المعرض 1

تاخد فكره معانا يا افندم

وماله ناخد بس عن ايه

طب اتفضل معانا في البارتشن

نتفضل

تعطيني فتاه منقبه فلاير

بص حضرتك عندنا كاميرا ديجيتال

ومترجمات بس اللي حاسس انه

حيناسبك اكتر المصحف

الاليكتروني

اتحسس ذقني فاجدها مازالت حليقه

اكيد ناخد فكره

هاتي يا مي المصحف من وراكي

بص حضرتك ده عليه القران كله وممكن تزوم وتشوف

أيه أيه وأماكن النزول وكمان ممكن تسمع الاذان وبيديك رنه في مواقيت الصلاه

طب ويفرق ايه عن ال mp4العادي او اي موبايل عليه السوفت وير ده

مش بس كده ده ده فيه كارته ميموري ممكن حضرتك تنزل من الكمبيوتر فيديوهات

اسلاميه او القران بصوت اي شيخ تحبه وتسمعه وانت ماشي

مينفعش انزل فيديوهات مش اسلاميه

وكمان احنا حاطيين عليه الفواصل بتاعت قناه اقرأ والرساله وبروموهات الشيخ محمد

حسان وحسين يعقوب

ليه؟

وانت شايف حضرتك انه حجمه صغير ازاي وهو اصلا واخد جايزه اصغر جهاز فدي

حاجه كويسه

خدها فين

والسعر حضرتك مفاجاءه 1150 كاش و 1750 تقسيط

طب اسم حضرتك ايه

مايكل... مايكل ميلاد واتشرفنا حضرتك في اي وقت

بوبي تلهو......بوبي تلعب

مع بوبي وسع خيالك
من تاثير تدوينه الشندويلي

الطيب صالح

لك الرحمه

كوبانا

عندما انزل كل من علي المسرح ليقف هو

عندما منع الرقص عليه ليرقص هو

عندما رفع يده عاليا ليصمت الجمهور وانزلها لتصدح الالحان كما يريد هو

عندما عزف الجاز في قلب العشوائيات ليغير امزجه الناس كيفما رأي هو

عندما حول الفرح الشعبي الي امسيه موسيقيه راقيه لتجمع عرقي مهمش او كما قال هو

عندما جعل شاويش الفرح من مجرد جامع للنقطه حامي للراقصه الي عازف كلارنت

علي كوبان او كما يطلقون عليه (كوبانا)

ابعد ما يكون عن معايير الجمال ولكنه ذو حضور طاغ وكاريزما هائله

كوبان من ابناء القاهره نوبي قاهري بس كان بيجي اسكندريه لسببين الافراح النوبيه واحياء حفلات في مسرح السيد درويش بناء علي طلب الجمعيات النوبيه.

كوبانا كانت ليه قواعد صارمه شديد التنظيم بالاخص في الافراح وكان معاه فرقه راقصين خاصه بيه وطبعا الفرقه متكامله بونجز عود كمان ساكس فون درامز وهو معاه كلارنيت

كان بيغني معاه في الفرقه مطربين امثال (حسن جزولي و حسين بشير خضر العطار) وكان في عازفين وراه بقو مطربين زي ( سليم شعراوي)والافرس كانت في فقره منولوجست بالنوبي للفنان الكبير(عبده ميرغني)اللي هو شاعر اصلا وكان بيحضر يقول نكت نوبي

تخيل ده في فرح شعبي في باكوس ولا الباب الجديد ولا كوم الدكه طفره!

الادهي بقي انه بيعزف جاز في فرح !

تخيل في قلب العشوائيات

لا والناس مستمتعه كمان

مش بس مجرد( اورج ) والبشريه بتهز وخلاص

الفرقه كانت 20 فرد بيتقاضو في الفرح 21 جنيه

كان بيحاول يفرض نظامه اللي في الحفلات في الافراح علي قد ما يقدر لانه كان عارف انه في ناس سميعه ملهاش علاقه بالفرح بتجيله علشان الشو كوبان مكنش متاح للجميع ومكنش بيجيبه الا اللي كانو مسافرين الخليج او شغالين علي مراكب (كانت اقصي الاماني في هذه الفتره)

