي خفيف وسبله الدين وخلص الموضوع.

الليطه رجع البيت ووقف يشرب سيجاره مانشستر في البلكونه وفجأه صعبت عليه نفسه وحس انه عايز ينتقم من هشام ويعمل معاه اي نمره

استني لبعد المغرب وراح جاب شومه ونزل خد احمد ابن خالته وقالو يروحو يعاركو هشام لقو باني واقف علي ناصيه صلاح الدين سألهم رايحين فين عرف القصه وتحمس وراح معاهم وللحظ ده كان في مجية صابونه.

طبعا هشام ضرب العيال التلاته ورجع علي 63 ، وهو ماشي ليطه كان عايز يغفله ويضربه من ضهره راح هشام جه علي جنب وحاول يهوشه بالمطواه علشان يخليه يبعد ويمشي راحت المطواه جت في رقبه الليطه في وريد بالغلط

باني واحمد ابن خالته هربو وهشام وقف توكتوك وحط الليطه فيه وطلع بيه علي المبره.

ابو ليطه عنده عربيه نقل حمرا لما جاله الخبر طلع ورا الليطه والنسوان ركبت علي الصندوق راحو المبره لقو الليطه بس وهشام كان خلع

المبره قالتلهم ده مات خدوه بقي رجعوه مكانه علشان البوليس لما يجي وفعلا رجعو الليطه جنب الرصيف مكان الحادثه والظابط جه عاين المكان واتصل ببتوع البحث الجنائي علشان يحضرو يخلصو الموضوع وطلب من ابو الليطه الانتظار راح ابو الليطه مرضيش واتعارك مع الظابط راح الظابط خد الناس اللي معاه ومشي وابو الليطه اتصل بالاسعاف تيجي تشيل الليطه.

الظابط لما رجع القسم لقي هشام مستنيه علشان يسلم نفسه.

جارتنا قاليتلي ان المفروض كانو يصلوا العصر علي الليطه بس الاسعاف جت متأخره والجامع كان قفل فصلوا علي الليطه في الشارع والدنيا بتشتي وربنا يحسن ختامنا كلنا.

اللِّيطَةُ : قشرةُ القصبةِ والقَوسِ والقناةِ وكلِّ شيءٍ له متانة. والجمع : لِيطٌ، ولِيَاطٌ، وألْياطٌ.