انا مش بهتم بتفاصيل الاسطوانه البلاتينيه والسفر لامريكا بس بيعجبني

انه حتي بعد كده مازال كان بيجي الافراح المتنفس الاشمل لهذا النوع من الفن في الوقت ده

كوبان عازف ومدير فرقه وملحن ومغني كمان

كوبان اشتغل مع منير وحسين بشير ومحمد حمام وبحر ابو جريشه

هو اول واحد دخل الالات الحديثه في المزيكا النوبي ورغم ذلك لم تكن بسذاجه البدايات

كوبان تدرج من العشاء حتي دخول علبه حلواني الرضا ام حتتين بسطه وبست

تدرج من شادر في الشارع لحد ما وصل لمسرح اسكندريه

هو لنا ومنا

فله الرحمه

العلوقيه ادب مش هز اكتاف

تتجلي سياسيا

تتذكر ما صرّحت به علانية في نوبة من

نوبات حماسها و قت أن كانت في لبنان: أنها مستعدة للزواج من السيد حسن

ثلاث أو أربع ساعات لتنجب منه بيبي مقاوم... و أنها لن تعتبر ذلك زواج

متعة

تتجلي حسابيا رياضيا

" ما هو أصل الراجل جابهم على حمارته و جابهم لي عشرات؟"

يقهقه صديقها عاليا فتسأله بيضحك على ايه.

" ايه الكلام اللي بتقوليه دة؟ الراجل جابهم على حمارته و جابهم عشرات... "

تنفجر الدكتورة م. في الضحك بعد أن فهمت مقصده و تزيد، " آه عشر عشرات

تخيل بقى.... "

" بالصحة!"

" على فكرة الكروت دي عليك .."

" موافق.. هبعت لك ال 100 جنيه"

" لأ... لما تيجي المرة الجاية.... ابقى اديهم لي عشرات."

"هههههههههه"

تتجلي دينيا

تنظر بتردد الى زجاجة الويسكي لكنها تحمد الله. لا يزال لديها مخزون

استراتيجي ينفع في مثل هذه الحالات. صحيح أنها لم تكن تريد أن تشرب لفترة

من باب تنظيف الجسم، حيث أنها استهلكت كميات لا بأس بها من الخمر في

الأسابيع الماضية التي حفلت بالأعياد والمناسبات، لكن لينتظر التنظيف

اليوم. لن يضرها كأسا آخر أو كأسين أو ثلاثة على أكثر تقدير. تصب لنفسها

كأسا. توميء برأسها من باب التشجيع، "بسم الله"

تتجلي شعبيا توحديا مع ملح الارض

تلجأ إلى اللطف الأنثوي! تلمس كتفه برقة أشبه إلى المداعبة،

يلتفت السائق اليها، تبتسم له. المصريون، على رأي صديق لها، مهما كانت

التكشيرة التي تعلو وجوههم سيبتسمون لك اذا ما ما ابتسمت لهم، في معظم

الأحيان. يبتسم لها. تزداد ثقتها بوجهة نظر صديقها. تتسع ابتسامتها وهي

تقول له "يسعد صباحك يا أسطى، في حد برضه يبدأ يومه بقتل ودم وصراخ وتوتر

كده... عالريق!؟" يتلعثم السائق وتتسع ابتسامته خجلا ويخفض درجة الصوت.

وتتوج وتختم ادبيا

وسمعني موال الصبر لرمضان البرنس

روبابيكيا

(عندك حاجه غيرها)

هي الكلمه السحريه له

هي رأس ماله

هي ما سوف يبني عليه جميع المفاوضات التاليه

هي المفتاح الذهبي للصفقه

هي من تقلل من تحفزك ضده

هي من تقلل من تحمسك لمالديك

هي من يشجعك علي التضحيه بالمزيد

هي من تعطيه مزيد من الوقت للتفكير

هي من اعطته الثقه للتحول من قول (روبابيكيا) للاكتفاء بقول ( بك )

هي من حولت الكارو الي نصف نقل صغيره

هي من سوف تجعل الدبابه لا قيمه لها امام طشت غسيل

هي من تجعله يغادر وهو رابح وتجعلك تغلق بابك وانت خاسر

فلا تقل اني لم احذرك

رشفه اليوم

لا تعاتب العايب ولا ترقع الدايب